Nümunə üçün təqdimələr

Yanvar—mart aylarının ilk şənbəsində Müqəddəs Kitab öyrənməsinə başlamaq üçün

«Əksər insanların Allah haqqında öz təsəvvürləri var. Bəziləri Allahın sirli bir qüvvə olduğunu düşünür. Başqalarının təsəvvüründə isə O, sevən səmavi Atadır. Bəs siz Allahı necə təsəvvür edirsiniz?» [Cavab verməsinə izin ver.] Sonra «Gözətçi qülləsi»nin yanvar—mart sayının axırıncı səhifəsini göstər və birinci sualın altındakı mövzunu və gətirilən ayələrdən ən azı birini birlikdə araşdır. Jurnalı təklif et və növbəti sualı müzakirə etmək üçün görüş təyin et.

Gözətçi qülləsi Yanvar—mart

«Biz insanlarla hər birimizə aidiyyəti olan bir mövzu barədə, əzizlərimizin ölümü barədə söhbət edirik. Yəqin razılaşacaqsınız ki, əziz dostlarımızdan və ya qohumlarımızdan kiminsə ölümünə tab gətirmək çox çətindir. [Cavab verməsinə izin ver.] Müqəddəs Kitabın bu ayəsi çoxlarına təsəlli verib [Yeşaya 25:8 ayəsini oxu.] Bu jurnalda Müqəddəs Kitabın ruhlandırıcı vədindən — ölümə son qoyulacağından və ölən əzizlərimizin yenidən həyata qayıdacağından bəhs edilir».

Oyanın! Yanvar—mart

«Sizə də elə gəlirmi ki, bu gün ailələr çoxlu çətinliklərlə üzləşir? [Cavab verməsinə izin ver.] Müqəddəs Kitabın bir məsəlində ailələrin necə qurulmalı və möhkəmləndirilməli olduğu deyilir. [Süleymanın məsəlləri 24:3 ayəsini oxu.] Çoxları əmin olmuşlar ki, müdrikliyin etibarlı mənbəyi Müqəddəs Kitabdır. Bu jurnalda ailələrə kömək üçün bəzi pulsuz vəsaitlər yerləşən, bənzəri olmayan və Müqəddəs Kitaba əsaslanan veb-saytımızdan bəhs edilir».