Иплелек

Пауыл нисек эш иткән?

ВИДЕОЯҘМА: «Пауыл Афина халҡына вәғәзләй»

1. ВИДЕОЯҘМАНЫ ҡарағыҙ йә Илселәр 17:22, 23-тө уҡығыҙ. Шунан ошо һорауҙар өҫтөндә уйланығыҙ:

1. а) Афинала боттарҙың күп булғанын күргәс, Пауыл нимә хис иткән? (Илселәр 17:16-ны ҡарағыҙ.)

2. б) Афина халҡына вәғәзләгәндә Пауыл нисек иплелек күрһәткән?

Беҙ Пауылдан нимәгә өйрәнәбеҙ?

2. Нимә, нисек һәм ҡасан әйтеребеҙҙе алдан уйлаһаҡ, кеше беҙҙе теләберәк тыңлар.

Пауылдан өлгө алығыҙ

3. Һүҙҙәрҙе ентекләп һайлағыҙ. Мәҫәлән, христиан диненән алыҫ булған кеше менән һөйләшкәндә, моғайын, Изге Яҙма йә Ғайса Мәсих тураһында туранан-тура әйтмәү яҡшыраҡ булыр.

4. Кешене төҙәтергә ашыҡмағыҙ. Уға үҙ фекерен әйтергә мөмкинлек бирегеҙ. Уның һүҙҙәре Изге Яҙмаға ҡаршы килһә, бәхәсләшергә бик теләһәгеҙ ҙә, үҙегеҙҙе ҡулда тотоғоҙ (Яҡ. 1:19). Кешене иғтибар менән тыңлаһағыҙ, уның нимәгә һәм ни өсөн ышанғанын аңларһығыҙ (Ғиб. һүҙ. 20:5).

5. Урынлы булғанда, кеше менән ризалашығыҙ һәм уны маҡтағыҙ. Ғәҙәттә, кешеләр үҙ ҡараштарының дөрөҫлөгөнә эскерһеҙ ышана. Шуға ла тәүҙә уртаҡ нигеҙ табырға тырышығыҙ, ә һуңынан әкренләп кенә кешегә Изге Яҙманың нимәгә өйрәткәнен аңларға ярҙам итегеҙ.