«Müqəddəs Kitab öyrədir» nəşri vasitəsilə öyrənməyə başlamağın üsulları
Bizlərdən çoxu böyük məmnuniyyətlə Müqəddəs Kitab öyrənməsini keçirərdi, amma çox vaxt öyrənməyə başlamaq çətin olur. «Müqəddəs Kitab əslində nə öyrədir?» kitabı bizə kömək edə bilər. 3-dən 7-yə kimi olan səhifələr bu nəşrdən istifadə edərək insanı Müqəddəs Kitab haqqında söhbətə cəlb etmək üçün tərtib olunub. Xidmətdə təcrübəsi az olanlar üçün də öyrənməyə başlamaq asan olacaq.
◼ 3-cü səhifədən istifadə edərək söhbətə belə başlamaq olar:
Ərazinizdəki insanları narahat edən problemi, yaxud xəbərlərdən eşitdiyin bir hadisəni xatırlatdıqdan sonra insanın diqqətini 3-cü səhifədə qalın şriftlə çap olunmuş suallara yönəlt və fikrini soruş. Sonra 4, 5-ci səhifələri aç.
◼ Yaxud diqqəti 4, 5-ci səhifələrə yönəldərək söhbətə başlamaq olar:
Deyə bilərsən: «Şəkildə təsvir olunan dəyişikliklər həqiqət olsaydı, necə də gözəl olardı, elə deyilmi?» Yaxud soruşa bilərsən: «Bu vədlərdən hansının yerinə yetməsini öz gözlərinizlə görmək istəyərdiniz?» Cavaba diqqətlə qulaq as.
Əgər insan hansısa ayəyə xüsusilə maraq göstərsə, kitabdan həmin ayəni izah edən abzasları araşdıraraq Müqəddəs Kitabın bu mövzuya dair nə öyrətdiyini göstər. (Əlavə vərəqənin bu səhifəsindəki çərçivəyə bax.) Öyrənmədə necə edirsənsə, materialı elə araşdır. Bunu ilk gəlişdə beş-on dəqiqə ərzində qapının ağzında etmək olar.
◼ Digər üsul 6-cı səhifədən istifadə edərək insanı söhbətə cəlb etməkdir:
Həmsöhbətinin diqqətini səhifənin aşağısındakı suallara yönəldərək soruş: «Bu suallardan hansısa sizi heç narahat edibmi?» Əgər suallardan hansı iləsə maraqlansa, diqqəti suala cavab verən abzaslara yönəlt. (Əlavə vərəqənin bu səhifəsindəki çərçivəyə bax.) Materialı birgə araşdıranda Müqəddəs Kitab öyrənməsi keçirmiş olursan.
◼ Müqəddəs Kitab öyrənməsinin necə keçirildiyini göstərmək üçün 7-ci səhifədən istifadə edərək söhbətə başlamaq olar:
Səhifədəki ilk üç cümləni oxu, sonra 3-cü fəsli açaraq 1-dən 3-ə kimi abzasların köməyilə öyrənmənin necə keçirildiyini göstər. 3-cü abzasdakı sualları araşdırmaq məqsədilə təkrar başçəkmə üçün təməl qoy.
◼ Təkrar başçəkmə üçün necə təməl qoymaq olar?
İlk müzakirəni yekunlaşdırarkən söhbəti davam etdirmək üçün vaxt təyin et. Sadəcə demək olar: «Bir neçə dəqiqə ərzində biz Müqəddəs Kitabın mühüm məsələyə dair nə öyrətdiyini araşdırdıq. Gələn dəfə öyrənə bilərik ki,.. [müzakirə edəcəyin sualı qeyd et.]». Olar, gələn həftə elə bu vaxt sizin yanınıza gəlim?
Yehovanın təyin etdiyi vaxt yaxınlaşdıqca, tapşırdığı işi icra etmək üçün O, bizi lazım olan hər şeylə təmin edir (Mat. 28:19, 20; 2 Tim. 3:17). Gəlin bu gözəl vəsaitdən düzgün istifadə edərək Müqəddəs Kitab öyrənmələrinə başlayaq.
[4-cü səhifədəki çərçivə]
4, 5-ci səhifələrdəki ayələrin müzakirəsi
◻ Vəhy 21:4 (səh. 27, 28, abz. 1-3)
◻ Yeşaya 33:24; 35:5, 6 (səh. 36, abz. 22)
◻ Yəhya 5:28, 29 (səh. 72, 73, abz. 17-19)
◻ Məzmur 72:16 (səh. 34, abz. 19)
6-cı səhifədəki sualların cavabları
◻ Biz nə üçün iztirab çəkirik? (səh. 108, 109, abz. 6-8)
◻ Həyatın qayğılarının öhdəsindən necə gəlmək olar? (səh. 184, 185, abz. 1-3)
◻ Ailədə xoşbəxtliyə necə nail ola bilərik? (səh. 142, 143 abz. 20)
◻ İnsan öləndə nə baş verir? (səh. 58, 59, abz. 5, 6)
◻ Ölən əzizlərimizlə nə vaxtsa görüşə bilərikmi? (səh. 72, 73, abz. 17-19)
◻ Allahın bütün vədlərini yerinə yetirəcəyinə necə əmin ola bilərik? (səh. 25, abz. 17)