INOT NA LIBRO NIN MGA CRONICA

5 An mga aki ni Jafet iyo si Gomer, Magog, Madai, Javan, Tubal,+ Mesec,+ asin Tiras.+

6 An mga aki ni Gomer iyo si Askenaz, Rifat, asin Togarma.+

7 An mga aki ni Javan iyo si Elisa, Tarsis, Kitim, asin Rodanim.

8 An mga aki ni Ham iyo si Cus,+ Mizraim, Put, asin Canaan.+

9 An mga aki ni Cus iyo si Seba,+ Havila, Sabta, Raama,+ asin Sabteca.

An mga aki ni Raama iyo si Sheba asin Dedan.+

10 Si Cus an ama ni Nimrod.+ Si Nimrod an inot na nagin makapangyarihan sa daga.

11 Si Mizraim an ama ni Ludim,+ Anamim, Lehabim, Naftuhim,+ 12 Patrusim,+ Casluhim (an ginikanan kan mga Filisteo),+ asin ni Caftorim.+

13 Si Canaan an ama ni Sidon,+ na saiyang panganay, asin ni Het,+ 14 saka kan mga Jebusita,+ Amorita,+ Girgasita,+ 15 Hivita,+ Arkeo, Sineo, 16 Arvadita,+ Zemarita, asin kan mga Hamateo.

18 Si Arpacsad an ama ni Shela,+ asin si Shela an ama ni Eber.

19 Nagkaigwa nin duwang aki si Eber. An pangaran kan saro Peleg,*+ huling nagkabaranga* an daga* kan panahon niya. An pangaran kan saiyang tugang Joktan.

20 Si Joktan an ama ni Almodad, Selef, Hazarmavet, Jera,+ 21 Hadoram, Uzal, Dikla, 22 Obal, Abimael, Sheba, 23 Ofir,+ Havila,+ asin Jobab; gabos sinda mga aki ni Joktan.

28 An mga aki ni Abraham iyo si Isaac+ asin Ismael.+

29 Ini an mga apuon kan mga pamilyang naggikan sa sainda: An panganay ni Ismael iyo si Nebaiot,+ dangan si Kedar,+ Adbeel, Mibsam,+ 30 Misma, Duma, Masa, Hadad, Tema, 31 Jetur, Nafis, asin Kedema. Sinda an mga aki ni Ismael.

32 An mga aki ni Ketura+ na sekondaryong agom* ni Abraham iyo si Zimran, Joksan, Medan, Midian,+ Isbak, asin Shuah.+

An mga aki ni Joksan iyo si Sheba asin Dedan.+

33 An mga aki ni Midian iyo si Efa,+ Efer, Hanok, Abida, asin Eldaa.

Mga aki sinda gabos ni Ketura.

34 Si Abraham an ama ni Isaac.+ An mga aki ni Isaac iyo si Esau+ asin Israel.+

35 An mga aki ni Esau iyo si Elifaz, Reuel, Jeus, Jalam, asin Kora.+

36 An mga aki ni Elifaz iyo si Teman,+ Omar, Zefo, Gatam, Kenaz, Timna, asin Amalek.+

37 An mga aki ni Reuel iyo si Nahat, Zera, Sammah, asin Mizza.+

38 An mga aki ni Seir+ iyo si Lotan, Sobal, Zibeon, Anah, Dison, Ezer, asin Disan.+

39 An mga aki ni Lotan iyo si Hori asin Homam. An tugang na babayi ni Lotan iyo si Timna.+

40 An mga aki ni Sobal iyo si Alvan, Manahat, Ebal, Sefo, asin Onam.

An mga aki ni Zibeon iyo si Aias asin Anah.+

41 An aki* ni Anah iyo si Dison.

An mga aki ni Dison iyo si Hemdan, Esban, Itran, asin Keran.+

42 An mga aki ni Ezer+ iyo si Bilhan, Zaavan, asin Akan.

An mga aki ni Disan iyo si Uz asin Aran.+

43 Ini an mga hadi na namahala sa daga nin Edom+ bago pa magkaigwa nin hadi an mga Israelita:*+ Si Bela na aki ni Beor, asin Dinhaba an pangaran kan saiyang siyudad. 44 Kan magadan si Bela, si Jobab na aki ni Zera na taga Bozra+ an naghadi na kasalida niya. 45 Kan magadan si Jobab, si Husam na hali sa daga kan mga Temanita an naghadi na kasalida niya. 46 Kan magadan si Husam, si Hadad na aki ni Bedad, na duminaog sa Midian sa teritoryo* nin Moab, an naghadi na kasalida niya. Avit an pangaran kan saiyang siyudad. 47 Kan magadan si Hadad, si Samla na taga Masreka an naghadi na kasalida niya. 48 Kan magadan si Samla, si Shaul na taga Rehobot na harani sa Salog an naghadi na kasalida niya. 49 Kan magadan si Shaul, si Baal-hanan na aki ni Acbor an naghadi na kasalida niya. 50 Kan magadan si Baal-hanan, si Hadad* an naghadi na kasalida niya. Pau an pangaran kan saiyang siyudad, asin an agom niya iyo si Mehetabel na aki ni Matred na aking babayi ni Mezahab. 51 Dangan nagadan si Hadad.

An mga shik* kan Edom iyo si Shik Timna, Shik Alva, Shik Jetet,+ 52 Shik Oholibama, Shik Elah, Shik Pinon, 53 Shik Kenaz, Shik Teman, Shik Mibzar, 54 Shik Magdiel, asin Shik Iram. Sinda an mga shik kan Edom.

2 Ini an mga aki ni Israel:+ si Ruben,+ Simeon,+ Levi,+ Juda,+ Isacar,+ Zebulon,+ 2 Dan,+ Jose,+ Benjamin,+ Neftali,+ Gad,+ asin Aser.+

3 An mga aki ni Juda iyo si Er, Onan, asin Shela. An tulong ini aki niya sa Canaanitang aking babayi ni Shua.+ Pero dai nauyunan ni Jehova an ginigibo kan panganay ni Juda na si Er, kaya ginadan Niya ini.+ 4 An aki ni Juda ki Tamar+ na manugang niyang babayi iyo si Perez+ asin Zera. Lima gabos an aki ni Juda.

5 An mga aki ni Perez iyo si Hezron asin Hamul.+

6 An mga aki ni Zera iyo si Zimri, Etan, Heman, Calcol, asin Dara. Lima sinda gabos.

7 An aki* ni Carmi iyo si Acar,* na nagdara nin kapahamakan* sa Israel,+ na dai nagin maimbod may koneksiyon sa mga bagay na dapat laglagon.+

8 An aki* ni Etan iyo si Azarias.

9 An mga aki ni Hezron iyo si Jerameel,+ Ram,+ asin Kelubai.*

10 Si Ram an ama ni Aminadab.+ Si Aminadab an ama ni Nason+ na pamayo kan mga gikan ni Juda. 11 Si Nason an ama ni Salma.+ Si Salma an ama ni Boaz.+ 12 Si Boaz an ama ni Obed. Si Obed an ama ni Jesse.+ 13 An panganay na aki ni Jesse iyo si Eliab, an ikaduwa si Abinadab,+ an ikatulo si Simea,+ 14 an ikaapat si Netanel, an ikalima si Radai, 15 an ikaanom si Ozem, asin an ikapito si David.+ 16 An mga tugang nindang babayi iyo si Zeruia asin Abigail.+ An tulong aki ni Zeruia iyo si Abisai,+ Joab,+ asin Asahel.+ 17 Si Abigail an ina ni Amasa,+ asin an ama ni Amasa iyo si Jeter na Ismaelita.

18 Si Caleb* na aki ni Hezron nagkaigwa nin mga aki sa agom niyang si Azuba saka ki Jeriot; asin ini an mga aki niya: si Jeser, Sobab, asin Ardon. 19 Kan magadan si Azuba, inagom ni Caleb si Efrat,+ asin ipinangaki kaini si Hur.+ 20 Si Hur an ama ni Uri. Si Uri an ama ni Bezalel.+

21 Dangan, dinurugan ni Hezron an aking babayi ni Makir+ na ama ni Gilead.+ An edad niya kaidto kan inagom niya siya 60 anyos, asin ipinangaki kaini si Segub. 22 Si Segub an ama ni Jair,+ na igwang 23 na siyudad sa daga nin Gilead.+ 23 (Kan huri, kinua sa sainda kan Gesur+ asin Siria+ an Havot-jair,+ pati an Kenat+ saka an nakapalibot na mga banwa diyan,* bali 60 siyudad.) Gabos sinda mga gikan ni Makir na ama ni Gilead.

24 Pagkagadan ni Hezron+ sa Caleb-efrata, ipinangaki kan agom niyang si Abias si Ashur+ na ama* kan Tekoa.+

25 An mga aki ni Jerameel na panganay ni Hezron iyo si Ram na saiyang panganay, tapos si Buna, Oren, Ozem, asin Ahias. 26 May saro pang agom si Jerameel, na an pangaran Atara. Siya an ina ni Onam. 27 An mga aki ni Ram na panganay ni Jerameel iyo si Maaz, Jamin, asin Eker. 28 An mga aki ni Onam iyo si Samai asin Jada. An mga aki ni Samai iyo si Nadab asin Abisur. 29 An agom ni Abisur iyo si Abihail, asin an mga nagin aki ninda iyo si Aban asin Molid. 30 An mga aki ni Nadab iyo si Seled asin Apaim. Pero nagadan si Seled na daing aki. 31 An aki* ni Apaim iyo si Isi. An aki* ni Isi iyo si Sesan, asin an aki* ni Sesan iyo si Alai. 32 An mga aki ni Jada na tugang ni Samai iyo si Jeter asin Jonathan. Pero nagadan si Jeter na daing aki. 33 An mga aki ni Jonathan iyo si Peleth asin Zaza. Sinda an mga gikan ni Jerameel.

34 Mayo nin aking lalaki si Sesan, mga aking babayi sana. May Ehipsiyong lingkod si Sesan na an pangaran Jarha. 35 Ipinaagom ni Sesan sa saiyang lingkod na si Jarha an saiyang aking babayi, asin ipinangaki kaini si Atai. 36 Si Atai an ama ni Natan. Si Natan an ama ni Zabad. 37 Si Zabad an ama ni Eflal. Si Eflal an ama ni Obed. 38 Si Obed an ama ni Jehu. Si Jehu an ama ni Azarias. 39 Si Azarias an ama ni Helez. Si Helez an ama ni Eleasa. 40 Si Eleasa an ama ni Sismai. Si Sismai an ama ni Salum. 41 Si Salum an ama ni Jekamias. Si Jekamias an ama ni Elisama.

42 An mga aki ni Caleb*+ na tugang ni Jerameel iyo si Mesa na panganay niya na ama kan Zif, asin an mga aki ni Maresah na ama ni Hebron. 43 An mga aki ni Hebron iyo si Kora, Tapua, Rekem, asin Sema. 44 Si Sema an ama ni Raham na ama kan Jorkeam. Si Rekem an ama ni Samai. 45 An aki ni Samai iyo si Maon. Si Maon an ama kan Bet-zur.+ 46 An sekondaryong agom ni Caleb na si Efa iyo an ina ni Haran, Moza, asin Gazez. Si Haran an ama ni Gazez. 47 An mga aki ni Jahdai iyo si Regem, Jotam, Gesan, Pelet, Efa, asin Saaf. 48 An sekondaryong agom ni Caleb na si Maaca iyo an ina ni Seber asin Tirhana. 49 Pag-abot nin panahon, ipinangaki niya si Saaf na ama kan Madmana+ asin si Sheva na ama kan Macbena saka Gibea.+ An aking babayi ni Caleb+ iyo si Acsa.+ 50 Sinda an mga gikan ni Caleb.

An mga aki ni Hur+ na panganay ni Efrata+ iyo si Sobal na ama kan Kiriat-jearim,+ 51 si Salma na ama kan Betlehem,+ asin si Haref na ama kan Bet-gader. 52 An mga aki ni Sobal na ama kan Kiriat-jearim iyo si Haroe pati an kabanga kan mga taga Menuhot. 53 An mga pamilya kan Kiriat-jearim iyo an mga Itrita,+ mga Puteo, mga Sumateo, asin mga Misraita. Sa sainda gikan an mga Zoratita+ asin mga Estaolita.+ 54 An mga aki ni Salma iyo an Betlehem,+ mga taga Netofa, an Atrot-bet-joab, an kabanga kan mga Manahatita, asin an mga Zorita. 55 An mga pamilya kan mga eskriba na nakaistar sa Jabez iyo an mga Tirateo, mga Simeateo, asin mga Sucateo. Sinda an mga Kenita+ na gikan ki Hammat na ama kan pamilya* ni Recab.+

3 Ini an mga aking lalaki ni David na nagkamurundag sa Hebron:+ an panganay iyo si Amnon+ na aki niya ki Ahinoam+ na taga Jezreel; an ikaduwa iyo si Daniel na aki niya ki Abigail+ na taga Carmel; 2 an ikatulo iyo si Absalom+ na aki niya ki Maaca na aking babayi ni Talmai na hadi kan Gesur; an ikaapat iyo si Adonias+ na aki niya ki Hagit; 3 an ikalima iyo si Sefatias na aki niya ki Abital; asin an ikaanom iyo si Itream na aki ni David sa agom niyang si Egla. 4 An anom niyang aking ini nagkamurundag sa Hebron; naghadi siya duman sa laog nin 7 taon may 6 na bulan; asin sa Jerusalem, naghadi siya sa laog nin 33 na taon.+

5 Ini an mga aki niyang nagkamurundag sa Jerusalem:+ si Simea, Sobab, Natan,+ asin Solomon;+ an ina kan apat na ini iyo si Bat-seba+ na aki ni Amiel. 6 Asin an siyam pa niyang aki iyo si Ibhar, Elisama, Elifelet, 7 Noga, Nefeg, Jafia, 8 Elisama, Eliada, asin Elifelet. 9 Sinda gabos an aking lalaki ni David, apuwera pa sa mga aki niya sa saiyang mga sekondaryong agom, asin si Tamar+ an tugang nindang babayi.

10 An aki ni Solomon iyo si Rehoboam,+ na ama ni Abias,+ na ama ni Asa,+ na ama ni Jehosafat,+ 11 na ama ni Jehoram,+ na ama ni Ahazias,+ na ama ni Jehoas,+ 12 na ama ni Amazias,+ na ama ni Azarias,+ na ama ni Jotam,+ 13 na ama ni Ahaz,+ na ama ni Hezekias,+ na ama ni Manases,+ 14 na ama ni Amon,+ na ama ni Josias.+ 15 Ini an mga aki ni Josias: an panganay iyo si Johanan, an ikaduwa si Jehoiakim,+ an ikatulo si Zedekias,+ an ikaapat si Salum. 16 Aki ni Jehoiakim si Jeconias+ na ama ni Zedekias. 17 An mga aki kan presong si Jeconias iyo si Sealtiel, 18 Malkiram, Pedaias, Senazar, Jekamias, Hosama, asin Nedabias. 19 An mga aki ni Pedaias iyo si Zerubabel+ asin Simei; an mga aki ni Zerubabel iyo si Mesulam asin Hananias (asin an tugang nindang babayi iyo si Selomit), 20 asin an lima pa niyang aki iyo si Hasuba, Ohel, Berekias, Hasadias, asin Jusab-hesed. 21 An mga aki ni Hananias iyo si Pelatias asin Jesaias; an aki* ni Jesaias iyo si Refaias; an aki* ni Refaias iyo si Arnan; an aki* ni Arnan iyo si Obadias; an aki* ni Obadias iyo si Secanias; 22 asin an mga gikan* ni Secanias iyo an aki niyang si Semaias asin an mga aki kaini na si Hatus, Igal, Barias, Nearias, asin Safat—anom gabos. 23 An tulong aki ni Nearias iyo si Elioenai, Hizkias, asin Azrikam. 24 Asin an pitong aki ni Elioenai iyo si Hodavias, Eliasib, Pelaias, Akub, Johanan, Delaias, asin Anani.

4 An mga aki ni Juda iyo si Perez,+ Hezron,+ Carmi, Hur,+ asin Sobal.+ 2 Si Reaias na aki ni Sobal iyo an ama ni Jahat; si Jahat an ama ni Ahumai asin Lahad. Sainda gikan an mga pamilya kan mga Zoratita.+ 3 Ini an mga aki kan ama* kan Etam:+ si Jezreel, Isma, asin Idbas (asin an pangaran kan saindang tugang na babayi Hazelelponi), 4 asin si Penuel na ama ni Gedor, asin si Ezer na ama ni Husa. Sinda an mga aki ni Hur+ na panganay ni Efrata asin ama kan Betlehem.+ 5 Si Ashur+ na ama kan Tekoa+ igwa nin duwang agom, si Hela asin Naara. 6 An mga aki niya ki Naara iyo si Ahuzam, Hefer, Temeni, asin Haahastari. Sinda an mga aki ni Naara. 7 Asin an mga aki ni Hela iyo si Zeret, Izar, asin Etnan. 8 Si Koz an ama ni Anub, Zobeba, asin kan mga gikan ni Aharhel na aki ni Harum.

9 Nagin mas kagalang-galang si Jabez kisa sa saiyang mga tugang; asin pinangaranan siyang Jabez* kan saiyang ina huling sabi kaini: “Makulugon an pagpangaki ko saiya.” 10 Nag-apod si Jabez sa Diyos kan Israel: “Bendisyunan mo tabi ako saka pahiwason mo an sakong teritoryo asin tabangan mo ako saka iligtas sa kapahamakan, tanganing mayong mangyaring maraot sa sako!” Asin pinangyari nin Diyos an hinagad niya.

11 Si Kelub na tugang ni Suha an ama ni Mehir na ama ni Eston. 12 Si Eston an ama ni Bet-rafa, Pasea, asin ni Tehina na ama kan Ir-nahas. Sinda an mga lalaki kan Reca. 13 Asin an mga aki ni Kenaz iyo si Otniel+ asin Seraias, asin an aki* ni Otniel iyo si Hatat. 14 Si Meonotai an ama ni Ofra. Si Seraias an ama ni Joab na ama kan lugar na inapod na Ge-harasim* huling an mga nakaistar diyan mga ekspertong trabahador.

15 An mga aki ni Caleb+ na aki ni Jefunne iyo si Iru, Elah, asin Naam; asin an aki* ni Elah iyo si Kenaz. 16 An mga aki ni Jehalelel iyo si Zif, Zifa, Tiria, asin Asarel. 17 An mga aki ni Ezra iyo si Jeter, Mered, Efer, asin Jalon; nangidam siya* asin ipinangaki si Miriam, Samai, asin Isba na ama ni Estemoa. 18 (Asin ipinangaki kan saiyang Judiong agom si Jered na ama ni Gedor, si Heber na ama ni Soco, asin si Jekutiel na ama kan Zanoa.) Sinda an mga aki ni Bitia na aki ni Faraon, na napangagom ni Mered.

19 An mga aki kan agom ni Hodias, na tugang na babayi ni Naham, iyo an mga ama kan Keila kan mga Garmita asin si Estemoa na Maacatita. 20 Asin an mga aki ni Shimon iyo si Amnon, Rina, Ben-hanan, asin Tilon. Asin an mga aki ni Isi iyo si Zohet asin Ben-zohet.

21 An mga aki ni Shela+ na aki ni Juda iyo si Er na ama ni Leca, si Laada na ama ni Maresah, asin an mga pamilya kan mga paragibo nin de-kalidad na tela na mga gikan* ni Asbea, 22 asin si Jokim, an mga lalaki kan Cozeba, si Joas, asin Saraf, na mga nagin agom nin mga babaying Moabita, asin si Jasubi-lehem. Hali sa suanoy na mga rekord an impormasyon na ini.* 23 Mga paragibo sinda nin kuron na nakaistar sa Netaim asin Gedera. Nag-istar sinda duman asin nagtrabaho para sa hadi.

24 An mga aki ni Simeon+ iyo si Nemuel, Jamin, Jarib, Zera, asin Shaul.+ 25 Si Shaul an ama ni Salum, na ama ni Mibsam, na ama ni Misma. 26 Si Misma an ama ni Hamuel, na ama ni Zaccur, na ama ni Simei. 27 Si Simei igwa nin 16 na aking lalaki saka 6 na aking babayi; pero diit sana an mga aking lalaki kan saiyang mga tugang, asin mayo sa mga pamilya ninda an nagkaigwa nin mga aking lalaki na arog kadakul kan sa mga lalaki kan Juda.+ 28 Nag-istar sinda sa Beer-sheba,+ Molada,+ Hazar-sual,+ 29 Bilha, Ezem,+ Tolad, 30 Betuel,+ Horma,+ Ziklag,+ 31 Bet-marcabot, Hazar-susim,+ Bet-biri, asin Saaraim. Iyan an saindang mga siyudad sagkod kan paghadi ni David.

