Qrup halında xidmət sevinc gətirir
1 İsa 70 şagirdini təbliğ etməyə göndərərkən, onlara nə demək lazım olduğunu öyrətdi və iki-iki ayıraraq xoş xəbəri çatdıracaqları əraziyə yolladı. Xidmət şagirdlərə böyük sevinc gətirdi (Luka 10:1-17). Buna bənzər tərzdə bu gün də qrup halında keçirilən xidmət Allahın xalqını ruhlandırır və nizamlı surətdə təbliğ etməyə öyrədir.
2 Ağsaqqalların rəhbərliyi altında. Təbliğ işində hamının müntəzəm olaraq iştirak etməsi üçün ağsaqqalların köməyi çox vacibdir. Xidməti nəzarətçi həftənin ara günlərində təbliğ xidməti üçün görüşlər təşkil edir. Hər bir kitaböyrənmə nəzarətçisi öz qrupunun, xüsusən də istirahət günləri üçün olan fəaliyyətinə rəhbərlik edir. Əgər təbliğ xidməti üçün keçirilən görüşdə bütün yığıncaq iştirak edirsə (məsələn, “Gözətçi Qülləsi”nin öyrənilməsindən sonra), hər bir kitaböyrənmə nəzarətçisi öz qrupunun xidməti üçün qayğı göstərməlidir.
3 “Ədəblə və nizamla”. Təbliğ xidməti üçün görüşü keçirən qardaş görüşü vaxtında başlamalı və 10-15 dəqiqə ərzində keçirməlidir. O, təbliğçiləri qruplara və ərazilərə ayırır (əgər yuxarıda deyildiyi kimi, bunu kitaböyrənmənin nəzarətçiləri etməyibsə) və görüşü dua ilə başa çatdırır. Bu cür nizam-intizam sayəsində təbliğçilərin ərazidə toplanmasına ehtiyac qalmayacaq, bu da öz növbəsində xidmətimizin dəyərini azaltmayacaq. Həm də bu cür münasibət Pavelin məsləhətinə müvafiqdir: “Qoy hər şey ədəblə və nizamla edilsin” (1 Kor. 14:40). Təbliğçilər vaxtında gəlməklə, görüşü keçirən qardaşın göstərişlərinə hazırlıqla riayət etməklə və görüş başa çatan kimi əraziyə yola düşməklə həmin görüşün müvəffəqiyyətlə keçirilməsinə kömək etməlidirlər.
4 Qrup halında xidmət yaxınlaşdırır. Qrup halında xidmət etmək yığıncağın üzvləri ilə tanış olmağın gözəl üsuludur. Xidmət etmək üçün kiminləsə qabaqcadan danışmağımızda səhv bir şey olmasa da, bu görüşə qabaqcadan kiminləsə danışmadan gəlməyimiz də faydalı olardı. Ehtimal ki, bizi, hələ yaxşı tanımadığımız kəslə tə’yin etsinlər, beləliklə də biz məhəbbətimizdə ‘genişlənərik’ (2 Kor. 6:11-13, İ-93).
5 Qrup halında xidmət bizi ruhlandırır və “həqiqət uğrunda həmkarlar” kimi yaxınlaşdırır (3 Yəh. 8). Gəlin xidmətin bu növündə fəal surətdə iştirak edək!