Nümunə üçün təqdimələr

May ayının ilk şənbəsində Müqəddəs Kitab öyrənməsinə başlamaq üçün

«Çoxları düşünür ki, bu dünyadakı pisliklərin arxasında Şeytan durur. Ancaq onlarda bəzi suallar yaranır: “Şeytan haradan peyda olub? Allah onu nə üçün yaradıb?” Bəs siz necə düşünürsünüz? [Cavab verməsinə izin ver.] Görün burada nə yazılıb». «Gözətçi qülləsi» jurnalının aprel-iyun sayının axırıncı səhifəsini göstər və birinci abzası, eləcə də gətirilən ayəni nəzərdən keçir. Jurnalı ona ver və növbəti dəfə digər sualı müzakirə etmək üçün vaxt təyin et.

Gözətçi Qülləsi Aprel—iyun

«Xristianların, yəhudilərin və müsəlmanların xüsusilə hörmət etdikləri Musa peyğəmbər haqda fikrinizi öyrənmək istərdim. Onun haqqında nə bilirsiniz? [Cavab verməsinə izin ver.] Həyatda bəzi səhvlərə yol verməsinə baxmayaraq, yəqin, onu necə insan olduğu barədə Müqəddəs Kitabda yazılanları bilmək sizin üçün maraqlı olardı. [Qanunun təkrarı 34:10—12 ayələrini oxu.] Bu jurnalda onun üç gözəl xüsusiyyətindən və onu necə təqlid edə biləcəyimizdən bəhs olunur».

Oyanın Aprel—iyun

«Bütün dünyada məişət zorakılığı baş alıb gedir. Bəziləri düşünür ki, buna səbəb insanın mədəniyyəti, tərbiyə aldığı ailə, baxdığı və eşitdiyi zorakı şeylərdir. Bəs sizcə, ailədə zorakılığın baş verməsinin əsas səbəbləri bunlardır? [Cavab verməsinə izin ver.] Müqəddəs Kitabdan görürük ki, ərlə arvad arasında münasibət necə olmalıdır. [Efeslilərə 5:33 ayəsini oxu.] Bu jurnalda bəzi ailələrin Müqəddəs Kitab prinsiplərini tətbiq edərək öz nikahlarını necə qoruduqları müzakirə olunur».