Bagihon ma na Diparsiajari Hamu

Tikki marsiajar Bibel hita, gabe dipatogu do rohatta. Alai molo tabagihon na taparsiajari i tu na asing, gabe lam togu ma rohatta. Molo taulahon i, dipatudos ma i songon na didok di Poda 11:​25, “Manang ise na mangalehon minum na asing, lehonon ni halak do ibana minum.”

Asing ni i molo tabagihon na taparsiajari i, gabe lam mura ma i taingot jala lam bagas ma parbinotoanta. Jala ala adong manfaat ni na tabagihon i tu na asing, gabe marlas ni roha ma hita.—Ul. 20:35.

Coba ma on: Di minggu na ro, coba ma bagihon na diparsiajari hamu tu na asing. Misalna, tu keluargamuna, tu donganta di huria, tu dongan sakarejo, tu dongan sasikkola, tu hombar jabu, manang tu halak na juppangmuna tikki marbarita. Asa mura diattusi nasida, takkas jala sederhana ma caramuna patorakkon i.

Ingot ma on: Tujuanmuna tikki mambagihon na diparsiajari hamu, i ma lao patoguhon na asing, dang asa dipuji-puji halak hamu.—1 Kor. 8:1.