Növbəti köməkçi öncül siz olun!

Hizqiyal peyğəmbərin məbəd barədə aldığı vəhydən görünür ki, Yehova Allahın xalqı Ona könüllü qurbanlar gətirəcək. Bəs şəxsən hər birimiz Allaha mədh qurbanlarını necə gətirə bilərik? (İb 13:15, 16).

Mədh qurbanı gətirməyə şərait yaradan üsullardan biri köməkçi öncül kimi xidmət etməkdir. 2018-ci xidmət ilində bir neçə ayda beş şənbə və beş bazar günü var. Bu, sıx iş qrafiki olan, buna görə də əsasən həftə sonları xidmət edən məsihilər üçün yaxşı fürsətdir. Həmçinin təbliğçilər mart və aprel aylarında, eləcə də rayon nəzarətçisi yığıncağı ziyarət edən ay 30, yaxud 50 saatlıq norma ilə köməkçi öncül kimi xidmət edə bilər.

Bəs əgər şəraitiniz köməkçi öncül kimi xidmət etməyə yol vermirsə, nə edə bilərsiniz? Bir təbliğçi kimi qabiliyyətinizi təkmilləşdirin və təbliğ saatlarınızı artırın. Hər birimizin vəziyyəti fərqlidir, buna görə də hamımız köməkçi öncül kimi xidmət edə bilmirik. Amma arzu edirik ki, Yehova Allaha məhəbbət bizi 2018-ci xidmət ilində Ona ən gözəl şəkildə xidmət etməyə təşviq etsin! (Hş 14:2).

«YEHOVA İLƏ, DEMƏK OLAR, HƏR ŞEYƏ GÜCÜM ÇATAR» ADLI VİDEOYA BAXANDAN SONRA NÖVBƏTİ SUALLARA CAVAB VERİN:

• Sabinanı Yehova Allaha xidmətdə daha çox iş görməyə nə təşviq edir?

• Sabinanın nümunəsi sizə necə təsir edir?

• 2018-ci xidmət ilində hansı ay(lar) köməkçi öncül kimi xidmət edə bilərsiniz?