32 Nag-istar man sinda sa lima pang siyudad na iyo an Etam, Ain, Rimon, Token, asin Asan+ 33 saka sa mga baryong nakapalibot sa mga siyudad na ini sagkod sa Baal. Iyan an saindang rekord nin mga ginikanan asin an mga lugar na saindang pig-istaran. 34 Ini an iba pang mga gikan ni Simeon: si Mesobab, Jamlec, si Josa na aki ni Amazias, 35 si Joel, si Jehu na aki ni Josibias na aki ni Seraias na aki ni Asiel, 36 asin si Elioenai, Jaakoba, Jesohaias, Asaias, Adiel, Jesimiel, Benaias, 37 asin si Ziza na aki ni Sifi na aki ni Alon na aki ni Jedaias na aki ni Simri na aki ni Semaias; 38 ining nasambit na mga pangaran iyo an mga pamayo kan saindang mga pamilya, asin duminakul an mga pamilya kan saindang mga apuon. 39 Asin nagpasiring sinda sa may entrada kan Gedor, na nasa bandang sirangan kan kababan, tanganing maghanap nin mapapasabsaban kan saindang mga aripumpon. 40 Kan huri, nakakua sinda nin maduot* saka marahay na pasabsaban. Mahiwas, matuninong, saka daing disturbo an kadagaan na ini. Mga Hamita+ an dating nakaistar diyan. 41 Ining mga nakalistang pangaran iyo an mga nag-arabot kan panahon ni Hading Hezekias+ kan Juda, asin pinabagsak ninda an mga tolda kan mga Hamita asin an mga Meunim na yaon sa lugar na iyan. Linaglag ninda sinda asin mayo nin natada sa sainda sagkod sa aldaw na ini; asin sinda na an nag-istar sa lugar na iyan huling may mga pasabsaban diyan para sa mga aripumpon ninda.

42 Nagsalakay sa Bukid nin Seir+ an nagkapira sa mga Simeonita, 500 na lalaki. Pinanginutan sinda kan mga aki ni Isi na si Pelatias, Nearias, Refaias, asin Uziel. 43 Asin ginaradan ninda an natadang mga Amalekita+ na nakadulag, asin duman sinda nag-istar sagkod sa aldaw na ini.

5 Ini an mga aki ni Ruben+ na panganay ni Israel. Siya an panganay, pero huling dinigtaan* niya an higdaan kan saiyang ama,+ an deretso niya bilang panganay itinao sa mga aki ni Jose+ na aki ni Israel, kaya sa saindang rekord nin mga ginikanan bako siya an ilinistang may deretso kan pagigin panganay. 2 Dawa pa mas nakakalabi si Juda+ kisa sa mga tugang niya asin sa saiya naggikan an saro na magigin lider,+ ki Jose itinao an deretso bilang panganay. 3 An mga aki ni Ruben na panganay ni Israel iyo si Hanok, Palu, Hezron, asin Carmi.+ 4 Aki ni Joel si Semaias, na ama ni Gog, na ama ni Simei, 5 na ama ni Mikas, na ama ni Reaias, na ama ni Baal, 6 na ama ni Beerah na idinistiyero* ni Hading Tilgat-pilneser+ kan Asiria; nagin siyang pamayo kan tribo ni Ruben. 7 An saiyang mga tugang sigun sa saindang rekord nin mga ginikanan kan mga pamilya iyo si Jeiel na pamayo, si Zacarias, 8 asin si Bela na aki ni Azaz, na aki ni Sema, na aki ni Joel. An pamilya ni Bela nag-istar sa Aroer+ sagkod sa Nebo saka Baal-meon.+ 9 An inistaran ninda sa bandang sirangan nakaabot sagkod sa gilid kan kaawagan, na minasagkod sa Salog nin Eufrates,+ huling duminakul na marhay sa daga nin Gilead an ataman nindang hayop.+ 10 Kan panahon ni Saul, nakigiyera sinda sa mga Hagrita, na nadaog ninda, kaya nag-istar sinda sa mga tolda kan mga ini sa bilog na teritoryo sa sirangan kan Gilead.

11 An mga gikan ni Gad nag-istar sa daga nin Basan sagkod sa Saleca;+ kataid sinda kan mga gikan ni Ruben. 12 Si Joel an pamayo sa Basan, an ikaduwa si Safam, asin may mga katungdan man si Janai saka Safat. 13 Asin an pito nindang paryente sa ama iyo si Miguel, Mesulam, Sheba, Jorai, Jacan, Zia, asin Eber. 14 Sinda an mga aki ni Abihail, na aki ni Huri, na aki ni Jaroa, na aki ni Gilead, na aki ni Miguel, na aki ni Jesisai, na aki ni Jahdo, na aki ni Buz. 15 Si Ahi na aki ni Abdiel na aki ni Guni iyo an pamayo kan saindang angkan. 16 Nag-istar sinda sa Gilead,+ sa Basan+ asin sa nakapalibot na mga banwa diyan,* asin sa gabos na mga pasabsaban kan Saron sagkod sa mga sagkudan kaiyan. 17 Gabos sinda ilinista sa rekord nin mga ginikanan kan panahon ni Hading Jotam+ kan Juda asin kan panahon ni Hading Jeroboam*+ kan Israel.

18 An tribo ni Ruben, tribo ni Gad, asin an kabanga kan tribo ni Manases igwa nin 44,760 matitibay na parapakilaban sa saindang hukbo na may mga kalasag asin mga espada saka armado nin mga pana,* asin sinanay sinda sa pakikigiyera. 19 Nakigiyera sinda sa mga Hagrita,+ ki Jetur, Nafis,+ asin Nodab. 20 Kan nakikipaglaban sinda sa sainda, tinabangan sinda nin Diyos asin itinao sa kamot ninda an mga Hagrita saka an gabos na kasurog kaini, huling namibi sinda sa Diyos na tabangan sinda sa giyera, asin dinangog niya an saindang pakimahirak huling nagtiwala sinda sa saiya.+ 21 Sinamsam ninda an saindang mga ataman na hayop—50,000 na kamelyo, 250,000 na karnero, asin 2,000 na asno—asin nabihag man ninda an 100,000 katawo.* 22 Dakul an nagadan, huling an tunay na Diyos an nakigiyera.+ Asin sinda na an nag-istar sa lugar kan mga ini sagkod sa panahon kan saindang pagkadistiyero.*+

23 An mga gikan kan kabanga kan tribo ni Manases+ nag-istar sa Basan sagkod sa Baal-hermon asin sa Senir saka sa Bukid nin Hermon.+ Dakulon sinda. 24 Ini an mga pamayo kan saindang mga angkan: si Efer, Isi, Eliel, Azriel, Jeremias, Hodavias, asin Jahdiel. Matitibay sindang mga parapakilaban, bantog na mga lalaki, asin mga pamayo kan saindang mga angkan. 25 Pero dai sinda nagin maimbod sa Diyos kan saindang mga apuon asin nagsamba sinda sa mga diyos* kan mga banwa na nakaistar sa kadagaan na ini,+ na pinuho nin Diyos sa atubangan ninda. 26 Kaya an Diyos kan Israel pinahiro si* Hading Pul kan Asiria+ (na iyo si Hading Tilgat-pilneser+ kan Asiria) tanganing puwersahan na pahalion an tribo ni Ruben, an tribo ni Gad, asin an kabanga kan tribo ni Manases asin darahon sinda sa Hala, Habor, Hara, saka sa may salog nin Gozan,+ asin diyan sinda nakaistar sagkod sa aldaw na ini.

6 An mga aki ni Levi+ iyo si Gerson, Kohat,+ asin Merari.+ 2 An mga aki ni Kohat iyo si Amram, Izar,+ Hebron, asin Uziel.+ 3 An mga aki* ni Amram+ iyo si Aaron,+ Moises,+ asin si Miriam.+ Asin an mga aki ni Aaron iyo si Nadab, Abihu,+ Eleazar,+ asin Itamar.+ 4 Si Eleazar an ama ni Finehas;+ si Finehas an ama ni Abisua. 5 Si Abisua an ama ni Buki; si Buki an ama ni Uzi. 6 Si Uzi an ama ni Zerahias; si Zerahias an ama ni Meraiot. 7 Si Meraiot an ama ni Amarias; si Amarias an ama ni Ahitub.+ 8 Si Ahitub an ama ni Zadok;+ si Zadok an ama ni Ahimaaz.+ 9 Si Ahimaaz an ama ni Azarias; si Azarias an ama ni Johanan. 10 Si Johanan an ama ni Azarias. Naglingkod siya bilang saserdote sa templo* na itinugdok ni Solomon sa Jerusalem.

11 Si Azarias an ama ni Amarias; si Amarias an ama ni Ahitub. 12 Si Ahitub an ama ni Zadok;+ si Zadok an ama ni Salum. 13 Si Salum an ama ni Hilkias;+ si Hilkias an ama ni Azarias. 14 Si Azarias an ama ni Seraias;+ si Seraias an ama ni Jehozadak.+ 15 Kaiba si Jehozadak kan puwersahan na pinahali* ni Jehova an Juda asin Jerusalem paagi sa kamot ni Nabucodonosor.

16 An mga aki ni Levi iyo si Gersom,* Kohat, asin Merari. 17 Ini an mga aki ni Gersom: si Libni asin Simei.+ 18 An mga aki ni Kohat iyo si Amram, Izar, Hebron, asin Uziel.+ 19 An mga aki ni Merari iyo si Mahli asin Musi.

Ini an mga pamilya kan mga Levita sigun sa saindang mga apuon:+ 20 Aki ni Gersom+ si Libni, na ama ni Jahat, na ama ni Zima, 21 na ama ni Joa, na ama ni Iddo, na ama ni Zera, na ama ni Jeaterai. 22 An mga gikan* ni Kohat iyo si Aminadab, an aki kaini na si Kora,+ an aki kaini na si Asir, 23 an aki kaini na si Elkana, an aki kaini na si Ebiasaf,+ an aki kaini na si Asir, 24 an aki kaini na si Tahat, an aki kaini na si Uriel, an aki kaini na si Uzias, asin an aki kaini na si Shaul. 25 An mga aki ni Elkana iyo si Amasai asin Ahimot. 26 An aki kan saro pang Elkana iyo si Zofai, na ama ni Nahat, 27 na ama ni Eliab, na ama ni Jeroham, na ama ni Elkana.+ 28 An panganay na aki ni Samuel+ iyo si Joel asin an ikaduwa iyo si Abias.+ 29 An mga gikan* ni Merari iyo si Mahli,+ an aki kaini na si Libni, an aki kaini na si Simei, an aki kaini na si Uzah, 30 an aki kaini na si Simea, an aki kaini na si Hagias, asin an aki kaini na si Asaias.

31 Ini an mga inasignaran ni David na mamahala sa pagkanta sa harong ni Jehova pagkatapos na mailaog diyan an Kaban.+ 32 Responsabilidad nindang asikasuhon an pagkanta sa tabernakulo, sa tolda nin pakipagtagbuan,* sagkod na maitugdok ni Solomon an harong ni Jehova sa Jerusalem,+ asin naglingkod sinda sigun sa kun ano an ipinagibo sa sainda.+ 33 Ini an mga lalaking naglingkod kaiba kan saindang mga aki: Sa mga Kohatita, si Heman+ na parakanta, na aki ni Joel,+ na aki ni Samuel, 34 na aki ni Elkana,+ na aki ni Jeroham, na aki ni Eliel, na aki ni Toa, 35 na aki ni Zuf, na aki ni Elkana, na aki ni Mahat, na aki ni Amasai, 36 na aki ni Elkana, na aki ni Joel, na aki ni Azarias, na aki ni Sofonias, 37 na aki ni Tahat, na aki ni Asir, na aki ni Ebiasaf, na aki ni Kora, 38 na aki ni Izar, na aki ni Kohat, na aki ni Levi, na aki ni Israel.

39 An nagtindog sa tuo ni Heman iyo an tugang niyang si Asaf;+ si Asaf aki ni Berekias, na aki ni Simea, 40 na aki ni Miguel, na aki ni Baaseias, na aki ni Malkias, 41 na aki ni Etni, na aki ni Zera, na aki ni Adaias, 42 na aki ni Etan, na aki ni Zima, na aki ni Simei, 43 na aki ni Jahat, na aki ni Gersom, na aki ni Levi.

44 An nagtindog sa wala ni Heman iyo an mga gikan ni Merari+ na mga tugang ninda. Saro sa sainda si Etan+ na aki ni Kisi, na aki ni Abdi, na aki ni Maluc, 45 na aki ni Hasabias, na aki ni Amazias, na aki ni Hilkias, 46 na aki ni Amzi, na aki ni Bani, na aki ni Semer, 47 na aki ni Mahli, na aki ni Musi, na aki ni Merari, na aki ni Levi.

48 An mga tugang nindang Levita iyo an inasignaran* sa gabos na paglilingkod sa tabernakulo, an harong kan tunay na Diyos.+ 49 Si Aaron asin an saiyang mga aki+ iyo an nagpapaaso nin mga atang sa ibabaw kan altar para sa dulot na pigtututong+ asin sa ibabaw kan altar para sa insenso.+ Sinda an nagsasagibo kan mga gibuhon may koneksiyon sa mga kabanal-banaling bagay, tanganing mabayadan an kasalan kan Israel,+ sigun sa gabos na ipinagbuot ni Moises na lingkod kan tunay na Diyos. 50 Ini an mga gikan ni Aaron:+ an aki niyang si Eleazar,+ na ama ni Finehas, na ama ni Abisua, 51 na ama ni Buki, na ama ni Uzi, na ama ni Zerahias, 52 na ama ni Meraiot, na ama ni Amarias, na ama ni Ahitub,+ 53 na ama ni Zadok,+ na ama ni Ahimaaz.

54 Ini an mga lugar kun sain sinda naglaag kan saindang mga kampo* sa saindang teritoryo: huling an mga gikan ni Aaron na kabilang sa pamilya kan mga Kohatita an inot na nabunot sa burunutan, 55 sa sainda ninda itinao an Hebron+ na nasa daga nin Juda, kaiba an mga pasabsaban sa palibot kaiyan. 56 Pero an kaumahan saka an mga baryo kan siyudad itinao ninda ki Caleb+ na aki ni Jefunne. 57 Itinao ninda sa mga gikan ni Aaron an mga siyudad* na pailihan+ na Hebron,+ siring man an Libna+ kaiba an mga pasabsaban kaiyan, an Jatir,+ an Estemoa kaiba an mga pasabsaban kaiyan,+ 58 an Hilen kaiba an mga pasabsaban kaiyan, an Debir+ kaiba an mga pasabsaban kaiyan, 59 an Asan+ kaiba an mga pasabsaban kaiyan, an Bet-semes+ kaiba an mga pasabsaban kaiyan, 60 asin itinao sa sainda kan tribo ni Benjamin an Geba+ kaiba an mga pasabsaban kaiyan, an Alemet kaiba an mga pasabsaban kaiyan, an Anatot+ kaiba an mga pasabsaban kaiyan. Para sa mga pamilya ninda, 13 siyudad gabos an itinao.+

61 Itinao* sa iba pang mga Kohatita an sampulong siyudad hali sa pamilya kan tribo asin hali sa kabangang tribo, an kabanga kan Manases.+

62 Itinao sa mga Gersomita sigun sa saindang mga pamilya an 13 siyudad hali sa tribo ni Isacar, tribo ni Aser, tribo ni Neftali, asin tribo ni Manases sa Basan.+

63 Paagi sa burunutan, itinao sa mga Merarita sigun sa saindang mga pamilya an 12 siyudad hali sa tribo ni Ruben, tribo ni Gad, asin tribo ni Zebulon.+

64 Kaya itinao kan mga Israelita sa mga Levita an mga siyudad na iyan kaiba an mga pasabsaban kan mga iyan.+ 65 Apuwera kaiyan, itinao ninda paagi sa burunutan an mga siyudad na ini hali sa tribo ni Juda, tribo ni Simeon, asin tribo ni Benjamin, na an mga pangaran nasambitan digdi.

66 An nagkapirang pamilya kan mga Kohatita nag-ako nin iba pang mga siyudad hali sa tribo ni Efraim para magin saindang teritoryo.+ 67 Itinao ninda sa sainda an mga siyudad* na pailihan na Sekem+ kaiba an mga pasabsaban kaiyan sa kabukidan nin Efraim, siring man an Gezer+ kaiba an mga pasabsaban kaiyan, 68 an Jokmeam kaiba an mga pasabsaban kaiyan, an Bet-horon+ kaiba an mga pasabsaban kaiyan, 69 an Aijalon+ kaiba an mga pasabsaban kaiyan, asin an Gat-rimon+ kaiba an mga pasabsaban kaiyan; 70 asin hali sa kabanga kan tribo ni Manases, itinao sa iba pang mga pamilya kan mga Kohatita an Aner kaiba an mga pasabsaban kaiyan asin an Bileam kaiba an mga pasabsaban kaiyan.

71 Hali sa kabanga kan tribo ni Manases, itinao ninda sa mga Gersomita an Golan+ sa Basan kaiba an mga pasabsaban kaiyan saka an Astarot kaiba an mga pasabsaban kaiyan;+ 72 asin hali sa tribo ni Isacar, itinao sa sainda an Kedes kaiba an mga pasabsaban kaiyan, an Daberat+ kaiba an mga pasabsaban kaiyan,+ 73 an Ramot kaiba an mga pasabsaban kaiyan, saka an Anem kaiba an mga pasabsaban kaiyan; 74 asin hali sa tribo ni Aser, itinao sa sainda an Masal kaiba an mga pasabsaban kaiyan, an Abdon kaiba an mga pasabsaban kaiyan,+ 75 an Hukok kaiba an mga pasabsaban kaiyan, saka an Rehob+ kaiba an mga pasabsaban kaiyan; 76 asin hali sa tribo ni Neftali, itinao sa sainda an Kedes+ sa Galilea+ kaiba an mga pasabsaban kaiyan, an Hamon kaiba an mga pasabsaban kaiyan, saka an Kiriataim kaiba an mga pasabsaban kaiyan.

77 Hali sa tribo ni Zebulon,+ itinao sa iba pang Merarita an Rimono kaiba an mga pasabsaban kaiyan saka an Tabor kaiba an mga pasabsaban kaiyan; 78 asin hali sa tribo ni Ruben, sa rehiyon sa sirangan kan Jordan, sa may Jerico, itinao sa sainda an Bezer na nasa kaawagan kaiba an mga pasabsaban kaiyan, an Jahaz+ kaiba an mga pasabsaban kaiyan, 79 an Kedemot+ kaiba an mga pasabsaban kaiyan, saka an Mefaat kaiba an mga pasabsaban kaiyan; 80 asin hali sa tribo ni Gad, itinao sa sainda an Ramot sa Gilead kaiba an mga pasabsaban kaiyan, an Mahanaim+ kaiba an mga pasabsaban kaiyan, 81 an Hesbon+ kaiba an mga pasabsaban kaiyan, asin an Jazer+ kaiba an mga pasabsaban kaiyan.

7 An apat na aki ni Isacar iyo si Tola, Pua, Jasub, asin Simron.+ 2 An mga aki ni Tola iyo si Uzi, Refaias, Jeriel, Jahmai, Ibsam, asin Semuel. Sinda an mga pamayo kan saindang mga angkan. Kan panahon ni David, igwa nin 22,600 na matitibay na parapakilaban na gikan ni Tola. 3 An mga gikan* ni Uzi iyo si Izrahias saka an mga aki ni Izrahias na si Miguel, Obadias, Joel, asin Issias. Gabos sindang lima pamayo.* 4 Sigun sa saindang rekord nin mga ginikanan kan mga pamilya, igwa nin 36,000 na suldados sa saindang hukbo na handa sa giyera, huling dakul sindang agom asin aki. 5 An saindang mga tugang hali sa gabos na pamilya ni Isacar matitibay na parapakilaban. An bilang ninda gabos 87,000 sigun sa nakalista sa saindang rekord nin mga ginikanan.+

6 An tulong aki ni Benjamin+ iyo si Bela,+ Beker,+ asin Jediael.+ 7 An limang aki ni Bela iyo si Ezbon, Uzi, Uziel, Jerimot, asin Iri. Mga pamayo sinda kan saindang mga angkan saka matitibay na parapakilaban, asin igwa nin 22,034 nakalista sa saindang rekord nin mga ginikanan.+ 8 An mga aki ni Beker iyo si Zemira, Joas, Eliezer, Elioenai, Omri, Jeremot, Abias, Anatot, asin Alemet. Gabos sinda aki ni Beker. 9 Igwa sinda nin 20,200 na matitibay na parapakilaban na nakalista sa saindang rekord nin mga ginikanan sigun sa mga pamayo nin mga angkan. 10 An mga gikan ni Jediael+ iyo an aki niyang si Bilhan saka an mga aki ni Bilhan na si Jeus, Benjamin, Ehud, Kenaana, Zetan, Tarsis, asin Ahisahar. 11 Sinda gabos an mga gikan* ni Jediael. Sigun sa saindang rekord nin mga ginikanan kan saindang mga pamilya, igwa sinda nin 17,200 na matitibay na parapakilaban na handang umiba sa hukbo para makigiyera.

