Dərhal hay ver

Yenilənmiş veb-saytımız istifadəyə verilən gündən Müqəddəs Kitabı öyrənməklə bağlı onlayn müraciətlərin sayı inanılmaz dərəcədə artıb. Müraciətlərin artmasına ictimai şahidliyin yeni növləri səbəb olub. Filiallar bu müraciətlərə vaxt itirmədən hay verirlər. Məsələn, jw.org saytına vasitəsilə müraciət ediləndə filial ikicə günə maraqlanan insanın yaşadığı əraziyə uyğun olaraq müraciəti ağsaqqallara göndərir. Ancaq sahədən aldığımız məlumatlardan görünür ki, Müqəddəs Kitabı öyrənmək üçün müraciət edən şəxslərin həftələrlə gözü yolda qalır. Bəs necə əmin ola bilərik ki, biz köməyə çatana kimi həmin insanın marağı ölməyəcək? (Mark 4:14, 15).

Əgər maraqlanan insan sizin ərazidə yaşamırsa, onda dərhal «Zəhmət olmasa, bu adama baş çək» (S-43) blankını doldur və növbəti görüşdən gec olmamaq şərtilə katibə ver. Katib bir və ya iki gün ərzində məlumatı ya müvafiq yığıncağa, ya da jw.org saytı vasitəsilə filiala göndərməlidir. Ağsaqqallar tez-tez saytımıza baxmalıdırlar. Əgər onlar kimdənsə müraciət alıblarsa, dərhal hərəkətə keçməlidirlər. Hər hansı bir təbliğçidən xahiş etmək olar ki, o, ilk növbədə, həmin adamla əlaqə saxlasın. Əgər maraqlanan evdə yoxdursa, yaxşı olardı ki, təbliğçi əlaqə nömrəsini saxlasın.