Suallar qutusu

◼ İnternet və poçt vasitəsilə göndərilən kuponları kim doldurmalıdır?

Nəşrlərimizdə tez-tez çap olunan kuponlar ədəbiyyat sifariş etmək və ya Yehovanın Şahidlərinin baş çəkməsini xahiş etmək üçündür. Onları doldurub filiala göndərmək lazımdır. Bundan əlavə, www.watchtower.org veb-saytımızdan istifadə edərək Müqəddəs Kitab öyrənməsi xahiş etmək olar. Düzdür, bu, bir çoxlarının həqiqəti öyrənməsinə kömək edir. Ancaq təbliğçilər qohumlarına və ya başqalarına ruhani köməklik göstərilsin deyə onların əvəzinə bu kuponları dolduranda müəyyən problemlər üzə çıxır.

Bəzilərinə filial tərəfindən sifariş etmədikləri ədəbiyyatlar göndəriləndə onlar narazılıqlarını bildirirlər ki, təşkilatımız onların adını abunəçi siyahısına daxil edib və ədəbiyyat göndərməklə onları narahat edir. Təbliğçilər özü ona baş çəkilməsini xahiş etməyən adama baş çəkəndə isə bu, həmin adamın qəzəbinə səbəb olur və bacı-qardaşlar pis vəziyyətdə qalırlar. Buna görə də, veb-sayt və poçt vasitəsilə göndərilən kuponları təbliğçilər yox, maraqlanan insanların özləri doldurmalıdır. Filial kuponun təbliğçi tərəfindən göndərildiyini biləndə, adətən, belə xahişlərə cavab vermir.

Bəs onda qohumlara və tanışlara ruhani köməkliyi necə göstərmək olar? Əgər onlara ədəbiyyat göndərilməsini istəyirsənsə, bəlkə, bunu özün edəsən? Əgər həmin adamda maraq yaranarsa və Yehovanın Şahidlərinin ona baş çəkməsini istəyərsə, amma sən yerli yığıncağın ağsaqqalları ilə necə əlaqə saxlayacağını bilmirsənsə, «Zəhmət olmasa, bu adama baş çək» (S-43) blankını doldur və yığıncağının katibinə ver; o, blankı nəzərdən keçirdikdən sonra filiala göndərəcək. Ancaq əgər maraqlanan adam həbsdədirsə, narkoloji-tibb müəssisəsində və ya xəstəxanada müalicə olunursa, onun əvəzinə filiala müraciət etmək lazım deyil. Əksinə, onu təşviq et ki, həmin yerlərə baş çəkən qardaşlarla əlaqə saxlasın və ya filiala şəxsən özü məktub yazsın.