12 An mga Supim asin mga Hupim mga aki ni Ir;+ an mga Husim mga aki ni Aher.

13 An mga aki ni Neftali+ iyo si Jahziel, Guni, Jezer, asin Salum. Mga gikan* sinda ni Bilha.+

14 Ini an mga aki ni Manases:+ si Asriel na aki niya sa sekondaryo niyang agom na taga Siria. (Aki kaini si Makir+ na ama ni Gilead. 15 Si Makir an naghanap nin maaagom ni Hupim asin Supim, asin an saindang tugang na babayi iyo si Maaca.) An ikaduwa iyo si Zelofehad,+ pero mga babayi an mga aki ni Zelofehad.+ 16 Nangaki nin lalaki an agom ni Makir na si Maaca, asin pinangaranan ining Peres; asin an pangaran kan saiyang tugang Seres; asin an saiyang mga aki iyo si Ulam asin Rekem. 17 An aki* ni Ulam iyo si Bedan. Sinda an mga aki ni Gilead na aki ni Makir na aki ni Manases. 18 An tugang na babayi ni Gilead iyo si Hamoleket na ina ni Ishod, Abi-ezer, asin Mala. 19 An mga aki ni Semida iyo si Ahian, Sekem, Likhi, asin Aniam.

20 Aki ni Efraim+ si Sutela,+ na ama ni Bered, na ama ni Tahat, na ama ni Eleada, na ama ni Tahat, 21 na ama ni Zabad, na ama ni Sutela. Aki man ni Efraim si Ezer asin Elead. Ginadan sinda kan mga lalaking propyong taga Gat+ huling nagbaraba an mga ini tanganing kuruanon an mga ataman nindang hayop. 22 Dakul na aldaw na nagmundo an saindang ama na si Efraim, asin pirmi siyang dinadalaw kan saiyang mga tugang tanganing rangahon siya. 23 Pagkatapos kaini, nakidurog siya sa saiyang agom; nagbados ini asin nangaki nin lalaki. Pero pinangaranan niya nin Berias* an aki huling nangaki an saiyang agom sa panahon na may kapahamakan sa saiyang pamilya. 24 Asin an saiyang* aking babayi iyo si Seera, na nagtugdok kan Ibaba+ saka Itaas na Bet-horon+ asin kan Uzen-seera. 25 Aki man niya* si Refa asin Resef. Aki ni Resef si Tela, na ama ni Tahan, 26 na ama ni Ladan, na ama ni Amihud, na ama ni Elisama, 27 na ama ni Nun, na ama ni Josue.*+

28 An pagsadiri ninda saka istaran iyo an Bethel+ saka an nakapalibot na mga banwa diyan,* asin an Naaran sa sirangan, an Gezer sa sulnupan saka an nakapalibot na mga banwa diyan, asin an Sekem saka an nakapalibot na mga banwa diyan, sagkod sa Ayya* saka sa nakapalibot na mga banwa diyan; 29 asin an Bet-sean,+ na kataid kan mga gikan ni Manases, saka an nakapalibot na mga banwa diyan, an Taanac+ saka an nakapalibot na mga banwa diyan, an Megido+ saka an nakapalibot na mga banwa diyan, asin an Dor+ saka an nakapalibot na mga banwa diyan. Diyan nag-istar an mga gikan ni Jose na aki ni Israel.

30 An mga aki ni Aser iyo si Imnah, Isva, Isvi, asin Berias,+ asin an tugang nindang babayi iyo si Sera.+ 31 An mga aki ni Berias iyo si Heber asin Malkiel na ama ni Birzait. 32 Si Heber an ama ni Jaflet, Somer, asin Hotam, saka kan tugang nindang babayi na si Shua. 33 An mga aki ni Jaflet iyo si Pasac, Bimhal, asin Asvat. Sinda an mga aki ni Jaflet. 34 An mga aki ni Semer* iyo si Ahi, Roga, Jehubba, asin Aram. 35 An mga aki ni Helem* na saiyang tugang iyo si Zofa, Imna, Seles, asin Amal. 36 An mga aki ni Zofa iyo si Sua, Harnefer, Sual, Beri, Imra, 37 Bezer, Hod, Samma, Silsa, Itran, asin Beera. 38 An mga aki ni Jeter iyo si Jefunne, Pispa, asin Ara. 39 An mga aki ni Ula iyo si Arah, Haniel, asin Rizia. 40 Sinda gabos an aki ni Aser. Gabos sinda pamayo kan saindang mga angkan, pinili, matitibay na parapakilaban, saka pamayo kan mga namamayo; asin sigun sa nakalista sa saindang rekord nin mga ginikanan,+ igwa sinda nin 26,000 na suldados+ sa hukbo na handa sa giyera.

8 An panganay na aki ni Benjamin+ iyo si Bela,+ an ikaduwa si Asbel,+ an ikatulo si Ahara, 2 an ikaapat si Noha, asin an ikalima si Rafa. 3 An mga aki ni Bela iyo si Addar, Gera,+ Abihud, 4 Abisua, Naaman, Ahoa, 5 Gera, Sefufam, asin Huram. 6 Ini an mga aki ni Ehud na mga pamayo kan mga angkan kan mga nakaistar sa Geba,+ na mga puwersahan na dinara sa Manahat: 7 si Naaman, Ahias, asin Gera. Si Gera an nanginot sa sainda kan puwersahan sindang pinahali. Siya an ama ni Uza asin Ahihud. 8 Nagkaigwa nin mga aki si Saharaim sa teritoryo* nin Moab pagkatapos niyang palayason an mga ini. Mga agom niya si Husim asin Baara.* 9 Asin an mga aki niya ki Hodes na saro pa niyang agom iyo si Jobab, Zibia, Mesa, Malcam, 10 Jeuz, Sakia, asin Mirma. Sinda an mga aki niya na mga pamayo kan saindang mga angkan.

11 An mga aki niya ki Husim iyo si Abitub asin Elpaal. 12 An mga aki ni Elpaal iyo si Eber, Misam, Semed (na nagtugdok kan Ono+ asin Lod+ saka kan nakapalibot na mga banwa diyan),* 13 Berias, asin Sema. Mga pamayo sinda kan saindang mga angkan na nakaistar sa Aijalon.+ Sinda an nagpalayas sa mga nakaistar sa Gat. 14 Si Ahio, Sasak, Jeremot, 15 Zebadias, Arad, Eder, 16 Miguel, Ispa, asin Joha an mga aki ni Berias; 17 si Zebadias, Mesulam, Hizki, Heber, 18 Ismerai, Izlias, asin Jobab an mga aki ni Elpaal; 19 si Jakim, Zicri, Zabdi, 20 Elienai, Ziletai, Eliel, 21 Adaias, Beraias, asin Simrat an mga aki ni Simei; 22 si Ispan, Eber, Eliel, 23 Abdon, Zicri, Hanan, 24 Hananias, Elam, Antotias, 25 Ifdeias, asin Penuel an mga aki ni Sasak; 26 si Samserai, Seharias, Atalia, 27 Jaaresias, Elias, asin Zicri an mga aki ni Jeroham. 28 Mga pamayo sinda kan saindang mga angkan sigun sa nakalista sa saindang rekord nin mga ginikanan. An mga lalaking pamayong ini nag-istar sa Jerusalem.

29 Nag-istar si Jeiel sa Gibeon, asin siya an ama kan Gibeon.+ An agom niya iyo si Maaca.+ 30 An panganay niya iyo si Abdon, na sinundan ni Zur, Kis, Baal, Nadab, 31 Gedor, Ahio, asin Zeker. 32 Si Miklot an ama ni Simeah. Gabos sinda nag-istar harani sa saindang mga tugang na nasa Jerusalem, kaiba kan iba pa nindang mga tugang.

33 Si Ner+ an ama ni Kis; si Kis an ama ni Saul;+ si Saul an ama ni Jonathan,+ Malki-sua,+ Abinadab,+ asin Esbaal.*+ 34 Aki ni Jonathan si Merib-baal.*+ Si Merib-baal an ama ni Mikas.+ 35 An mga aki ni Mikas iyo si Piton, Melec, Tarea, asin Ahaz. 36 Si Ahaz an ama ni Jehoada; si Jehoada an ama ni Alemet, Azmavet, asin Zimri. Si Zimri an ama ni Moza. 37 Si Moza an ama ni Binea, na ama ni Rafah, na ama ni Eleasa, na ama ni Azel. 38 May anom na aki si Azel, asin sinda iyo si Azrikam, Bokeru, Ismael, Searias, Obadias, asin Hanan. Sinda gabos an aki ni Azel. 39 An panganay na aki kan tugang niyang si Eshek iyo si Ulam, an ikaduwa si Jeus, asin an ikatulo si Elifelet. 40 An mga aki ni Ulam matitibay na parapakilaban na kayang gumamit nin pana,* asin dakul sindang aki saka makuapo, 150 gabos. Sinda gabos an mga gikan ni Benjamin.

9 An gabos na Israelita nakalista sigun sa saindang ginikanan, asin nakasurat sinda sa Libro kan mga Hadi kan Israel. Asin puwersahan na dinara sa Babilonya an Juda huling dai ini nagin maimbod.+ 2 An mga nainot na nagbaralik sa mga pagsadiri ninda sa saindang mga siyudad iyo an nagkapirang Israelita, an mga saserdote, an mga Levita, asin an mga lingkod sa templo.*+ 3 Asin ini an nagkapira sa mga gikan ni Juda,+ ni Benjamin,+ ni Efraim, asin ni Manases na nag-istar sa Jerusalem: 4 hali sa mga gikan ni Perez+ na aki ni Juda, si Utai na aki ni Amihud, na aki ni Omri, na aki ni Imri, na aki ni Bani; 5 hali sa mga gikan ni Sela, si Asaias na panganay asin an mga aki niya; 6 asin hali sa mga aki ni Zera,+ si Jeuel saka an 690 sa mga tugang ninda.

7 Asin hali sa mga gikan ni Benjamin, si Sallu na aki ni Mesulam na aki ni Hodavias na aki ni Hasenua, 8 si Ibneias na aki ni Jeroham, si Elah na aki ni Uzi na aki ni Mikri, asin si Mesulam na aki ni Sefatias na aki ni Reuel na aki ni Ibnias. 9 Asin an bilang kan mga tugang ninda sigun sa nakalista sa saindang rekord nin mga ginikanan 956. Gabos sinda pamayo kan saindang mga angkan.*

10 Asin hali sa mga saserdote, si Jedaias, Jehoiarib, Jakin,+ 11 Azarias na aki ni Hilkias na aki ni Mesulam na aki ni Zadok na aki ni Meraiot na aki ni Ahitub, na sarong lider sa harong* kan tunay na Diyos, 12 si Adaias na aki ni Jeroham na aki ni Pasur na aki ni Malkias, si Maasai na aki ni Adiel na aki ni Jahzera na aki ni Mesulam na aki ni Mesilemit na aki ni Imer, 13 asin an mga tugang ninda na mga pamayo kan mga angkan, an 1,760 makukusog saka may kakayahan na mga lalaki na handa na maglingkod sa harong kan tunay na Diyos.

14 Asin hali sa mga Levita, si Semaias+ na aki ni Hasub na aki ni Azrikam na aki ni Hasabias na mga gikan ni Merari; 15 si Bakbakar, Heresh, Galal, Matanias na aki ni Mica na aki ni Zicri na aki ni Asaf, 16 si Obadias na aki ni Semaias na aki ni Galal na aki ni Jedutun, asin si Berekias na aki ni Asa na aki ni Elkana na nag-iistar sa mga baryo kan mga Netofatita.+

17 An mga bantay sa trangkahan+ iyo si Salum, Akub, Talmon, asin Ahiman; an tugang nindang si Salum an pamayo, 18 asin sagkod kan panahon na idto siya an bantay sa trangkahan kan hadi sa bandang sirangan.+ Sinda an mga bantay sa trangkahan kan mga kampo kan mga Levita. 19 Si Salum na aki ni Kore na aki ni Ebiasaf na aki ni Kora, asin an mga tugang niya sa angkan kan saiyang ama, an mga Korahita, iyo an namamahala sa mga ginigibong paglilingkod kan mga bantay sa tolda. An saindang mga ama an dating namahala sa kampo ni Jehova bilang mga bantay sa entrada. 20 Si Finehas+ na aki ni Eleazar+ an lider ninda kaidto; nasa kaibanan niya si Jehova. 21 Si Zacarias+ na aki ni Meselemias iyo an bantay sa entrada kan tolda nin pakipagtagbuan.

22 An bilang kan gabos na pinili na magin bantay sa mga entrada 212. Nag-istar sinda sa saindang mga baryo sigun sa saindang rekord nin mga ginikanan.+ Si David asin si Samuel na tagasabot*+ iyo an nagnombra kaidto sa saindang mga apuon sa posisyon na ini bilang mga pinagtitiwalaan. 23 Sinda asin an saindang mga aki an inasignaran na maglingkod bilang bantay sa mga trangkahan kan harong ni Jehova,+ an harong kan tolda. 24 An mga bantay sa trangkahan nakapuwesto sa apat na gilid—sa sirangan, sulnupan, norte, asin timog.+ 25 Sa pana-panahon, su mga tugang nindang nasa saindang mga baryo dinudumanan sinda tanganing maglingkod kaiba ninda sa laog nin pitong aldaw. 26 Igwa nin apat na namamayo sa* mga bantay sa trangkahan na ninombrahan sa posisyon bilang mga pinagtitiwalaan. Mga Levita sinda asin sa sainda ipinamahala an mga kuwarto* saka an mga sarayan nin kayamanan sa harong kan tunay na Diyos.+ 27 Nagdadanay sinda nin bilog na banggi sa saindang mga puwesto sa palibot kan harong kan tunay na Diyos, huling sinda an inasignaran na magbantay asin sinda an nagkakapot kan liyabe saka an nagbubukas kan harong kada aga.

28 Ipinagkatiwala sa nagkapira sa sainda an mga kagamitan+ na ginagamit sa paglilingkod sa Diyos; binibilang ninda iyan pag ilinalaog asin pag ilinuluwas. 29 An iba sa sainda iyo an pinamahala sa mga kagamitan, sa gabos na banal na kagamitan,+ sa pinong harina,+ sa arak,+ sa lana,+ sa kamangyan,+ asin sa lanang balsamo.+ 30 An iba sa mga aki kan mga saserdote iyo an naggigibo kan panglahid na may lanang balsamo. 31 Si Matitias na Levita na panganay na aki ni Salum na Korahita iyo an pinagtiwalaan na mag-asikaso sa mga tinapay na pigluluto sa kawali.+ 32 An iba sa mga tugang nindang Kohatita iyo an inasignaran na magpreparar kan patong-patong na tinapay*+ kada sabbath.+

33 Sinda an mga parakanta, an mga pamayo kan mga angkan kan mga Levita na nasa mga kuwarto,* na mga dai na tinawan nin iba pang trabaho huling obligasyon nindang maglingkod aldaw asin banggi. 34 Sinda an mga pamayo kan mga angkan kan mga Levita sigun sa saindang ginikanan, mga lalaking pamayo. Nag-istar sinda sa Jerusalem.

35 Nag-istar si Jeiel sa Gibeon, asin siya an ama kan Gibeon.+ An agom niya iyo si Maaca. 36 An panganay niya iyo si Abdon, na sinundan ni Zur, Kis, Baal, Ner, Nadab, 37 Gedor, Ahio, Zacarias, asin Miklot. 38 Si Miklot an ama ni Simeam. Gabos sinda nag-istar harani sa saindang mga tugang na nasa Jerusalem, kaiba kan iba pa nindang mga tugang. 39 Si Ner+ an ama ni Kis; si Kis an ama ni Saul;+ si Saul an ama ni Jonathan,+ Malki-sua,+ Abinadab,+ asin Esbaal. 40 Aki ni Jonathan si Merib-baal.+ Si Merib-baal an ama ni Mikas.+ 41 An mga aki ni Mikas iyo si Piton, Melec, Tahrea, asin Ahaz. 42 Si Ahaz an ama ni Jara; si Jara an ama ni Alemet, Azmavet, asin Zimri. Si Zimri an ama ni Moza. 43 Si Moza an ama ni Binea, na ama ni Refaias, na ama ni Eleasa, na ama ni Azel. 44 May anom na aki si Azel, asin sinda iyo si Azrikam, Bokeru, Ismael, Searias, Obadias, asin Hanan. Sinda an mga aki ni Azel.

10 Nakipaglaban sa Israel an mga Filisteo. Nagdurulag sa mga Filisteo an mga suldados kan Israel, asin dakul sa mga ini an nagkagaradan sa Bukid nin Gilboa.+ 2 Linapag kan mga Filisteo si Saul asin an saiyang mga aking lalaki, asin nagadan kan mga Filisteo an mga aki ni Saul na si Jonathan, Abinadab, asin Malki-sua.+ 3 Nagin matindi an pakikipaglaban ninda ki Saul, tapos nahiling siya kan mga parapana. Pinana ninda siya asin tinamaan.+ 4 Dangan sinabi ni Saul sa paradara kan saiyang pangalasag: “Hugkuta an espada mo tapos saksakon mo ako tanganing dai ako abutan kan mga bakong turing lalaking iyan asin pasakitan+ ako.”* Pero habo ining gibuhon kan paradara kan saiyang pangalasag ta natakot siyang marhay. Kaya kinua ni Saul an saiyang espada asin dinaplaan an panas kaiyan.+ 5 Kan mahiling kan paradara kan pangalasag na gadan na si Saul, dinaplaan man kaini an panas kan sadiri kaining espada asin nagadan. 6 Kaya nagadan si Saul saka an saiyang tulong aki, asin an gabos sa saiyang harong magkairibanan na nagadan.+ 7 Kan mahiling kan gabos na Israelitang nasa kababan* na nagdurulag na an gabos asin nagadan na si Saul saka an saiyang mga aki, binarayaan ninda an saindang mga siyudad asin nagdurulag; dangan nag-arabot an mga Filisteo asin sinda an nag-iristar diyan.

8 Kan suminunod na aldaw, kan dinumanan kan mga Filisteo an mga nagadan ninda tanganing samsaman, nahiling ninda sa Bukid nin Gilboa si Saul asin an saiyang mga aki na gadan na.+ 9 Kaya kinurua ninda an sulot niyang mga pangalasag asin pinugutan ninda siya asin nagpadara sinda nin mensahe sa bilog na daga kan mga Filisteo tanganing ibareta ini sa saindang mga idolo+ asin sa mga tawo. 10 Dangan ilinaog ninda sa harong* kan saindang diyos an saiyang mga pangalasag, asin ipinako ninda an saiyang bungo sa harong ni Dagon.+

11 Kan mabaretaan kan gabos na taga Jabes+ sa Gilead an gabos na ginibo kan mga Filisteo ki Saul,+ 12 nagharali an gabos nindang parapakilaban asin kinua ninda an bangkay ni Saul asin an bangkay kan saiyang mga aki. Dinara ninda an mga iyan sa Jabes asin ilinubong sa mismong tungod kan dakulang puon nin kahoy sa Jabes+ an saindang mga tulang, tapos nag-ayuno sinda sa laog nin pitong aldaw.

