Müqəddəs Kitabı öyrənənlərə ruhən böyüməkdə kömək edirik — I hissə.
Müqəddəs Kitab öyrənməsi nədir?
1 Bütün dünyada Yehovanın xidmətçiləri hər ay təxminən altı milyon Müqəddəs Kitab öyrənməsi keçirirlər. Effektiv tə’lim metodları sayəsində biz Müqəddəs Kitabı öyrənənlərə ruhən böyüməkdə, Yehovaya həsr olunub, vəftiz olunmaqda, həmçinin onların “digərlərini də öyrətməyə qabil” olmalarına kömək edə bilərik (2 Tim. 2:2). Müqəddəs Kitabı öyrətdiyin insanların ruhən böyümələrinə kömək etmək istəyərdinmi? “Bizim Padşahlıq Xidmətimiz”in bu sayından e’tibarən, başqalarını öyrədən zaman necə müvəffəqiyyətli olmağa dair bir sıra məqalələr dərc ediləcək.
2 Müqəddəs Kitab öyrənməsi haqqında nə vaxt hesabat vermək olar? Əgər sən müntəzəm olaraq, qısa da olsa, Müqəddəs Kitabın və məsləhət olunan köməkçi vəsaitlərdən birinin köməyi ilə kiminləsə Müqəddəs Kitab ayələrini müzakirə edirsənsə, deməli, Müqəddəs Kitab öyrənməsi keçirirsən. Bu, qapının ağzında və ya telefon vasitəsilə keçirilsə də, öyrənmə hesab olunur. Əgər öyrənmənin davam edəcəyinə əsasın varsa və Müqəddəs Kitabı necə öyrənməyi göstərdiyin vaxtdan bəri artıq iki dəfə dərs keçmisənsə, öyrənmə haqqında hesabat vermək olar.
3 Bir qayda olaraq, öyrənmə “Allah tələb edir” broşürasının və “Bilik” kitabının vasitəsilə keçirilir. Bunları öyrəndikdən sonra, maraqlanan kəsin, yavaş da olsa, ruhani nailiyyətlər etdiyi görünürsə və əldə etdiyi bilikləri qiymətləndirirsə, onda öyrənməni “Allaha ibadət edin” (rus.) kitabının köməyi ilə davam etdirmək olar. Az təhsilli olan və yaxşı oxumağı bacarmayan insanlarla öyrənmək üçün “Sən, Allahın dostu ola bilərsən!” broşürası münasibdir.
4 Müqəddəs Kitab öyrənməsi milyonlarla insanlara İsa Məsihin həqiqi davamçıları olmaqda kömək edib (Mat. 28:19, 20). Bu məqalələrdə verilən məsləhətləri tətbiq etməklə, sən Müqəddəs Kitabı öyrənənlərə ruhən böyüməkdə kömək edəcəksən.