Nümunə üçün təqdimələr

Yehovanın Şahidləri yalnız öz dinlərinin düzgün olduğunu hesab edirlər?

«Müqəddəs Kitab Allahın bütün ibadət formalarını qəbul etdiyini öyrətmir. Efeslilərə 4:5 ayəsində “bir Ağa, bir iman” olduğu deyilir. İsa peyğəmbərin bir hikmətli sözü var: “Həyata aparan qapı dar, yol isə ensizdir və bu yolu az adam tapır... Mənə: “Ağam, Ağam”, — deyən hər kəs səmavi padşahlığa girməyəcək, yalnız göydəki Atamın iradəsini yerinə yetirən ora girəcək” (Mat. 7:13, 14, 21; həmçinin bax: 1 Korinflilərə 1:10)».

Yaxud belə demək olar: Müqəddəs Yazılar həqiqi məsihçilərin təlimlərini dönə-dönə «həqiqət», məsihçiliyi isə «həqiqət yolu» adlandırır (1 Tim. 3:15; 2 Yəh. 1; 2 Pet. 2:2). Yehovanın Şahidləri bütün təlimlərini, davranış normalarını və təşkilati məsələləri Müqəddəs Kitaba əsaslandırırlar və inanırlar ki, Müqəddəs Kitab Allahın Kəlamıdır. Buna görə də həqiqət yolunda olduqlarına əmindirlər. Onların bu mövqeyi eqoistlik deyil. Sadəcə onlar inanırlar ki, insanın öz dinini yoxlaması üçün ən düzgün meyar Müqəddəs Kitabdır. Onlar bildiklərini özlərində gizlətmirlər, öz etiqadlarını başqaları ilə də bölüşürlər».