13 Kaya nagadan si Saul huling dai siya nagin maimbod ki Jehova. Dai niya kaya sinunod an sinabi ni Jehova,+ asin sa sarong espiritista siya nagkonsulta+ 14 imbes na ki Jehova maghapot. Kaya ginadan Niya siya asin ilinipat ki David na aki ni Jesse an pagkahadi.+

11 Pag-abot nin panahon, nagduruman ki David sa Hebron+ an gabos na Israelita asin nagsarabi: “Mga kadugo mo kami.*+ 2 Kaidto, kan si Saul pa an hadi, ika an nanginot sa Israel sa mga pakikipaglaban.*+ Asin sinabi saimo ni Jehova na saimong Diyos: ‘Ika an magpapastor sa banwaan kong Israel, asin ika an magigin lider kan banwaan kong Israel.’”+ 3 Kaya nagpasiring sa Hebron an gabos na kamagurangan kan Israel asin dinumanan an hadi. Asin nakipagtipan sa sainda si David sa Hebron sa atubangan ni Jehova. Dangan linahidan* ninda si David na magin hadi kan Israel,+ arog kan sinabi ni Jehova paagi ki Samuel.+

4 Kan huri, si David saka an bilog na Israel nagpasiring sa Jerusalem, na iyo an Jebus,+ kun sain nakaistar an mga Jebusita.+ 5 Tinuya-tuya si David kan mga nakaistar sa Jebus: “Dai ka makakalaog digdi!”+ Pero, nasakop ni David an may matibay na depensang siyudad* nin Sion,+ na iyo ngunyan an Siyudad ni David.+ 6 Kaya sinabi ni David: “An siisay man na inot na makakasalakay sa mga Jebusita magigin pamayo* asin halangkaw na opisyal.”* Asin si Joab+ na aki ni Zeruia an inot na nagsalakay, kaya siya an nagin pamayo. 7 Dangan nag-istar si David sa may matibay na depensang siyudad na iyan. Iyan an dahilan kaya inapod ninda iyan na Siyudad ni David. 8 Pinunan niyang magtugdok sa enterong siyudad, puon sa Bulod-bulod* sagkod sa mga nakapalibot na lugar digdi, asin si Joab an naghirahay kan iba pang parte kan siyudad. 9 Kaya lalo pang nagin makapangyarihan si David,+ asin nasa kaibanan niya si Jehova na pamayo nin mga hukbo.

10 Ini an mga namamayo sa mga matitibay na parapakilaban ni David, na lubos na nagsuportar sa saiyang pagkahadi kaiba kan bilog na Israel, tanganing gibuhon siyang hadi arog kan sinabi ni Jehova may koneksiyon sa Israel.+ 11 Ini an lista kan mga matitibay na parapakilaban ni David: si Jasobeam+ na aki nin Hakmonita, an namamayo sa tulong matitibay na parapakilaban.+ Sa sarong pagkakataon, 300 katawo an nagadan niya gamit an saiyang garod.*+ 12 An sunod saiya iyo si Eleazar+ na aki ni Dodo na Ahohita.+ Saro siya sa tulong matitibay na parapakilaban. 13 Kaiba siya ni David sa Pas-damim,+ kun sain nagtiripon kaidto an mga Filisteo para makigiyera; may uma duman na pano nin tanom na sebada. Asin nagdurulag an mga suldados huli sa mga Filisteo. 14 Pero nagtindog siya sa tahaw kan uma asin dinepensahan niya ini asin ginaradan an mga Filisteo, kaya tinawan sinda ni Jehova nin dakulang kapangganahan.*+

15 An tulo sa 30 namamayo nagpasiring ki David sa may dakulaon na gapo, sa kuweba sa Adulam,+ mantang sarong hukbo nin mga Filisteo kaidto an nagkakampo sa Kababan* nin Refaim.+ 16 Yaon kaidto si David sa pinagtataguan niya, asin may garison nin mga Filisteo sa Betlehem. 17 Dangan nagsabi si David: “Kun makakainom lamang kuta ako nin tubig hali sa kalot na istakan nin tubig na yaon sa may entrada kan Betlehem!”+ 18 Kaya pinirit kan tulo na makalaog sa kampo kan mga Filisteo asin nagkua sinda nin tubig sa kalot na istakan nin tubig na yaon sa may entrada kan Betlehem asin dinara iyan ki David; pero habo ining inumon ni David kundi iinula niya ini para ki Jehova. 19 An sabi niya: “Dai ko nanggad ini magigibo huling may pagkatakot ako sa sakuyang Diyos! Iinumon ko daw an dugo kan mga lalaking ini na isinapeligro an saindang buhay?*+ Huli ta isinapeligro ninda an saindang buhay* para madara ini.” Kaya dai niya iyan ininom. Ini an mga ginibo kan saiyang tulong matitibay na parapakilaban.

20 Si Abisai+ na tugang ni Joab+ an nagin namamayo sa tulo pang matitibay na parapakilaban; 300 katawo an nagadan niya gamit an saiyang garod, asin may reputasyon siya na siring kan sa tulong nainot na matitibay na parapakilaban.+ 21 Sa tulo pang matitibay na parapakilaban na ini, mas midbid siya kisa sa duwa asin siya an namamayo sa sainda; pero dai niya napantayan an tulong nainot na matitibay na parapakilaban.

22 Si Benaias+ na aki ni Jehoiada sarong lalaking daing takot.* Dakul siyang pambihirang mga ginibo sa Kabzeel.+ Ginadan niya an duwang aki ni Ariel na taga Moab. Sarong aldaw, kan nag-uuran nin niyebe, nagbaba siya sa sarong kalot na tipunan nin tubig asin ginadan an sarong leon.+ 23 Ginadan man niya an sarong Ehipsiyo na sobra kadakula—limang maniko* an langkaw.+ Dawa an Ehipsiyo may kapot na garod na arog kadakula kan biga nin habulan nin tela,+ dinaguso niya siya gamit an sarong sugkod asin inagaw an garod sa kamot kan Ehipsiyo asin ini an ipinanggadan niya sa saiya.+ 24 Iyan an mga ginibo ni Benaias na aki ni Jehoiada, asin may reputasyon siya na siring kan sa tulong nainot na matitibay na parapakilaban. 25 Dawa mas midbid siya kisa sa treynta, dai niya napantayan an tulong nainot na matitibay na parapakilaban.+ Pero, ginibo siya ni David na magin namamayo sa saiyang mga guwardiya.

26 An mga matitibay na parapakilaban kan hukbong militar iyo si Asahel+ na tugang ni Joab, Elhanan na aki ni Dodo na taga Betlehem,+ 27 Samot na Harorita, Helez na Pelonita, 28 Ira+ na aki ni Ikes na Tekoita, Abi-ezer+ na Anatotita, 29 Sibecai+ na Husatita, Ilai na Ahohita, 30 Maharai+ na Netofatita, Heled+ na aki ni Baanah na Netofatita, 31 Itai na aki ni Ribai na Benjaminita na taga Gibeah,+ Benaias na Piratonita, 32 Hurai na hali sa mga sulugan na kababan* nin Gaas,+ Abiel na Arbatita, 33 Azmavet na Baharumita, Eliaba na Saalbonita, 34 an mga aki ni Hasem na Gizonita, Jonathan na aki ni Sage na Hararita, 35 Ahiam na aki ni Sacar na Hararita, Elifal na aki ni Ur, 36 Hefer na Mekeratita, Ahias na Pelonita, 37 Hezro na taga Carmel, Naarai na aki ni Ezbai, 38 Joel na tugang ni Natan, Mibar na aki ni Hagri, 39 Zelek na Ammonita, Naharai na Berotita na paradara kan pangalasag ni Joab na aki ni Zeruia; 40 si Ira na Itrita, Gareb na Itrita, 41 Urias+ na Hiteo, Zabad na aki ni Alai, 42 Adina na aki ni Siza na Rubenita na sarong namamayo sa mga Rubenita asin 30 an kaiba niya; 43 si Hanan na aki ni Maaca, Josafat na Mitnita, 44 Uzia na taga Astarot, si Sama asin Jeiel na mga aki ni Hotam na taga Aroer; 45 si Jediael na aki ni Simri, asin an tugang niyang si Joha na Tizita; 46 si Eliel na Mahavita, Jeribai asin Josavias na mga aki ni Elnaam, asin Itma na Moabita; 47 si Eliel, Obed, asin Jaasiel na Mezobaita.

12 Ini an mga lalaking nagduruman ki David sa Ziklag+ kan panahon na limitado an saiyang hiro huli ki Saul+ na aki ni Kis. Kabilang sinda sa mga matitibay na parapakilaban na nagtabang sa saiya sa pakikipaglaban.+ 2 Armado sinda nin pana, asin kaya nindang maglagpitaw+ o magpana gamit an tuo o wala nindang kamot.+ Mga tugang sinda ni Saul, hali sa tribo ni Benjamin.+ 3 An namamayo sa sainda iyo si Ahiezer, kaiba si Joas, na mga aki ni Semaa na taga Gibeah;+ kaiba ninda si Jeziel asin Pelet na mga aki ni Azmavet,+ si Beraca, Jehu na Anatotita, 4 Ismaias na Gibeonita+ na matibay na parapakilaban na kabilang sa treynta+ asin iyo an namamayo kan treynta; asin si Jeremias, Jahaziel, Johanan, Jozabad na taga Gedera, 5 Eluzai, Jerimot, Bealias, Semarias, Sefatias na Harifita, 6 asin si Elkana, Issias, Azarel, Joezer, asin Jasobeam na mga Korahita;+ 7 asin si Joela saka Zebadias na mga aki ni Jeroham na taga Gedor.

8 An iba sa mga Gadita kuminampi ki David asin nagduruman sa pinagtataguan niya sa kaawagan;+ mga matitibay sindang parapakilaban, mga suldados na sinanay sa pakikigiyera, eksperto sa paggamit nin dakulang kalasag saka nin garod, na may mga lalawgon* na garo lalawgon nin leon asin maririkas na garo mga gasela sa kabukidan. 9 Si Ezer an panginot, an ikaduwa si Obadias, an ikatulo si Eliab, 10 an ikaapat si Mismana, an ikalima si Jeremias, 11 an ikaanom si Atai, an ikapito si Eliel, 12 an ikawalo si Johanan, an ikasiyam si Elzabad, 13 an ikasampulo si Jeremias, asin an ikaonse si Macbanai. 14 Sinda an mga Gadita+ na mga namamayo sa hukbo. An pinakamaluya sa sainda katimbang nin 100, asin an pinakamatibay katimbang nin 1,000.+ 15 Sinda an mga lalaking nagbaralyo sa Jordan kan inot na bulan kan lantop nin tubig an mga pangpang kaiyan, asin pinaralayas ninda an gabos na nakaistar sa kapatagan, sa sirangan asin sa sulnupan.

16 An iba sa mga lalaki kan Benjamin asin Juda nagduruman man ki David sa pinagtataguan niya.+ 17 Dangan, nagluwas si David asin nagsabi sa atubangan ninda: “Kun katuninungan an tuyo kan pagdigdi nindo sa sako asin gusto nindo akong tabangan, magigin kasaro nindo an puso ko. Pero kun napadigdi kamo para trayduron ako asin itao ako sa sakong mga kalaban mantang mayo man akong ginigibong sala,* mahiling lugod iyan kan Diyos kan satong mga apuon asin siya an maghusgar.”+ 18 Dangan an espiritu nin Diyos uminabot* ki Amasai+ na namamayo kan treynta, asin nagsabi siya:

“Saimo kami, O David, asin kaiba mo kami, O aki ni Jesse.+

Kaya inako sinda ni David asin ninombrahan sinda na magin kabilang sa mga namamayo kan mga suldados.

19 Nagharali man sa hukbo ni Saul an iba sa mga lalaki kan tribo ni Manases para kumampi ki David kan mag-iba ini sa mga Filisteo tanganing makipaglaban ki Saul. Pero dai niya tinabangan an mga Filisteo huling pagkatapos na mag-urulay-ulay an mga tagapamahala kan mga Filisteo,+ pinahali ninda siya. An sabi ninda: “Babayaan kita kaiyan asin makampi sa kagurangnan niyang si Saul, tapos mamemeligro an buhay ta.”+ 20 Kan magduman siya sa Ziklag,+ ini an mga hali sa tribo ni Manases na kuminampi saiya: si Adnah, Jozabad, Jediael, Miguel, Jozabad, Elihu, asin Ziletai. Mga namamayo sinda nin manangribo sa tribo ni Manases.+ 21 Tinabangan ninda si David laban sa grupo nin nananakyadang tropa, huling gabos sinda matitibay, makukusog an buot na lalaki,+ asin nagin sindang mga namamayo sa hukbo. 22 Kada aldaw, may mga nag-aarabot tanganing tabangan si David+ sagkod na magdakula an saiyang hukbo, arog kadakula kan hukbo nin Diyos.+

23 Ini an bilang kan mga parapakilaban na armado para sa pakikipaglaban na nagduruman ki David sa Hebron+ tanganing ilipat sa saiya an pagkahadi ni Saul arog kan ipinagbuot ni Jehova.+ 24 An mga lalaki kan Juda na nagdadara nin darakulang kalasag saka garod may bilang na 6,800; armado sinda para sa pakikipaglaban. 25 Hali sa mga gikan ni Simeon, igwa nin 7,100 na matitibay asin makukusog an buot na mga suldados kan hukbo.

26 Hali sa mga Levita, 4,600. 27 Si Jehoiada+ an lider kan mga aki ni Aaron,+ asin 3,700 an kaiba niya; 28 kabilang sa sainda si Zadok+ na sarong matibay asin makusog an buot na hoben na lalaki saka an 22 na pamayo hali sa angkan kaini.

29 Hali sa mga Benjaminita, na mga tugang ni Saul,+ igwa nin 3,000. An kadaklan sa sainda dating maimbod na naglilingkod sa pamilya* ni Saul. 30 Hali sa mga Efraimita, igwa nin 20,800 na matitibay, makukusog an buot, asin bantog na mga lalaki hali sa saindang mga angkan.

31 Hali sa kabanga kan tribo ni Manases, igwa nin 18,000 na pinili na magduman ki David para gibuhon siyang hadi. 32 Hali sa tribo ni Isacar, igwa nin 200 sa mga namamayo sa sainda na nakakasabot kan dalagan kan panahon asin nakakaaram kun ano an dapat gibuhon kan Israel, asin nasa pamamahala ninda an gabos nindang tugang. 33 Hali sa tribo ni Zebulon, igwa nin 50,000 na puwedeng umiba sa hukbo, na andam na makigiyera asin kumpleto sa armas. Gabos sinda nag-iba ki David nin may dai nababangang kaimbudan.* 34 Hali sa tribo ni Neftali, igwa nin 1,000 namamayo, asin kaiba ninda an 37,000 na may darakulang kalasag saka garod. 35 Hali sa tribo ni Dan, igwa nin 28,600 na andam na makigiyera. 36 Asin hali sa tribo ni Aser, igwa nin 40,000 na makakaiba sa hukbo asin andam na makigiyera.

37 Hali sa ibong kan Jordan,+ hali sa tribo ni Ruben, ni Gad, asin sa kabanga kan tribo ni Manases, may 120,000 na suldados na igwa kan gabos na klase nin armas na panggiyera. 38 Gabos sinda mga suldados na andam na mag-iba sa giyera; may bilog na puso sindang nagduruman sa Hebron tanganing gibuhon na hadi si David sa bilog na Israel. Nagkakasararo man sa pagmawot an* gabos na iba pa sa Israel na gibuhon na hadi si David.+ 39 Asin nagdanay sinda duman nin tulong aldaw kaiba ni David, na nagkakarakan asin nag-iirinom huling naghanda an saindang mga tugang para sa sainda. 40 Siring man idtong mga harani sa sainda, asin dawa idtong hali pa sa teritoryo ni Isacar, Zebulon, asin Neftali, nagdarara nin kakanon na nakakarga sa mga asno, mga kamelyo, mga mula,* asin mga baka. Nagdara sinda nin kadakul na suplay nin harina, mga tinapay na gibo sa pinilpig na igos* asin gibo sa pasas, saka arak, lana, pati mga baka saka mga karnero, huling may kaugmahan sa Israel.

13 Kinonsulta ni David an mga namamayo nin manangribo saka nin mananggatos asin an gabos na lider.+ 2 Dangan sinabi ni David sa bilog na katiripunan* nin Israel: “Kun gusto nindo saka kun uyon si Jehova na satong Diyos, magpadara kita nin mensahe sa iba pa niyatong mga tugang sa gabos na rehiyon nin Israel asin sa mga saserdote saka sa mga Levita na nasa saindang mga siyudad na may mga pasabsaban+ na magdirigdi asin umiba sa sato. 3 Asin ibalik ta an Kaban+ kan satong Diyos.” Pinabayaan kaya ninda ini kan panahon ni Saul.+ 4 Uminuyon digdi an bilog na katiripunan huling para sa bilog na banwaan, iyan an tama na gibuhon. 5 Kaya tinipon ni David an bilog na Israel, puon sa salog nin* Ehipto sagkod sa Lebo-hamat,*+ para kuanon sa Kiriat-jearim an Kaban kan tunay na Diyos.+

6 Si David asin an bilog na Israel nagpasiring sa Baala,+ sa Kiriat-jearim na sakop kan Juda, tanganing kuanon duman an Kaban kan tunay na Diyos na si Jehova, na nakatukaw sa saiyang trono na nasa ibabaw* kan mga kerubin,+ an kaban kun sain nag-aapod sa pangaran niya an banwaan. 7 Alagad, isinakay ninda an Kaban kan tunay na Diyos sa sarong bagong kareta+ asin dinara ninda iyan hali sa harong ni Abinadab, asin si Uzah saka si Ahio an nag-antabay kan kareta.+ 8 Ganadong marhay na nagselebrar si David asin an bilog na Israel sa atubangan kan tunay na Diyos; nagkaranta sinda asin nagtugtog nin mga arpa, iba pang mga instrumentong de-kuwerdas, mga tamburin,+ mga simbal,+ asin mga trumpeta.+ 9 Pero kan makaabot sinda sa ginikan ni Kidon,* diit-diitan pang maituwal kan mga baka an Kaban kaya iinunat ni Uzah an kamot niya asin kinaputan iyan tanganing dai mahulog. 10 Huli kaini, naanggot* na marhay si Jehova ki Uzah, asin ginadan Niya siya huling kinaputan kaini an Kaban.+ Nagadan siya duman sa atubangan kan Diyos.+ 11 Alagad naanggot* si David sa nangyaring biglang pagkaanggot ni Jehova ki Uzah. Iyan an dahilan kun taano ta inapod an lugar na idto na Perez-uzah* sagkod sa aldaw na ini.

12 Kaya natakot sa tunay na Diyos si David kan aldaw na idto asin nagsabi: “Paano ko dadarahon sa sako an Kaban kan tunay na Diyos?”+ 13 Kaya an Kaban dai na dinara ni David sa saiya sa Siyudad ni David. Imbes, ipinadara niya ini sa harong ni Obed-edom na Giteo. 14 Tulong bulan na nasa harong ni Obed-edom, sa kaibanan kan saiyang pamilya, an Kaban kan tunay na Diyos, asin padagos na binendisyunan ni Jehova an pamilya ni Obed-edom saka an gabos na sadiri niya.+

14 Nagpadara ki David nin mga mensahero si Hading Hiram+ kan Tiro, pati nin mga tablon na sedro, mga mason,* saka mga karpintero tanganing magtugdok nin harong* para ki David.+ 2 Asin narealisar ni David na marigon na inestablisar ni Jehova an pagigin hadi niya sa Israel,+ huling ilinangkaw Niyang marhay an saiyang pagkahadi para sa kapakanan kan Saiyang banwaan na Israel.+

3 Nagkua si David sa Jerusalem nin dugang pang mga agom,+ asin nagdakul pa an mga aking lalaki saka aking babayi ni David.+ 4 Ini an mga pangaran kan mga aki niyang nagkamurundag sa Jerusalem:+ Samua, Sobab, Natan,+ Solomon,+ 5 Ibhar, Elisua, Elpelet, 6 Noga, Nefeg, Jafia, 7 Elisama, Beeliada, asin Elifelet.

8 Kan mabaretaan kan mga Filisteo na linahidan si David na magin hadi kan bilog na Israel,+ nagturukad an gabos na Filisteo para hanapon si David.+ Kan maaraman ini ni David, nagluwas siya para makipaglaban sa sainda. 9 Dangan nag-arabot an mga Filisteo asin pauruutrong suminalakay sa Kababan* nin Refaim.+ 10 Naghapot sa Diyos si David: “Dapat ko daw na salakayon an mga Filisteo? Itatao mo sinda sa kamot ko?” Nagsimbag si Jehova sa saiya: “Sige, salakayon mo sinda, asin talagang itatao ko sinda sa kamot mo.”+ 11 Kaya nagtukad si David sa Baal-perazim,+ asin ginaradan niya sinda duman. Kaya nasabi ni David: “Paagi sa sakong kamot, linagbasan kan tunay na Diyos an sakong mga kalaban, siring sa sarong labot* na ginibo nin nagraragasang tubig.” Kaya inapod nindang Baal-perazim* an lugar na idto. 12 Binarayaan duman kan mga Filisteo an saindang mga diyos, asin kan ipagbuot ni David, sinurulo ninda an mga iyan.+

13 Dangan, suminalakay giraray sa kababan* an mga Filisteo.+ 14 Naghapot giraray sa Diyos si David, pero sinabi sa saiya kan tunay na Diyos: “Dai ka magsalakay sa atubangan ninda. Imbes, lumibot ka pasiring sa likudan ninda, tapos salakayon mo sinda sa atubangan kan mga palungpong na baca.+ 15 Kun madangog mo nang may garo nagmamartsa sa ibabaw kan mga palungpong na baca, sumalakay ka na, ta nainot na sa saimong nagluwas an tunay na Diyos tanganing laglagon an hukbo kan mga Filisteo.”+ 16 Kaya ginibo ni David kun ano an ipinagbuot sa saiya kan tunay na Diyos,+ asin ginaradan ninda an hukbo kan mga Filisteo puon sa Gibeon sagkod sa Gezer.+ 17 Asin nagin bantog si David sa gabos na kadagaan, asin pinangyari ni Jehova na matakot na marhay ki David an gabos na nasyon.+

15 Asin padagos siyang nagtugdok nin mga harong para sa sadiri niya sa Siyudad ni David. Naghanda man siya nin lugar para sa Kaban kan tunay na Diyos asin nagpatindog nin tolda para digdi.+ 2 Kan panahon na iyan sinabi ni David: “Mayo nin ibang magdadara kan Kaban kan tunay na Diyos kundi an mga Levita, huling sinda an pinili ni Jehova na magdara kan Kaban ni Jehova asin maglingkod pirmi sa saiya.”+ 3 Dangan tinipon ni David sa Jerusalem an bilog na Israel tanganing darahon an Kaban ni Jehova patukad sa lugar na ihinanda niya para digdi.+

4 Tinipon ni David an mga gikan ni Aaron+ asin an mga Levita:+ 5 hali sa mga Kohatita, si Uriel na pamayo asin 120 sa mga tugang niya; 6 hali sa mga Merarita, si Asaias+ na pamayo asin 220 sa mga tugang niya; 7 hali sa mga Gersomita, si Joel+ na pamayo asin 130 sa mga tugang niya; 8 hali sa mga gikan ni Elizafan,+ si Semaias na pamayo asin 200 sa mga tugang niya; 9 hali sa mga gikan ni Hebron, si Eliel na pamayo asin 80 sa mga tugang niya; 10 hali sa mga gikan ni Uziel,+ si Aminadab na pamayo asin 112 sa mga tugang niya. 11 Ipinaapod man ni David an mga saserdoteng si Zadok+ saka Abiatar+ asin an mga Levitang si Uriel, Asaias, Joel, Semaias, Eliel, saka Aminadab, 12 asin sinabi niya sa sainda: “Kamo an mga pamayo kan mga angkan kan mga Levita. Pabanalon nindo an saindong sadiri, kamo asin an saindong mga tugang, tapos darahon nindo an Kaban ni Jehova na Diyos kan Israel patukad sa lugar na ihinanda ko para diyan. 13 Huling kan inot na bako kamo an nagdara kaiyan,+ naanggot sa sato si Jehova na satong Diyos;+ dai ta kaya sinunod an tamang paagi.”+ 14 Kaya pinabanal kan mga saserdote asin kan mga Levita an saindang sadiri tanganing madara ninda an Kaban ni Jehova na Diyos kan Israel.

15 Dangan pinasan kan mga Levita an Kaban kan tunay na Diyos gamit an mga ulayán,*+ arog kan ipinagbuot ni Moises sigun sa sinabi ni Jehova. 16 Sinabi ni David sa mga pamayo kan mga Levita na pumili hali sa mga tugang nindang parakanta, tanganing iyo an maugmang magkanta na sinasabayan nin mga instrumento sa musika: mga instrumentong de-kuwerdas, mga arpa,+ asin mga simbal.+

17 Kaya pinili kan mga Levita si Heman+ na aki ni Joel asin si Asaf+ na aki ni Berekias, na hali sa saiyang mga tugang, saka si Etan+ na aki ni Kusaias, na hali sa mga tugang nindang Merarita. 18 Kaiba ninda an mga tugang ninda na kabilang sa ikaduwang grupo,+ si Zacarias, Ben, Jaaziel, Semiramot, Jehiel, Uni, Eliab, Benaias, Maaseias, Matitias, Elifelehu, Mikneias, saka an mga bantay sa trangkahan na si Obed-edom asin Jeiel. 19 An mga parakanta na si Heman,+ Asaf,+ asin Etan an matugtog kan mga simbal na tanso;+ 20 si Zacarias, Aziel, Semiramot, Jehiel, Uni, Eliab, Maaseias, asin Benaias an matugtog kan mga instrumentong de-kuwerdas na nakatono sa Alamoth;*+ 21 asin si Matitias,+ Elifelehu, Mikneias, Obed-edom, Jeiel, saka Azazias an matugtog kan mga arpa na nakatono sa Sheminith;*+ sinda man an maserbing mga direktor. 22 Si Kenanias+ na pamayo kan mga Levita an namamahala sa pagdara kan Kaban, huling eksperto siya digdi, 23 asin si Berekias saka Elkana an mga bantay sa trangkahan na mabantay kan Kaban. 24 An mga saserdoteng si Sebanias, Josafat, Netanel, Amasai, Zacarias, Benaias, asin Eliezer an makusog na nagpatanog kan mga trumpeta sa atubangan kan Kaban kan tunay na Diyos,+ asin si Obed-edom saka Jehias nagserbi man na mga bantay sa trangkahan na mabantay kan Kaban.

25 Dangan si David asin an kamagurangan kan Israel saka an mga namamayo nin manangribo iribang naglakaw tanganing itukad nin may pag-ugma an kaban kan tipan ni Jehova hali sa harong ni Obed-edom.+ 26 Huling tinabangan kan tunay na Diyos an mga Levita na nagdara kan kaban kan tipan ni Jehova, nag-atang sinda nin pitong torilyong baka asin pitong lalaking karnero.+ 27 Nakasulot si David nin pang-ibabaw na bado na daing manggas na gibo sa de-kalidad na tela, siring man an gabos na Levita na nagdadara kan Kaban, an mga parakanta, asin si Kenanias na namamahala sa mga nagdadara kan Kaban saka sa mga parakanta; nakasulot man si David nin efod* na lino.+ 28 Mantang itinutukad kan gabos na Israelita an kaban kan tipan ni Jehova, maugma sindang nagkukururahaw,+ na nagpapatanog nin hamudyong, mga trumpeta,+ mga simbal, asin makusog na nagtutugtog nin mga instrumentong de-kuwerdas saka mga arpa.+

29 Pero kan makaabot sa Siyudad ni David an kaban kan tipan ni Jehova,+ nagtanaw sa bintana si Mical+ na aki ni Saul asin nahiling niya si Hading David na naglulukso-lukso saka isineselebrar an nangyari; asin hinamak niya siya sa saiyang puso.+

16 Ilinaog ninda an Kaban kan tunay na Diyos asin ibinugtak iyan sa laog kan toldang ipinatindog ni David;+ asin nag-atang sinda sa atubangan kan tunay na Diyos nin mga dulot na pigtututong saka mga atang sa pakikikabtang.+ 2 Pagkatapos na maiatang ni David an mga dulot na pigtututong+ asin an mga atang sa pakikikabtang,+ binendisyunan niya an banwaan sa ngaran ni Jehova. 3 Dugang pa, tinarawan niya nin tigsararong tinapay na bilog, tigsararong tinapay na gibo sa datiles, saka tigsararong tinapay na gibo sa pasas an gabos na Israelita, an lambang lalaki asin babayi. 4 Dangan nagnombra siya nin nagkapirang Levita na maglilingkod sa atubangan kan Kaban ni Jehova+ tanganing magtaong onra,* magpasalamat, asin mag-umaw ki Jehova na Diyos kan Israel. 5 Si Asaf+ an pamayo ninda, an ikaduwa sa saiya iyo si Zacarias; dangan si Jeiel, Semiramot, Jehiel, Matitias, Eliab, Benaias, Obed-edom, asin Jeiel+ an mga nagtutugtog kan mga instrumentong de-kuwerdas saka mga arpa;+ asin si Asaf an nagpapatanog kan mga simbal,+ 6 tapos si Benaias asin Jahaziel na mga saserdote an pirming nagpapatanog kan mga trumpeta sa atubangan kan kaban kan tipan kan tunay na Diyos.

7 Kan aldaw na iyan inot na nagkomponer si David nin kanta nin pasasalamat ki Jehova asin ipinakanta niya iyan ki Asaf+ saka sa mga tugang kaini. Uni an kanta:

10 Ipaghambog an banal na pangaran niya.+

Mag-ugma an puso kan mga naghahanap ki Jehova.+

11 Hanapa si Jehova+ asin an kusog niya.

Hanapa pirmi an lalawgon* niya.+

14 Siya si Jehova na satuyang Diyos.+

Ipinapautob sa bilog na daga an saiyang mga desisyon.+

23 Magkanta ki Jehova, kamo gabos sa daga!

Ipaisi nindo aroaldaw an pagliligtas niya!+

25 Huling nangungurog* si Jehova asin maninigong marhay na umawon.

Mas dapat na magkaigwa nin pagkatakot sa saiya kisa sa gabos na iba pang diyos.+

Magduko* kamo ki Jehova sulot an saindong banal na gubing.*+

30 Magtarakig kamo sa atubangan niya, kamo gabos sa daga!

Matibay an pagkaestablisar sa daga;* dai iyan mahihiro.*+

Asin nagsarabi an bilog na banwaan, “Amen!”* asin inumaw ninda si Jehova.

37 Dangan binayaan ni David duman sa atubangan kan kaban kan tipan ni Jehova si Asaf+ saka an saiyang mga tugang tanganing padagos na maglingkod sa atubangan kan Kaban,+ sigun sa kinakaipuhan na gibuhon sa kada aldaw.+ 38 Si Obed-edom saka an 68 kaining tugang, asin si Obed-edom na aki ni Jedutun, asin si Hosa an mga bantay sa trangkahan. 39 Si Zadok+ na saserdote asin an kapwa niya mga saserdote an yaon sa atubangan kan tabernakulo ni Jehova na nasa halangkaw na lugar sa Gibeon+ 40 tanganing regular na mag-atang ki Jehova nin mga dulot na pigtututong sa ibabaw kan altar para sa dulot na pigtututong, aga asin banggi, asin tanganing gibuhon an gabos na nakasurat sa Katugunan ni Jehova na ipinagbuot niya sa Israel.+ 41 Kaiba ninda si Heman asin Jedutun+ saka an iba pa na piniling mga lalaki tanganing magpasalamat ki Jehova,+ huling “nagdadanay sagkod lamang an maimbod na pagkamuot niya.”+ 42 Kaiba man ninda si Heman+ asin Jedutun tanganing magpatanog kan mga trumpeta, mga simbal, asin kan mga instrumentong ginagamit sa pag-umaw sa* tunay na Diyos; asin an mga aki ni Jedutun+ an yaon sa trangkahan. 43 Dangan nagpuruli an bilog na banwaan sa saindang harong, asin nagpuli man si David tanganing bendisyunan an saiyang pamilya.

17 Kan nag-iistar na si David sa sadiri niyang harong,* sinabi niya ki Natan+ na propeta: “Nag-iistar ako sa harong na gibo sa kahoy na sedro+ pero an kaban kan tipan ni Jehova nakabugtak sa sarong tolda.”+ 2 Nagsimbag si Natan ki David: “Gibuha an ano man na nasa puso mo, ta nasa kaibanan mo an tunay na Diyos.”

3 Kan mismong bangging idto, uminabot ki Natan an tataramon nin Diyos, na an sabi: 4 “Magduman ka sa lingkod kong si David asin sabihon mo saiya, ‘Ini an sabi ni Jehova: “Bako ika an matugdok kan harong na magigin sakong irukan.+ 5 Dai pa ako nag-irok sa sarong harong puon kan aldaw na iluwas ko an Israel sagkod sa aldaw na ini, kundi padagos akong nagpaburubalyo nin tolda asin tabernakulo.*+ 6 Sa bilog na panahon na iyan na nagpaburubalyo ako kaiba kan bilog na Israel, nagsabi daw ako sa saro sa mga hukom kan Israel na ninombrahan kong magpastor sa sakong banwaan, ‘Taano ta dai nindo ako itinutugdok nin harong na gibo sa sedro?’”’

7 “Sabihon mo ngunyan sa lingkod kong si David, ‘Ini an sabi ni Jehova na pamayo nin mga hukbo: “Kinua taka hali sa mga lugar na pasabsaban, dai taka na pinapag-ataman nin aripumpon, tanganing gibuhon kang lider kan banwaan kong Israel.+ 8 Aantabayanan taka sain ka man magduman,+ saka gagaradanon* ko sa atubangan mo an gabos mong kalaban;+ asin papabantugon ko an saimong pangaran kapareho kan pangaran kan mga bantog na tawo sa daga.+ 9 Matalaga ako nin lugar para sa banwaan kong Israel asin papaistaron ko sinda diyan. Maistar sinda diyan asin dai na madidisturbo; asin dai na sinda aapihon* kan mararaot na tawo arog kan ginibo ninda kan nakaagi,+ 10 puon kan aldaw na magnombra ako nin mga hukom para sa banwaan kong Israel.+ Asin dadaugon ko an gabos mong kalaban.+ Sinabi ko man sa saimo, ‘Magibo si Jehova para sa saimo nin sarong dinastiya nin mga hadi.’*

11 “‘“Kun ika magadan asin ilubong sa kaibanan kan saimong mga apuon, gigibuhon kong hadi na kasalida mo an saimong gikan,* an saro sa saimong mga aking lalaki,+ asin eestablisaron ko nin marigon an saiyang pagkahadi.+ 12 Siya an matugdok nin harong para sa sako,+ asin eestablisaron ko nin marigon an saiyang trono sagkod lamang.+ 13 Ako magigin saiyang ama, asin siya magigin sakuyang aki.+ Dai ko hahalion sa saiya an sakong maimbod na pagkamuot,+ kun paanong hinali ko iyan sa saro na nainot sa saimo.+ 14 Nonombrahan ko siya sa sakong harong asin sa sakong kahadian sagkod lamang,+ asin magdadanay sagkod lamang an saiyang trono.”’”+

15 Isinabi ni Natan ki David an gabos na tataramon na ini asin an bilog na bisyon na nahiling niya.

16 Huli kaini, naglaog si Hading David asin nagtukaw sa atubangan ni Jehova asin nagsabi: “Siisay man ako, O Diyos na Jehova? Asin siisay man an sakong pamilya* ta ginibo mo ini gabos para sa sako?+ 17 Asin garo baga kulang pa an mga ginibo mong ini, O Diyos, ta may sinambit ka pa manungod sa mangyayari sa dinastiya kan saimong lingkod sagkod sa haloy pang maabot na panahon;+ asin hiniling mo ako bilang sarong tawo na dapat pang ilangkaw,* O Diyos na Jehova. 18 Ano pa an masasabi sa saimo kan lingkod mong si David manungod sa onrang itinao sa sako, huling midbid mo nang marhay an saimong lingkod?+ 19 O Jehova, alang-alang sa saimong lingkod asin kauyon kan saimong kabutan* kun kaya ginibo mo an gabos na makangangalas na bagay na ini asin ihinayag mo an saimong kadakulaan.+ 20 O Jehova, mayo nin arog sa saimo,+ asin mayo nin ibang Diyos kundi ika sana;+ pinapatunayan ini kan gabos na nadangog mi. 21 Asin may ibang nasyon pa daw sa daga an arog sa banwaan mong Israel?+ Tinubos sinda kan tunay na Diyos bilang saiyang banwaan.+ Ibinantog mo an saimong pangaran paagi kan saimong darakula asin makangangalas na mga gibo.+ Pinalayas mo an mga nasyon sa atubangan kan saimong banwaan+ na tinubos mo sa Ehipto. 22 Ginibo mo an saimong banwaan na Israel na magin saimong banwaan sa gabos na panahon;+ asin ika, O Jehova, an nagin Diyos ninda.+ 23 O Jehova, magin totoo lugod sa gabos na panahon an ipinanuga mo manungod sa saimong lingkod saka sa saiyang pamilya, asin gibuhon mo lugod an siring sa saimong ipinanuga.+ 24 Magdanay* lugod an saimong pangaran asin pamurawayon iyan+ sagkod lamang, tanganing magsarabi an mga tawo, ‘Si Jehova na pamayo nin mga hukbo, an Diyos kan Israel, iyo an Diyos para sa Israel,’ asin lugod na marigon na maestablisar sa atubangan mo an dinastiya kan saimong lingkod na si David.+ 25 Huli ta ihinayag mo sa saimong lingkod, O sakuyang Diyos, an saimong katuyuhan na igibo siya nin sarong dinastiya nin mga hadi.* Iyan an dahilan kun taano ta may kumpiyansa an saimong lingkod na ipamibi sa saimo an pamibing ini. 26 O Jehova, ika an tunay na Diyos, asin ipinanuga mo an marahay na mga bagay na ini manungod sa saimong lingkod. 27 Kaya pagmarhayon mo lugod na bendisyunan an pamilya kan saimong lingkod, asin magdanay lugod iyan sa saimong atubangan sagkod lamang; huling ika, O Jehova, an nagbendisyon kaini, asin bebendisyunan iyan sagkod lamang.”

18 Pakalihis nin pirang panahon, nakipaglaban si David sa mga Filisteo asin nadaog niya sinda. Naagaw niya sa kamot kan mga Filisteo+ an Gat+ saka an nakapalibot na mga banwa diyan.* 2 Dangan nadaog niya an Moab,+ asin nagin mga lingkod ni David an mga Moabita asin nagdara sinda nin tributo.*+

3 Nadaog ni David harani sa Hamat+ si Hading Hadadezer+ kan Zoba+ kan pasiring ini sa Salog nin Eufrates+ tanganing iestablisar an saiyang kontrol sa lugar na iyan. 4 Naagaw ni David sa saiya an 1,000 karwahe saka nabihag an 7,000 na parakabayo asin 20,000 na suldados kaini.+ Dangan pinirilay* ni David an gabos na kabayong pangkarwahe pero nagtada siya nin 100 sa mga kabayong ini.+ 5 Kan mag-arabot an mga Siriano hali sa Damasco tanganing tabangan si Hading Hadadezer kan Zoba, ginaradan ni David an 22,000 sa mga Siriano.+ 6 Dangan nagbugtak si David nin mga garison sa Damasco na siyudad kan Siria. Nagin mga lingkod ni David an mga Siriano asin nagdara sinda nin tributo. Tinawan ni Jehova si David nin kapangganahan* sain man siya magduman.+ 7 Apuwera diyan, kinurua ni David an gibo sa bulawan na mga bilog na kalasag kan mga lingkod ni Hadadezer asin dinara an mga iyan sa Jerusalem. 8 Kadakul man na tanso an kinurua ni David sa Tibhat asin Cun, na mga siyudad ni Hadadezer. Iyan an ginamit ni Solomon sa paggibo kan tansong tangke nin tubig,*+ kan mga harigi, saka kan mga tansong kagamitan.+

9 Kan mabaretaan ni Hading Tou kan Hamat na nadaog ni David an bilog na hukbo ni Hading Hadadezer+ kan Zoba,+ 10 isinugo niya tulos an aki niyang si Hadoram pasiring ki Hading David tanganing ikumusta niya siya ki David asin umawon ini huling linabanan asin dinaog ni David si Hadadezer (parati kayang nakikipaglaban kaidto si Hadadezer ki Tou), saka nagpadara siya nin gabos na klase nin kagamitan na bulawan, plata,* asin tanso. 11 Pinabanal ni Hading David an mga ini para ki Jehova,+ arog kan ginibo niya sa mga plata asin bulawan na nasamsam niya hali sa gabos na nasyon: hali sa Edom asin Moab, hali sa mga Ammonita,+ mga Filisteo,+ asin mga Amalekita.+

12 Ginaradan ni Abisai+ na aki ni Zeruia+ an 18,000 na Edomita sa Kababan nin Asin.+ 13 Nagbugtak siya nin mga garison sa Edom, asin nagin mga lingkod ni David an gabos na Edomita.+ Tinawan ni Jehova si David nin kapangganahan* sain man siya magduman.+ 14 Padagos na naghadi si David sa bilog na Israel,+ asin pinamahalaan niya na may hustisya asin katanusan an bilog niyang banwaan.+ 15 Si Joab na aki ni Zeruia an pamayo kan hukbo,+ si Jehosafat+ na aki ni Ahilud an pararekord, 16 si Zadok na aki ni Ahitub saka si Ahimelec na aki ni Abiatar an mga saserdote, asin si Savsa an sekretaryo. 17 Si Benaias na aki ni Jehoiada an namamayo sa mga Keretita+ saka mga Peleteo.*+ Asin an mga aking lalaki ni David iyo an mga panginot na opisyal na sunod sa hadi.

19 Pag-abot nin panahon, nagadan si Nahas na hadi kan mga Ammonita, asin an saiyang aki an nagsalida sa saiya bilang hadi.+ 2 Huli kaini, sinabi ni David: “Mapahiling ako nin maimbod na pagkamuot+ ki Hanun na aki ni Nahas ta nagpahiling man sako nin maimbod na pagkamuot an saiyang ama.” Kaya nagsugo si David nin mga mensahero tanganing rangahon si Hanun huli sa pagkagadan kan saiyang ama. Pero pag-abot kan mga lingkod ni David sa daga kan mga Ammonita+ tanganing rangahon si Hanun, 3 an mga pamayo* kan mga Ammonita nagsarabi ki Hanun: “Paghuna mo gustong tawan ni David nin onra an saimong ama kun kaya nagsugo siya sa saimo nin mga pararanga? Bako daw na nagdigdi an saiyang mga lingkod para maingat na magmanman saka mag-espiya sa nasyon tanganing mapabagsak ka niya?” 4 Kaya dinakop ni Hanun an mga lingkod ni David asin inahitan sinda+ saka pinutol an saindang bado puon sa habayan* pababa asin pinapuli sinda. 5 Kan ibareta ki David an nangyari sa sainda, nagsugo tulos siya nin iba pa tanganing sabaton sinda, huling grabe an pagkasupog ninda; asin sinabi sa sainda kan hadi: “Duman nguna kamo sa Jerico;+ saka na lang kamo magpuli pag nagtubo na an barabas nindo.”

6 Dangan narealisar kan mga Ammonita na angguton na sa sainda si* David, kaya nagpadara si Hanun saka an mga Ammonita nin 1,000 talentong* pirak na pambayad nin mga karwahe saka mga parakabayo hali sa Mesopotamia,* Aram-maaca, asin Zoba.+ 7 Kaya nagbayad sinda para sa 32,000 na karwahe, pati na sa hadi kan Maaca saka sa mga suldados kaini. Dangan nagpasiring an mga ini sa atubangan kan Medeba+ asin nagkampo duman. Nagtiripon man hali sa saindang mga siyudad an mga Ammonita tanganing maghanda sa pakikipaglaban.

8 Kan mabaretaan ini ni David, isinugo niya si Joab+ asin an bilog na hukbo, pati an pinakamatitibay niyang mga parapakilaban.+ 9 Dangan, nagruluwas an mga Ammonita asin puminormada sa may entrada kan siyudad para makipaglaban, mantang an mga nag-arabot na hadi puminuwesto sa may kalangtadan.

10 Kan mahiling ni Joab na nagsasalakay an mga kalaban sa atubangan saka sa likudan niya, nagpili siya nin mga pinakamatitibay na suldados sa Israel asin pinapormada niya sinda para makipaglaban sa mga Siriano.+ 11 Asin an ibang mga suldados ipinamahala niya sa* saiyang tugang na si Abisai,+ tapos pinapormada niya sinda para makipaglaban sa mga Ammonita. 12 Dangan sinabi niya: “Kun mahiling mong nadadaog na ako kan mga Siriano,+ tabangan mo ako; pero kun nadadaog ka na kan mga Ammonita, tatabangan taka. 13 Magpakakusog kita asin kusugan niyato an satong buot+ alang-alang sa satong mga kahimanwa asin alang-alang sa mga siyudad kan satong Diyos, asin gigibuhon ni Jehova kun ano an sa hiling niyang marahay.”

14 Dangan uminabante si Joab asin an saiyang mga tawuhan tanganing makipaglaban sa mga Siriano, asin nagdurulag an mga ini sa atubangan niya.+ 15 Kan mahiling kan mga Ammonita na nagdurulag an mga Siriano, nagdurulag man sinda sa saiyang tugang na si Abisai asin nagralaog sinda sa siyudad. Pagkatapos kaini, nagbalik na si Joab sa Jerusalem.

16 Kan mahiling kan mga Siriano na nadaog sinda kan Israel, nagsugo sinda nin mga mensahero tanganing ipaapod an mga Siriano na nasa rehiyon kan Salog,*+ asin pinanginutan sinda ni Sofac, an pamayo kan hukbo ni Hadadezer.+

17 Kan ibareta ini ki David, tiniripon niya tulos an bilog na hukbo kan Israel asin nagbalyo sinda sa Jordan asin nagpasiring sa sainda tapos puminormada sinda tanganing makipaglaban sa sainda. Puminormada sa ralaban si David tanganing sabaton an mga Siriano, asin nakipaglaban an mga ini sa saiya.+ 18 Pero nagdurulag an mga Siriano sa atubangan kan Israel, asin 7,000 na suldados na nakasakay sa karwahe saka 40,000 na suldados kan mga Siriano an nagadan ni David. Nagadan man niya si Sofac na pamayo kan hukbo. 19 Kan mahiling kan mga lingkod ni Hadadezer na nadaog sinda kan Israel,+ nakipagkatuninungan tulos sinda ki David asin nagin mga sakop niya;+ asin habo na kan Siria na magtabang pa sa mga Ammonita.

20 Sa kapinunan kan taon,* sa panahon na minaluwas an mga hadi para makipaglaban, pinanginutan ni Joab+ an hukbo para makipaglaban, asin linaglag ninda an daga kan mga Ammonita. Nag-abot siya sa Raba+ asin sinalikupan iyan, pero si David nagpawalat sa Jerusalem.+ Sinalakay ni Joab an Raba asin ginaba iyan.+ 2 Dangan kinua ni David an korona sa payo ni Malcam, asin naaraman niyang may gabat na sarong talento* an bulawan kaiyan, asin may mamahalon na mga bato iyan; asin ibinugtak iyan sa payo ni David. Kadakul man siyang kinuang samsam hali sa siyudad.+ 3 Asin dinara niyang bihag an mga tawo sa siyudad asin pinapagtrabaho niya sinda+ bilang mga paralagadi nin gapo asin mga trabahador na naggagamit nin matatarom na gamit na lansang* saka mga patok. Iyan an ginibo ni David sa gabos na siyudad kan mga Ammonita. Dangan sa katapos-tapusi, nagbalik na sa Jerusalem si David asin an gabos niyang suldados.

4 Pagkatapos kaini, nagkaigwa nin giyera laban sa mga Filisteo sa Gezer. Nagadan diyan ni Sibecai+ na Husatita si Sipai na gikan sa mga Refaim,+ asin nadaog an mga ini.

5 Nagkagiyera giraray laban sa mga Filisteo, asin nagadan ni Elhanan na aki ni Jair si Lami na tugang ni Goliat+ na Giteo, na an tugod kan garod arog kadakula kan biga nin habulan nin tela.+

6 Nagkagiyera giraray sa Gat.+ May sarong lalaki duman na sobra kadakula;+ igwa siya nin 6 na muro sa kada kamot asin 6 na muro sa kada bitis, kaya 24 gabos an muro niya. Gikan man siya sa mga Refaim.+ 7 Pirmi niyang pigtutuya+ an Israel. Kaya ginadan siya ni Jonathan na aki ni Simea+ na tugang ni David.

8 Mga gikan sinda sa mga Refaim+ sa Gat;+ asin nagadan sinda sa kamot ni David saka sa kamot kan saiyang mga lingkod.

21 Dangan huminiro* si Satanas* laban sa Israel asin sinutsutan si David na bilangon an Israel.+ 2 Kaya sinabi ni David ki Joab+ asin sa mga namamayo kan banwaan: “Lakaw kamo, bilangon nindo an Israel puon sa Beer-sheba sagkod sa Dan;+ dangan sabihon nindo sa sako tanganing maaraman ko kun gurano sinda kadakul.” 3 Alagad sinabi ni Joab: “Padakulon lugod ni Jehova an bilang kan saiyang banwaan nin 100 na beses! Kagurangnan kong hadi, bakong gabos sinda mga lingkod na kan sakong kagurangnan? Taano ta gusto kan kagurangnan ko na gibuhon an bagay na ini? Taano ta magigin dahilan siya nin pagkakasala kan Israel?”

4 Alagad mayong naginibo si Joab kundi sunudon an sinabi kan hadi. Kaya naghali si Joab asin naglibot sa bilog na Israel, asin pagkatapos, nag-abot siya sa Jerusalem.+ 5 Itinao ni Joab ki David an kabilangan kan banwaan na nairehistro. An bilog na Israel igwa nin 1,100,000 na lalaking armado nin espada, asin an Juda may 470,000 na lalaking armado nin espada.+ 6 Pero dai irinehistro ni Joab an mga Levita asin mga Benjaminita,+ huling makababaldi para sa saiya an ipinagbuot kan hadi.+

7 Dai nanggad ini nagustuhan kan tunay na Diyos, kaya pinadusahan niya an Israel. 8 Dangan sinabi ni David sa tunay na Diyos: “Nagkasala ako+ nin magabat sa ginibo kong ini. Patawada tabi an pagkakasala kan saimong lingkod,+ huling dakulang kamangmangan an ginibo ko.”+ 9 Dangan sinabi ni Jehova ki Gad+ na bisyonaryo ni David: 10 “Dumanan mo si David asin sabihan mo siya, ‘Ini an sabi ni Jehova: “Tinatawan taka nin tulong pagpipilian. Pumili ka nin saro na gigibuhon ko saimo.”’” 11 Kaya dinumanan ni Gad si David asin sinabi sa saiya: “Ini an sabi ni Jehova, ‘Pumili ka, 12 tulong taon na tiggutom,+ o tulong bulan kang madadaog kan saimong mga kalaban asin aabutan ka kan espada kan saimong mga kalaban,+ o tulong aldaw na padusa kan espada ni Jehova, na sa panahon na iyan magkakadamat* sa nasyon+ asin manglalaglag sa enterong teritoryo kan Israel an anghel ni Jehova.’+ Ngunyan, pag-isipan mong marhay kun ano an isisimbag ko sa Saro na nagsugo sa sako.” 13 Kaya sinabi ni David ki Gad: “Nakakapurisaw na marhay ini sa sako. Tabi man, mahulog lugod ako sa kamot ni Jehova, huling mahihirakon nanggad siyang marhay;+ dai mo ako pabayaan na mahulog sa kamot nin tawo.”+

14 Dangan nagpaabot si Jehova nin damat+ sa Israel, kaya 70,000 katawo sa Israel an nagkagaradan.+ 15 Apuwera diyan, nagsugo nin anghel an tunay na Diyos pasiring sa Jerusalem tanganing garadanon an mga nakaistar diyan. Pero kan gigibuhon na niya iyan, nahiling iyan ni Jehova asin ikinamundo* niya an kapahamakan+ asin sinabi niya sa anghel na nanggagadan: “Tama na!+ Ibaba mo na an kamot mo.” An anghel ni Jehova nakatindog kaidto harani sa ginikan ni Ornan+ na Jebusita.+

16 Pagtangad ni David, nahiling niya an anghel ni Jehova na nakatindog sa aire* na may kapot na espada+ na nakatutok sa Jerusalem. Tulos na suminubsob sa daga si David saka an kamagurangan, na mga nakasulot nin telang sako.+ 17 Dangan sinabi ni David sa tunay na Diyos: “Bakong ako an nagpabilang sa banwaan? Ako an nagkasala; ako an nakagibo nin sala.+ Pero an mga karnerong ini—ano an kasalan ninda? O Jehova na sakuyang Diyos, lugod na an saimong kamot magin laban na lang tabi sa sako asin sa pamilya* kan sakong ama; dai mo ipaabot an damat na ini sa saimong banwaan.”+

18 Dangan sinabi kan anghel ni Jehova ki Gad+ na sabihan si David na magtukad pasiring sa ginikan ni Ornan na Jebusita asin maggibo duman nin altar para ki Jehova.+ 19 Kaya nagtukad si David uyon sa mensahe ni Gad, na sinabi kaini sa saiya sa ngaran ni Jehova. 20 Naggiginik kaidto nin trigo si Ornan. Pagbirik niya, nahiling niya an anghel; dangan nagtarago an apat niyang aking lalaki na kaibanan niya. 21 Kan padangadang si David, nagtanaw si Ornan asin nahiling niya si David. Tulos siyang nagluwas sa ginikan, nagluhod, asin nagduko ki David. 22 Nagsabi si David ki Ornan: “Ipabakal* mo sako an lugar kan ginikan tanganing makagibo ako diyan nin altar para ki Jehova. Ipabakal mo iyan sako sigun sa bilog na kantidad kaiyan para mapundo na an damat sa banwaan.”+ 23 Alagad sinabi ni Ornan ki David: “Kuanon mo na lang iyan nin libre kagurangnan kong hadi, asin gibuhon mo an ano man na gusto mo.* Uya, itatao ko man ining mga baka para sa iaatang mong mga dulot na pigtututong asin ining pamaba na pangginik+ bilang panggatong saka ining trigo bilang dulot na tipasi. Gabos ini itatao ko saimo.”

24 Pero sinabi ni Hading David ki Ornan: “Dai. Dapat kong bakalon ini sigun sa bilog na kantidad kaiyan, huli ta dai ko kukuanon an ano man na pagsadiri mo para itao ki Jehova ni madulot man ako nin mga atang na pigtututong na nakua kong dai ko ginastusan.”+ 25 Kaya tinawan ni David si Ornan nin 600 na siklong* bulawan bilang kabayadan kan lugar na iyan. 26 Asin naggibo duman si David nin altar+ para ki Jehova asin nagdulot nin mga atang na pigtututong saka mga atang sa pakikikabtang. Nag-apod siya ki Jehova asin ngunyan, sinimbag niya siya paagi sa pagpababa nin kalayo+ hali sa kalangitan pasiring sa ibabaw kan altar para sa dulot na pigtututong. 27 Dangan ipinagbuot ni Jehova sa anghel+ na isarong na an saiyang espada. 28 Kan mahiling ni David na sinimbag siya ni Jehova kan panahon na iyan sa ginikan ni Ornan na Jebusita, padagos na siyang nag-aatang diyan. 29 Alagad kan panahon na idto, yaon sa halangkaw na lugar sa Gibeon an tabernakulo ni Jehova na ginibo ni Moises sa kaawagan asin an altar para sa dulot na pigtututong.+ 30 Pero dai makaduman si David para maghapot sa Diyos, huling natakot siya sa espada kan anghel ni Jehova.

22 Dangan nagsabi si David: “Ini an harong ni Jehova na tunay na Diyos, asin ini man sarong altar nin dulot na pigtututong para sa Israel.”+

2 Pagkatapos, ipinagbuot ni David na tipunon an mga dayuhan na residente+ na nasa nasyon nin Israel, asin inasignaran niya sinda na magin mga paratabas nin gapo na matabas saka maporma nin mga gapo na gagamiton sa pagtugdok kan harong kan tunay na Diyos.+ 3 Nag-andam man si David nin dakulon na lansang na gigibuhon na mga pako para sa mga pinto kan mga trangkahan saka gigibuhon na mga pang-ipit, asin nin dakulon na tanso mala ta dai na iyan kayang timbangon,+ 4 pati nin dai mabilang na mga tablon na sedro,+ huling dakulon na tablon na sedro an pigdara ki David kan mga taga Sidon+ asin mga taga Tiro.+ 5 Asin nagsabi si David: “Hoben pa an aki kong si Solomon asin dai pa siyang eksperyensiya,*+ asin kaipuhan na magin kahanga-hangang marhay an harong na itutugdok para ki Jehova,+ na an kabantugan saka kagayunan kaiyan+ maaaraman sa gabos na kadagaan.+ Kaya mag-aandam ako para sa saiya.” Huli kaini, nag-andam si David nin dakulon na materyales bago siya nagadan.

6 Ipinaapod niya an aki niyang si Solomon asin ininstruksiyunan na magtugdok nin harong para ki Jehova na Diyos kan Israel. 7 Sinabi ni David sa saiyang aking si Solomon: “Mawot kan puso ko na magtugdok nin harong para sa pangaran ni Jehova na sakuyang Diyos.+ 8 Pero sinabi sa sako ni Jehova, ‘Dakulon kang napabulos na dugo, asin dakul kang inagihan na giyera. Bako ika an matugdok kan harong para sa sakong pangaran,+ huling dakulon kang napabulos na dugo sa ibabaw kan daga sa atubangan ko. 9 Magkakaaki ka nin lalaki+ na magigin sarong tawong may katuninungan,* asin tatawan ko siya nin kapahingaluan sa gabos niyang kalaban sa palibot,+ huling Solomon*+ an saiyang magigin pangaran asin sa panahon niya tatawan ko nin katuninungan saka katrangkiluhan an Israel.+ 10 Siya an matugdok nin harong para sa sakong pangaran.+ Siya magigin sakuyang aki, asin ako magigin saiyang ama.+ Eestablisaron ko nin marigon an trono kan saiyang pagkahadi sa Israel sagkod lamang.’+

11 “Ngunyan, aki ko, antabayanan ka lugod ni Jehova, asin lugod na magin mapanggana ka sa pagtugdok kan harong ni Jehova na saimong Diyos, arog kan sinabi niya manungod sa saimo.+ 12 Tawan ka lugod ni Jehova nin pakamansay asin pakasabot+ pag itinao na niya saimo an awtoridad na mamahala sa Israel, tanganing masunod mo an katugunan ni Jehova na saimong Diyos.+ 13 Dangan magigin mapanggana ka kun maingat mong susunudon an mga regulasyon+ asin mga ipinapautob na desisyon na ipinagbuot ni Jehova ki Moises na itao sa Israel.+ Kusugi an buot mo asin magpakakusog ka. Dai ka matakot o makubhanan.+ 14 Uya, nagmaigot akong marhay na iandam para sa harong ni Jehova an 100,000 na talentong* bulawan saka 1,000,000 na talentong plata asin dakulon na tanso saka lansang+ na dai na kayang timbangon. Nag-andam man ako nin mga tablon asin mga gapo,+ pero madagdag ka pa sa mga iyan. 15 Dakulon kang kaibanan na trabahador—mga paratabas nin gapo, mga mason,+ mga karpintero, asin gabos na klase nin ekspertong trabahador.+ 16 Dai kayang timbangon an bulawan, plata, tanso, asin lansang.+ Sige na, punan mo na an trabaho. Antabayanan ka lugod ni Jehova.”+

17 Dangan, ipinagbuot ni David sa gabos na halangkaw na opisyal* kan Israel na tabangan an saiyang aking si Solomon: 18 “Bakong nasa kaibanan nindo si Jehova na saindong Diyos, asin bakong tinawan niya kamo nin kapahingaluan sa enterong palibot? Itinao na baga niya sa sakong kamot an mga nakaistar sa kadagaan na ini, asin nasakop na ni Jehova saka kan saiyang banwaan an kadagaan na ini. 19 Kaya, determinado nindong hanapon si Jehova na saindong Diyos nin bilog nindong puso asin kalag,*+ asin punan na nindong itugdok an santuwaryo ni Jehova na tunay na Diyos+ tanganing madara nindo an kaban kan tipan ni Jehova saka an banal na mga kagamitan kan tunay na Diyos+ pasiring sa harong na itinugdok para sa pangaran ni Jehova.”+

23 Kan si David gurang na asin nasa puro na kan saiyang buhay,* ginibo niyang hadi sa Israel an saiyang aking si Solomon.+ 2 Dangan tinipon niya an gabos na pamayo* kan Israel, an mga saserdote,+ asin an mga Levita.+ 3 Binilang an gabos na Levita na 30 anyos pataas;+ 38,000 sinda gabos. 4 An 24,000 sa sainda nagserbi bilang mga superbisor sa mga trabaho sa harong ni Jehova, 6,000 an nagserbing opisyal saka hukom,+ 5 asin 4,000 an bantay sa trangkahan,+ saka 4,000 an nag-uumaw+ ki Jehova paagi sa mga instrumento na manungod diyan sinabi ni David, “Ginibo ko an mga iyan para sa pagtao nin pag-umaw.”

6 Dangan inorganisar* sinda ni David sa mga dibisyon+ sigun sa kun kiisay na aki ni Levi sinda gikan: ki Gerson, Kohat, asin Merari.+ 7 Hali sa mga Gersonita, si Ladan asin Simei. 8 An tulong aki ni Ladan iyo si Jehiel na pamayo, si Zetam, asin Joel.+ 9 An tulong aki ni Simei iyo si Selomot, Haziel, asin Haran. Sinda an mga pamayo kan mga angkan na gikan ki Ladan. 10 Asin an mga aki ni Simei iyo si Jahat, Zina, Jeus, asin Berias. Sindang apat an mga aki ni Simei. 11 Si Jahat an pamayo asin si Zizah an ikaduwa. Pero huling diit sana an mga aking lalaki ni Jeus asin Berias, ibinilang sinda na saro sanang angkan na may saro sanang katungdan.

12 An apat na aki ni Kohat iyo si Amram, Izar,+ Hebron, asin Uziel.+ 13 An mga aki ni Amram iyo si Aaron+ asin Moises.+ Pero permanenteng isinuway si Aaron+ saka an saiyang mga aki tanganing pabanalon an Kabanal-banali, magdulot nin mga atang sa atubangan ni Jehova, maglingkod sa saiya, asin pirming bendisyunan sa ngaran niya an banwaan.+ 14 Kun manungod sa mga aki ni Moises, na lalaking lingkod kan tunay na Diyos, ibinilang sindang kaiba sa tribo nin mga Levita. 15 An mga aki ni Moises iyo si Gersom+ asin Eliezer.+ 16 Sa mga aki ni Gersom, si Sebuel+ an pamayo. 17 Sa mga gikan* ni Eliezer, si Rehabias+ an pamayo; mayo nin iba pang aking lalaki si Eliezer, pero dakulon an aking lalaki ni Rehabias. 18 Sa mga aki ni Izar,+ si Selomit+ an pamayo. 19 Sa mga aki ni Hebron, si Jerias an pamayo, an ikaduwa si Amarias, an ikatulo si Jahaziel, asin an ikaapat si Jekameam.+ 20 An mga aki ni Uziel+ iyo si Mikas, an pamayo, asin an ikaduwa si Issias.

21 An mga aki ni Merari iyo si Mahli asin Musi.+ An mga aki ni Mahli iyo si Eleazar asin Kis. 22 Nagadan si Eleazar, pero mayo siyang aking lalaki, mga aking babayi sana. Kaya inagom sinda kan mga aking lalaki ni Kis, na mga paryente* ninda. 23 An tulong aki ni Musi iyo si Mahli, Eder, asin Jeremot.

24 Sinda an mga aki ni Levi na irinehistro sigun sa saindang mga angkan, sa mga pamayo kan saindang mga angkan. Binilang an mga Levita na 20 anyos pataas asin ilinista an mga pangaran para maglingkod sa harong ni Jehova. 25 Huling nagsabi si David: “Tinawan ni Jehova na Diyos kan Israel nin kapahingaluan an saiyang banwaan,+ asin mag-iirok siya sa Jerusalem sagkod lamang.+ 26 Asin dai na man kaipuhan kan mga Levita na darahon an tabernakulo o an arin man sa mga kagamitan na ginagamit sa paglilingkod diyan.”+ 27 Kaya, sigun sa huring mga itinugon ni David, binilang an mga Levita na 20 anyos pataas. 28 An katungdan ninda iyo na magtabang sa mga aki ni Aaron+ sa paglilingkod sa harong ni Jehova, sa pag-asikaso sa mga patyo+ saka sa mga kuwartong kakanan, sa pagdalisay kan lambang banal na bagay, asin sa ano man na gibuhon na kaipuhan sa paglilingkod sa harong kan tunay na Diyos. 29 Nagtatabang man sinda sa pagpreparar kan patong-patong na tinapay,*+ kan pinong harina para sa dulot na tipasi, kan mahimpis na mga tinapay na daing lebadura,+ kan mga tinapay na pigluluto sa lapnad na lutuan, asin kan masa nin harina na sinalakan nin lana.+ Nagtatabang man sinda sa gabos na ginigibong pagtimbang asin pagsukol. 30 Nagtitindog sinda duman kada aga+ tanganing magpasalamat asin mag-umaw ki Jehova, asin siring man sa banggi.+ 31 Nagtatabang sinda pag nagdudulot ki Jehova nin mga atang na pigtututong kun Sabbath,+ kun bagong bulan,+ asin kun panahon nin kapiyestahan,+ sigun sa bilang na hinahagad sa mga regulasyon may koneksiyon sa mga ini. Asin regular nindang ginigibo iyan sa atubangan ni Jehova. 32 Ginigibo man ninda an mga obligasyon ninda sa tolda nin pakipagtagbuan saka sa banal na lugar asin an obligasyon nindang magtabang sa saindang mga tugang, na mga aki ni Aaron, sa paglilingkod sa harong ni Jehova.

24 Grinupo-grupo sa mga dibisyon an mga gikan ni Aaron. An mga aki ni Aaron iyo si Nadab, Abihu,+ Eleazar, asin Itamar.+ 2 Alagad, nainot na nagadan si Nadab saka Abihu kisa sa saindang ama,+ asin mayo sindang mga aking lalaki; pero si Eleazar+ asin Itamar padagos na naglingkod bilang saserdote. 3 Katabang ni David si Zadok+ na hali sa mga aki ni Eleazar asin si Ahimelec na hali sa mga aki ni Itamar kan grinupo niya sinda sa mga dibisyon sigun sa mga katungdan ninda sa paglilingkod. 4 Huling mas dakul an pamayo sa mga aki ni Eleazar kisa sa mga aki ni Itamar, grinupo-grupo ninda sinda nin arog kaini: Sa mga aki ni Eleazar, 16 na pamayo sa saindang mga angkan, asin sa mga aki ni Itamar, 8 pamayo sa saindang mga angkan.

5 Dugang pa, huling parehong mahali sa mga aki ni Eleazar asin sa mga aki ni Itamar an mga mamamahala sa banal na lugar asin an mga mamamahala na maglilingkod para sa tunay na Diyos, binaranga-banga ninda sinda paagi sa burunutan,+ an sarong grupo nagbunot kasabay kan saro pang grupo. 6 Dangan, ilinista ni Semaias na aki ni Netanel asin sekretaryo kan mga Levita an mga pangaran ninda sa atubangan kan hadi, kan mga pamayo,* ni Zadok+ na saserdote, ni Ahimelec+ na aki ni Abiatar,+ asin kan mga pamayo kan mga angkan kan mga saserdote saka mga Levita. Pasaro-saro an pagbunot sa mga angkan na gikan ki Eleazar asin ki Itamar.

7 An inot na nabunot iyo si Jehoiarib; an ikaduwa si Jedaias, 8 an ikatulo si Harim, an ikaapat si Seorim, 9 an ikalima si Malkias, an ikaanom si Mijamin, 10 an ikapito si Hakoz, an ikawalo si Abias,+ 11 an ikasiyam si Jesua, an ikasampulo si Secanias, 12 an ika-11 si Eliasib, an ika-12 si Jakim, 13 an ika-13 si Hupa, an ika-14 si Jesebeab, 14 an ika-15 si Bilga, an ika-16 si Imer, 15 an ika-17 si Hezir, an ika-18 si Hapizez, 16 an ika-19 si Petahias, an ika-20 si Jehezkel, 17 an ika-21 si Jakin, an ika-22 si Gamul, 18 an ika-23 si Delaias, asin an ika-24 si Maazias.

19 Iyan an areglo kan saindang mga katungdan sa paglilingkod+ pag malaog sinda sa harong ni Jehova sigun sa pamamaagi na itinao ni Aaron na saindang apuon, arog kan ipinagbuot sa saiya ni Jehova na Diyos kan Israel.

20 Asin ini an iba pa sa mga Levita: hali sa mga aki ni Amram,+ si Subael;+ hali sa mga aki ni Subael, si Jehdeias; 21 hali sa mga aki ni Rehabias,+ si Issias na pamayo; 22 hali sa mga Izarita, si Selomot;+ hali sa mga aki ni Selomot, si Jahat; 23 asin hali sa mga aki ni Hebron, si Jerias+ an pamayo, an ikaduwa si Amarias, an ikatulo si Jahaziel, an ikaapat si Jekameam; 24 hali sa mga aki ni Uziel, si Mikas; hali sa mga aki ni Mikas, si Samir. 25 An tugang ni Mikas iyo si Issias; hali sa mga aki ni Issias, si Zacarias.

26 An mga aki ni Merari+ iyo si Mahli asin Musi; hali sa mga aki ni Jaazias, si Beno. 27 Sa mga aki ni Merari: hali ki Jaazias, si Beno, Soham, Zaccur, asin Ibri; 28 hali ki Mahli, si Eleazar na mayong aking lalaki;+ 29 hali sa mga aki ni Kis, si Jerameel; 30 asin an mga aki ni Musi iyo si Mahli, Eder, asin Jerimot.

Sinda an mga aki ni Levi sigun sa saindang mga angkan. 31 Nagburunutan+ man sinda sa atubangan ni Hading David, ni Zadok, ni Ahimelec, asin kan mga pamayo kan mga angkan kan mga saserdote asin mga Levita, arog kan ginibo kan saindang mga tugang na mga aki ni Aaron. Kun manungod sa mga angkan, pareho lang an pagtratar sa pamayo asin sa mas hoben niyang tugang.

25 Isinuway man ni David asin kan mga namamayo sa mga grupo kan mga naglilingkod sa templo an nagkapira sa mga aki ni Asaf, Heman, asin Jedutun+ para maglingkod paagi sa pagpropesiya mantang nagtutugtog nin mga arpa, mga instrumentong de-kuwerdas,+ saka mga simbal.+ Ini an lista kan mga lalaking inasignaran para sa arog kaining paglilingkod: 2 hali sa mga aki ni Asaf, si Zaccur, Jose, Netanias, asin Asarela. Sinda an mga aki ni Asaf na nasa panginginot ni Asaf, na nagpopropesiya sa irarom kan paggiya kan hadi. 3 Hali sa mga aki ni Jedutun,+ si Gedalias, Zeri, Jesaias, Simei, Hasabias, asin Matitias.+ Anom sinda na nasa panginginot kan saindang ama na si Jedutun, na nagpopropesiya mantang nagtutugtog nin arpa asin nagpapasalamat saka nag-uumaw ki Jehova.+ 4 Hali sa mga aki ni Heman,+ si Bukias, Matanias, Uziel, Sebuel, Jerimot, Hananias, Hanani, Eliata, Gidalti, Romamti-ezer, Josbekasa, Maloti, Hotir, asin Mahaziot. 5 Sinda gabos mga aki ni Heman, an bisyonaryo kan hadi sa mga bagay may koneksiyon sa tunay na Diyos para sa saiyang ikakamuraway;* kaya tinawan kan tunay na Diyos si Heman nin 14 aking lalaki asin 3 aking babayi. 6 Gabos sinda nasa panginginot kan saindang ama sa pagkanta sa harong ni Jehova, mantang nagtutugtog nin mga simbal, mga instrumentong de-kuwerdas, saka mga arpa+ para sa paglilingkod sa harong kan tunay na Diyos.

Nasa irarom kan paggiya kan hadi si Asaf, Jedutun, asin Heman.

7 An bilang ninda kaiba na an saindang mga tugang na mga sinanay sa pagkanta para ki Jehova, 288; asin gabos sinda eksperto. 8 Kaya gabos sinda nagburunutan+ para sa magigin asignasyon ninda—hoben man o gurang, eksperto na o nag-aadal pa sana.

9 An inot na nabunot iyo si Jose na hali sa mga aki ni Asaf,+ an ikaduwa si Gedalias+ (siya asin an saiyang mga tugang saka mga aki, 12); 10 an ikatulo si Zaccur,+ an saiyang mga aki asin mga tugang, 12; 11 an ikaapat si Izri, an saiyang mga aki asin mga tugang, 12; 12 an ikalima si Netanias,+ an saiyang mga aki asin mga tugang, 12; 13 an ikaanom si Bukias, an saiyang mga aki asin mga tugang, 12; 14 an ikapito si Jesarela, an saiyang mga aki asin mga tugang, 12; 15 an ikawalo si Jesaias, an saiyang mga aki asin mga tugang, 12; 16 an ikasiyam si Matanias, an saiyang mga aki asin mga tugang, 12; 17 an ikasampulo si Simei, an saiyang mga aki asin mga tugang, 12; 18 an ika-11 si Azarel, an saiyang mga aki asin mga tugang, 12; 19 an ika-12 si Hasabias, an saiyang mga aki asin mga tugang, 12; 20 an ika-13 si Subael,+ an saiyang mga aki asin mga tugang, 12; 21 an ika-14 si Matitias, an saiyang mga aki asin mga tugang, 12; 22 an ika-15 si Jeremot, an saiyang mga aki asin mga tugang, 12; 23 an ika-16 si Hananias, an saiyang mga aki asin mga tugang, 12; 24 an ika-17 si Josbekasa, an saiyang mga aki asin mga tugang, 12; 25 an ika-18 si Hanani, an saiyang mga aki asin mga tugang, 12; 26 an ika-19 si Maloti, an saiyang mga aki asin mga tugang, 12; 27 an ika-20 si Eliata, an saiyang mga aki asin mga tugang, 12; 28 an ika-21 si Hotir, an saiyang mga aki asin mga tugang, 12; 29 an ika-22 si Gidalti,+ an saiyang mga aki asin mga tugang, 12; 30 an ika-23 si Mahaziot,+ an saiyang mga aki asin mga tugang, 12; 31 asin an ika-24 si Romamti-ezer,+ an saiyang mga aki asin mga tugang, 12.

26 Ini an mga dibisyon kan mga bantay sa trangkahan:+ hali sa mga Korahita, si Meselemias+ na aki ni Kore na gikan sa mga aki ni Asaf. 2 Ini an mga aki ni Meselemias: an panganay iyo si Zacarias, an ikaduwa si Jediael, an ikatulo si Zebadias, an ikaapat si Jatniel, 3 an ikalima si Elam, an ikaanom si Jehohanan, asin an ikapito si Elieho-enai. 4 Asin ini an mga aki ni Obed-edom: an panganay iyo si Semaias, an ikaduwa si Jehozabad, an ikatulo si Joa, an ikaapat si Sacar, an ikalima si Netanel, 5 an ikaanom si Amiel, an ikapito si Isacar, asin an ikawalo si Peuletai; huling biniyayaan siya nin Diyos.

6 An aki niyang si Semaias may mga aki na mga pamayo kan saindang angkan, huling makukusog sinda asin may kakayahan na mga lalaki. 7 An mga aki ni Semaias iyo si Otni, Refael, Obed, asin Elzabad; asin mga tugang niya si Elihu asin Semakias na may kakayahan man na mga lalaki. 8 Sinda gabos mga gikan ni Obed-edom; may kakayahan na mga lalaki sinda pati an saindang mga aki saka mga tugang asin mga kuwalipikado sinda sa paglilingkod; 62 sindang gikan ki Obed-edom. 9 May mga aki asin mga tugang si Meselemias,+ 18 may kakayahan na lalaki. 10 Si Hosa na gikan sa mga aki ni Merari may mga aki man. Si Simri an pamayo, huling dawa bako siya an panganay, siya an ninombrahan kan saiyang ama na magin pamayo, 11 an ikaduwa si Hilkias, an ikatulo si Tebalias, asin an ikaapat si Zacarias. An mga aki asin mga tugang ni Hosa 13 gabos.

12 Sa mga dibisyon na ini nin mga bantay sa trangkahan, an mga namamayo may mga obligasyon man sa paglilingkod sa harong ni Jehova arog kan saindang mga tugang. 13 Kaya nagburunutan+ sinda, sadit man o dakula an saindang mga angkan, para maaraman kun kiisay mapapaduman an kada trangkahan. 14 Kan magburunutan, napaduman ki Selemias an trangkahan sa sirangan. Nagburunutan sinda para sa saiyang aki na si Zacarias, na sarong mapagmansay na parakonseho, asin napasaiya an trangkahan sa norte. 15 Napaduman ki Obed-edom an trangkahan sa timog, asin sa saiyang mga aki+ iinasignar an mga bodega. 16 Napaduman ki Supim asin Hosa+ an trangkahan sa sulnupan, harani sa Trangkahan nin Saleket sa may patukad na tinampo. Ipinuwesto an sarong grupo nin mga bantay katangod nin saro pang grupo nin mga bantay. 17 Sa sirangan, anom na Levita an nagbabantay; sa norte, apat kada aldaw, asin sa timog, apat kada aldaw; asin manduwa-duwa sa mga bodega;+ 18 para sa portiko sa sulnupan, apat an nagbabantay sa may tinampo+ asin duwa sa portiko. 19 Iyan an mga dibisyon kan mga bantay sa trangkahan na hali sa mga aki kan mga Korahita asin mga Merarita.

20 Hali sa mga Levita, si Ahias an namamahala sa mga sarayan nin kayamanan sa harong kan tunay na Diyos asin sa mga sarayan kan mga bagay na pinabanal.*+ 21 Sa mga aki ni Ladan: an mga gikan ni Gerson hali sa pamilya ni Ladan, an mga pamayo kan mga angkan ni Ladan na Gersonita iyo si Jehieli+ 22 asin an mga aki ni Jehieli, si Zetam asin an saiyang tugang na si Joel. Sinda an namamahala sa mga sarayan nin kayamanan sa harong ni Jehova.+ 23 Hali sa mga Amramita, mga Izarita, mga Hebronita, asin mga Uzielita,+ 24 si Sebuel, na aki ni Gersom na aki ni Moises, sarong lider na namamahala sa mga bodega. 25 An saiyang mga tugang, na mga gikan ni Eliezer,+ iyo si Rehabias,+ Jesaias, Joram, Zicri, asin Selomot. 26 An Selomot na ini asin an saiyang mga tugang an namamahala sa gabos na sarayan kan mga bagay na pinabanal,+ na pinabanal ni Hading David,+ kan mga pamayo nin mga angkan,+ kan mga namamayo nin manangribo saka nin mananggatos, asin kan mga pamayo kan hukbo. 27 Nagpabanal sinda nin mga bagay hali sa mga giyera+ asin hali sa samsam+ tanganing gamiton sa pagmentenar sa harong ni Jehova; 28 ipinamahala man sa sainda an gabos na pinabanal ni Samuel na tagasabot,*+ ni Saul na aki ni Kis, ni Abner+ na aki ni Ner, asin ni Joab+ na aki ni Zeruia.+ An ano man na pinabanal, dawa nin siisay man, ipinamahala ki Selomit asin sa saiyang mga tugang.

29 Hali sa mga Izarita,+ si Kenanias asin an saiyang mga aki inasignaran nin mga katungdan sa pag-administrar sa luwas kan harong nin Diyos, bilang mga opisyal asin mga magseserbing hukom+ sa Israel.

30 Hali sa mga Hebronita,+ si Hasabias asin an saiyang mga tugang, 1,700 na may kakayahan na lalaki, an inasignaran sa rehiyon kan Israel na nasa sulnupan kan Jordan tanganing mamahala para sa gabos na gibuhon ni Jehova asin para sa paglilingkod sa hadi. 31 Hali sa mga gikan sa angkan ni Hebron, si Jeria+ an pamayo. Kan ika-40 taon kan paghadi ni David,+ naghanap nin mga matitibay saka may kakayahan na mga lalaki sa mga Hebronita, asin nakahanap nin mga arog kaiyan na lalaki sa Jazer+ sa Gilead. 32 An 2,700 na tugang niya mga may kakayahan na lalaki asin mga pamayo kan mga angkan. Kaya inasignaran sinda ni David na mamahala sa mga Rubenita, mga Gadita, asin sa kabanga kan tribo ni Manases para sa lambang bagay may koneksiyon sa tunay na Diyos asin sa hadi.

27 Ini an bilang kan mga Israelita, an mga pamayo nin mga angkan, an mga namamayo nin manangribo saka nin mananggatos,+ asin an mga opisyal ninda na naglilingkod sa hadi+ may koneksiyon sa mga dibisyon ninda na nagsusurusalida* bulan-bulan kada taon; may 24,000 na suldados sa kada dibisyon.

2 Si Jasobeam+ na aki ni Zabdiel an pamayo kan inot na dibisyon na naglilingkod sa inot na bulan, asin igwa nin 24,000 na suldados sa dibisyon niya. 3 Gikan siya ki Perez,+ asin siya an pamayo kan gabos na namamayo kan mga grupong inasignaran na maglingkod sa inot na bulan. 4 Si Dodai+ na Ahohita+ an pamayo kan ikaduwang dibisyon na naglilingkod sa ikaduwang bulan. Si Miklot an lider, asin igwa nin 24,000 na suldados sa dibisyon niya. 5 Si Benaias+ na aki ni Jehoiada+ na panginot na saserdote an pamayo kan ikatulong dibisyon na inasignaran na maglingkod sa ikatulong bulan, asin igwa nin 24,000 na suldados sa dibisyon niya. 6 An Benaias na ini saro sa matitibay na parapakilaban kan treynta asin siya an namamayo kan treynta, asin an saiyang aki na si Amizabad an lider sa saiyang dibisyon. 7 Si Asahel+ na tugang ni Joab+ an pamayo kan ikaapat na dibisyon na naglilingkod sa ikaapat na bulan, asin an saiyang aki na si Zebadias an kasunod niya, asin igwa nin 24,000 na suldados sa dibisyon niya. 8 Si Samhut na Izrahita an pamayo kan ikalimang dibisyon na naglilingkod sa ikalimang bulan, asin igwa nin 24,000 na suldados sa dibisyon niya. 9 Si Ira+ na aki ni Ikes na Tekoita+ an pamayo kan ikaanom na dibisyon na naglilingkod sa ikaanom na bulan, asin igwa nin 24,000 na suldados sa dibisyon niya. 10 Si Helez+ na Pelonita na gikan sa mga Efraimita an pamayo kan ikapitong dibisyon na naglilingkod sa ikapitong bulan, asin igwa nin 24,000 na suldados sa dibisyon niya. 11 Si Sibecai+ na Husatita na gikan sa mga Zerahita+ an pamayo kan ikawalong dibisyon na naglilingkod sa ikawalong bulan, asin igwa nin 24,000 na suldados sa dibisyon niya. 12 Si Abi-ezer+ na Anatotita+ na gikan sa mga Benjaminita an pamayo kan ikasiyam na dibisyon na naglilingkod sa ikasiyam na bulan, asin igwa nin 24,000 na suldados sa dibisyon niya. 13 Si Maharai+ na Netofatita na gikan sa mga Zerahita+ an pamayo kan ikasampulong dibisyon na naglilingkod sa ikasampulong bulan, asin igwa nin 24,000 na suldados sa dibisyon niya. 14 Si Benaias+ na Piratonita na gikan sa mga aki ni Efraim an pamayo kan ika-11 dibisyon na naglilingkod sa ika-11 bulan, asin igwa nin 24,000 na suldados sa dibisyon niya. 15 Si Heldai na Netofatita na gikan ni Otniel an pamayo kan ika-12 dibisyon na naglilingkod sa ika-12 bulan, asin igwa nin 24,000 na suldados sa dibisyon niya.

16 Ini an mga lider kan mga tribo nin Israel: Sa mga Rubenita, si Eliezer na aki ni Zicri; sa mga Simeonita, si Sefatias na aki ni Maaca; 17 sa tribo ni Levi, si Hasabias na aki ni Kemuel; sa mga gikan ni Aaron, si Zadok; 18 sa tribo ni Juda, si Elihu+ na saro sa mga tugang ni David; sa tribo ni Isacar, si Omri na aki ni Miguel; 19 sa tribo ni Zebulon, si Ismaias na aki ni Obadias; sa tribo ni Neftali, si Jerimot na aki ni Azriel; 20 sa mga Efraimita, si Hosea na aki ni Azazias; sa kabanga kan tribo ni Manases, si Joel na aki ni Pedaias; 21 sa kabanga kan tribo ni Manases sa Gilead, si Iddo na aki ni Zacarias; sa tribo ni Benjamin, si Jaasiel na aki ni Abner;+ 22 asin sa tribo ni Dan, si Azarel na aki ni Jeroham. Sinda an mga pamayo* kan mga tribo nin Israel.

23 Dai binilang ni David an mga 20 anyos pababa, huling nanuga si Jehova na papadakulon niya an Israel arog kan mga bituon sa kalangitan.+ 24 Pinunan ni Joab na aki ni Zeruia an pagbilang, pero dai niya ini tinapos; asin naanggot an Diyos sa Israel* huli kan ginibong pagbilang.+ Asin an kabilangan dai irinekord sa libro nin kasaysayan ni Hading David.

25 Si Azmavet na aki ni Adiel an namamahala sa mga sarayan nin kayamanan kan hadi.+ Si Jonathan na aki ni Uzias an namamahala sa mga bodega* na yaon sa mga kalangtadan, sa mga siyudad, sa mga baryo, asin sa mga tore. 26 Si Ezri na aki ni Kelub an namamahala sa mga trabahador na parauma kan daga. 27 Si Simei na taga Rama an namamahala sa mga ubasan; si Zabdi na Sifmita an namamahala sa ani kan mga ubasan para sa suplay nin arak. 28 Si Baal-hanan na Gederita an namamahala sa mga tanuman nin olibo saka sa mga puon nin sikomoro+ sa Sefela;+ si Joas an namamahala sa suplay nin lana. 29 Si Sitrai na taga Saron+ an namamahala sa mga aripumpon nin mga baka na nagsasabsab sa Saron, asin si Safat na aki ni Adlai an namamahala sa mga aripumpon nin mga baka na nasa mga kapatagan sa kababan.* 30 Si Obil na Ismaelita an namamahala sa mga kamelyo; si Jehdeias na Meronotita an namamahala sa mga asno.* 31 Si Jaziz na Hagrita an namamahala sa mga aripumpon nin mga karnero saka kanding. Sinda gabos an namamahala sa mga pagsadiri ni Hading David.

32 Si Jonathan,+ na pamangkin ni David, sarong parakonseho, sarong lalaking may pakasabot asin sarong sekretaryo. Si Jehiel na aki ni Hakmoni an nag-aasikaso sa mga aki kan hadi.+ 33 Si Ahitofel+ an parakonseho kan hadi, asin si Husai+ na Arkita an amigo* kan hadi. 34 Si Jehoiada na aki ni Benaias+ asin si Abiatar+ an nagsalida ki Ahitofel; asin si Joab+ an pamayo kan hukbo kan hadi.

28 Dangan tinipon ni David sa Jerusalem an gabos na halangkaw na opisyal* kan Israel: an mga pamayo* kan mga tribo, an mga pamayo kan mga dibisyon+ na naglilingkod sa hadi, an mga namamayo nin manangribo saka an mga namamayo nin mananggatos,+ an mga namamahala sa gabos na pagsadiri asin mga ataman na hayop kan hadi+ saka kan saiyang mga aki,+ pati man an mga opisyal kan palasyo asin an gabos na matitibay saka may kakayahan na lalaki.+ 2 Dangan nagtindog si Hading David asin nagsabi:

“Magdangog kamo, mga tugang ko asin kahimanwa ko. Mawot kan puso ko na magtugdok nin harong na magigin irukan kan kaban kan tipan ni Jehova saka magigin tungtungan kan satong Diyos,+ asin naggibo ako nin mga preparasyon tanganing itugdok iyan.+ 3 Pero sinabi sako kan tunay na Diyos, ‘Bako ika an matugdok kan harong para sa sakong pangaran,+ huling dakul kang inagihan na giyera asin nagpabulos ka nin dugo.’+ 4 Alagad sa bilog na pamilya* kan sakong ama, ako an pinili ni Jehova na Diyos kan Israel na magin hadi sa Israel sagkod lamang,+ huling pinili niya an Juda na magin lider,+ asin sa tribo* ni Juda, pinili niya an pamilya kan sakong ama,+ asin sa mga aki kan sakong ama, ako an nauyunan niyang gibuhon na hadi sa bilog na Israel.+ 5 Asin sa gabos kong aki—huling tinawan ako ni Jehova nin dakul na aki+—pinili niya an aki kong si Solomon+ na iyo an tumukaw sa trono kan pagigin hadi ni Jehova sa Israel.+

6 “Sinabi niya sako, ‘An aki mong si Solomon an matugdok kan sakong harong saka mga patyo, ta pinili ko siya na magin sakuyang aki asin ako magigin saiyang ama.+ 7 Eestablisaron ko nin marigon an saiyang pagkahadi+ sagkod lamang kun determinado niyang susunudon an sakong mga tugon saka mga ipinapautob na desisyon,*+ arog kan ginigibo niya sa ngunyan.’ 8 Kaya sinasabi ko sa atubangan kan bilog na Israel, na kongregasyon ni Jehova, asin sa atubangan kan satong Diyos: Maingat nindong sunudon asin siyasaton an gabos na tugon ni Jehova na saindong Diyos, tanganing magdanay kamo sa marahay na dagang ini+ asin maipasa ini bilang permanenteng pamana sa saindong mga aki.

9 “Asin ika, aki kong Solomon, midbida an Diyos kan saimong ama asin maglingkod ka sa saiya nin bilog na puso*+ asin may maugmang* kalag,* huling sinisiyasat ni Jehova an gabos na puso,+ asin nasasabutan niya an lambang ingklinasyon kan mga kaisipan.+ Kun hahanapon mo siya, itutugot niyang manumpungan mo siya,+ pero kun babayaan mo siya, isisikwal ka niya sagkod lamang.+ 10 Pag-isipan mo ining marhay, ta ika an pinili ni Jehova na magtugdok nin harong na sarong santuwaryo. Kusugi an buot mo asin humiro ka na.”*

11 Dangan itinao ni David sa aki niyang si Solomon an arkitektural na plano+ kan portiko+ asin kan mga kuwarto, kan mga bodega, kan mga kuwarto sa bubungan, kan tagong mga kuwarto, asin kan harong para sa takop na pampagian nin buot.*+ 12 Itinao niya sa saiya an arkitektural na plano kan gabos na ipinasabong sa saiya kan espiritu nin Diyos para sa mga patyo+ kan harong ni Jehova, para sa gabos na kuwartong kakanan na nakapalibot digdi, para sa mga sarayan nin kayamanan sa harong kan tunay na Diyos, asin para sa mga sarayan kan mga bagay na pinabanal;*+ 13 asin ininstruksiyunan niya siya manungod sa mga dibisyon kan mga saserdote+ saka mga Levita, sa gabos na gibuhon nin paglilingkod sa harong ni Jehova, asin sa gabos na kagamitan na gagamiton sa paglilingkod sa harong ni Jehova; 14 siring man an manungod sa timbang kan bulawan para sa gabos na bulawan na kagamitan na gagamiton sa manlain-lain na paglilingkod, asin sa timbang kan plata para sa gabos na platang kagamitan, asin sa gabos na kagamitan na gagamiton sa manlain-lain na paglilingkod; 15 asin an manungod sa timbang kan bulawan na mga kandelero+ saka mga bulawan na ilawan kaini, sa timbang kan manlain-lain na kandelero saka mga ilawan kaini, asin sa timbang kan mga platang kandelero, para sa kada kandelero saka mga ilawan kaini sigun sa gamit kan mga ini; 16 pati an manungod sa timbang kan bulawan na gagamiton sa mga lamesa para sa patong-patong na tinapay,*+ para sa kada lamesa, siring man an manungod sa timbang kan plata para sa platang mga lamesa, 17 asin sa purong bulawan na mga tinidor, mga mangko, saka mga pitsel, asin sa timbang kan saradit na bulawan na mangko,+ para sa kada sadit na mangko, saka sa timbang kan saradit na platang mangko, para sa kada sadit na mangko. 18 Sinabi man niya kun ano an timbang kan dinalisay na bulawan na gagamiton sa altar para sa insenso+ asin sa nagrerepresentar sa karwahe,+ an buot sabihon, an mga bulawan na kerubin+ na nakabuka an mga pakpak asin nalilindungan an kaban kan tipan ni Jehova. 19 Nagsabi si David: “Giniyahan ako ni* Jehova, asin tinawan niya ako nin pakasabot tanganing maisurat ko an gabos na detalye kan arkitektural na plano.”+

20 Dangan sinabi ni David sa aki niyang si Solomon: “Kusugi an buot mo asin magpakakusog ka saka humiro ka na.* Dai ka matakot o makubhanan, huling nasa kaibanan mo an Diyos na Jehova na sakuyang Diyos.+ Dai ka niya babayaan o papabayaan,+ kundi aantabayanan ka niya sagkod na matapos an gabos na trabaho para sa harong ni Jehova. 21 Asin uni an mga dibisyon kan mga saserdote+ saka kan mga Levita+ para sa gabos na paglilingkod sa harong kan tunay na Diyos. Kaibanan mo an andam na mga ekspertong trabahador na magsasagibo kan lambang klase nin paglilingkod,+ siring man an mga pamayo*+ saka an bilog na banwaan na magibo kan gabos na instruksiyon mo.”

29 Sinabi ngunyan ni Hading David sa bilog na katiripunan:* “An aki kong si Solomon na pinili nin Diyos,+ hoben pa asin dai pang eksperyensiya,*+ asin dakula an trabaho, huling an templo* na ini bakong para sa tawo kundi para sa Diyos na Jehova.+ 2 Asin ginibo ko an gabos kong makakaya tanganing iandam para sa harong kan sakuyang Diyos an bulawan para sa mga bagay na gibo sa bulawan, an plata para sa mga bagay na gibo sa plata, an tanso para sa mga bagay na gibo sa tanso, an lansang para sa mga bagay na gibo sa lansang,+ an mga kahoy+ para sa mga bagay na gibo sa kahoy, an mga batong onyx, asin an mga batong isesemento, an makukulor saka saradit na batong pandekorasyon, an gabos na klase nin mamahalon na gapo, asin an dakulon na gapong alabastro. 3 Asin huling ikinakaugma kong marhay an harong kan sakuyang Diyos,+ itinatao ko man para sa harong kan sakuyang Diyos an sadiri kong mga kayamanan,+ bulawan asin plata, bilang dagdag sa gabos na naiandam ko na para sa banal na harong; 4 kaiba an 3,000 na talentong* bulawan hali sa Ofir+ saka an 7,000 na talentong dinalisay na plata, na gagamiton na pangkalupkop sa mga lanob kan mga kuwarto,* 5 an bulawan para sa mga bagay na gibo sa bulawan saka an plata para sa mga bagay na gibo sa plata, asin para sa gabos na gigibuhon kan mga ekspertong trabahador. Ngunyan, siisay sa saindo an gikan sa buot na matao nin regalo ki Jehova ngunyan na aldaw?”+

6 Kaya gikan sa buot na nagrani an mga pamayo* kan mga angkan, an mga pamayo* kan mga tribo nin Israel, an mga namamayo nin manangribo saka nin mananggatos,+ asin an mga namamahala sa mga gibuhon kan hadi.+ 7 Asin nagtao sinda para* sa harong kan tunay na Diyos nin 5,000 na talentong bulawan, 10,000 na daric,* 10,000 na talentong plata, 18,000 na talentong tanso, asin 100,000 na talentong lansang. 8 An siisay man na igwa nin mamahalon na mga bato, itinao an mga iyan sa sarayan nin kayamanan sa harong ni Jehova, na nasa pamamahala ni Jehiel+ na Gersonita.+ 9 Nag-ugma an banwaan huli sa mga gikan-sa-buot na dulot na ini na saindang itinao, huling itinao ninda an mga iyan ki Jehova nin bilog na puso,+ asin nag-ugma man na marhay an hading si David.

10 Dangan inumaw ni David si Jehova sa atubangan kan bilog na katiripunan. An sabi ni David: “Pag-umawon ka lugod, O Jehova na Diyos ni Israel na samuyang ama, sa bilog na panahon na daing kasagkudan.* 11 Saimo, O Jehova, an kadakulaan,+ an kakusugan,+ an kagayunan, an kamurawayan, pati an kamahalan,*+ huling saimo an gabos na bagay sa kalangitan asin sa daga.+ Saimo an kahadian, O Jehova.+ Ika an Saro na ilinalangkaw an sadiri bilang pamayo kan gabos. 12 Hali sa saimo an mga kayamanan saka an kamurawayan,+ asin namamahala ka sa gabos na bagay,+ asin sa saimong kamot igwa nin kapangyarihan+ saka kakusugan,+ asin kaya kan saimong kamot na ibantog+ saka pakusugon an gabos.+ 13 Asin ngunyan, O samuyang Diyos, pinapasalamatan mi ika asin inuumaw an magayon mong pangaran.

14 “Alagad siisay man ako asin siisay man an sakong banwaan para magtao nin mga gikan-sa-buot na dulot na arog kaini? Huling hali sa saimo an gabos na bagay, asin an mga itinao mi sa saimo hali man sana sa sadiri mong kamot. 15 Huling kami mga dayuhan na residente sa atubangan mo asin mga nakikiistar sana, arog kan gabos ming apuon.+ Huling an mga aldaw mi sa ibabaw kan daga garo sarong anino+—mayong paglaom. 16 O Jehova na samuyang Diyos, hali sa sadiri mong kamot an gabos na kayamanan na ini na samong inandam tanganing magtugdok para sa saimo nin harong para sa saimong banal na pangaran, asin gabos ini sadiri mo. 17 Aram kong marhay, O sakuyang Diyos, na sinisiyasat mo an puso+ asin na ikinakaugma mo an integridad.*+ Sa sinseridad* kan sakong puso, gikan sa buot kong idinulot an gabos na bagay na ini, asin ugmahon akong mahiling na an saimong banwaan na yaon digdi nagtao saimo nin mga gikan-sa-buot na dulot. 18 O Jehova, na Diyos ni Abraham, ni Isaac, asin ni Israel, na samong mga apuon, papagdanayon mo sagkod lamang sa puso kan saimong banwaan an pagmawot* asin an kaisipan na ini, asin giyahan mo an saindang puso pasiring sa saimo.+ 19 Asin tabangan mo an aki kong si Solomon na sunudon nin bilog na puso*+ an saimong mga tugon,+ mga pagirumdom, saka mga regulasyon. Tabangan mo siyang magibo an gabos na ini asin maitugdok an templo* na sakong pinag-andaman.”+

20 Dangan sinabi ni David sa bilog na katiripunan: “Umawon nindo ngunyan si Jehova na saindong Diyos.” Asin inumaw kan bilog na katiripunan si Jehova na Diyos kan saindang mga apuon asin nagduko sinda saka naglaob sa atubangan ni Jehova asin kan hadi. 21 Asin kan suminunod na aldaw, nagpadagos sinda na magdulot nin mga atang ki Jehova asin na mag-atang ki Jehova nin mga dulot na pigtututong,+ 1,000 torilyong baka, 1,000 lalaking karnero, 1,000 lalaking kordero, asin an mga dulot na inumon na kaiba kaiyan.+ Dakulon an inatang ninda para sa bilog na Israel.+ 22 Padagos sindang nagkarakan asin nag-irinom sa atubangan ni Jehova kan aldaw na iyan na may dakulang pag-ugma,+ asin sa ikaduwang pagkakataon, iprinoklamar nindang hadi an aki ni David na si Solomon. Asin sa atubangan ni Jehova, linahidan ninda siya na magin lider,+ tapos linahidan man ninda si Zadok na magin saserdote.+ 23 Dangan nagtukaw si Solomon sa trono ni Jehova+ bilang hadi na kasalida kan saiyang amang si David, asin nagin mapanggana siya, asin nagin masinunod sa saiya an gabos na Israelita. 24 Nagpasakop sa hading si Solomon an gabos na pamayo,*+ an matitibay na mga parapakilaban,+ pati an gabos na aki ni Hading David.+ 25 Asin pinabantog na marhay ni Jehova si Solomon sa atubangan kan bilog na Israel asin tinawan niya siya nin pambihirang dignidad bilang hadi na dai pa nakamtan nin siisay man na nagin hadi sa Israel.+

26 Kaya naghadi sa bilog na Israel si David na aki ni Jesse, 27 asin an lawig* kan paghadi niya sa Israel 40 taon. Naghadi siya nin 7 taon sa Hebron+ asin 33 na taon sa Jerusalem.+ 28 Asin nagadan siyang gurang nang marhay,+ kontento sa halawig niyang buhay,* kayamanan, saka kamurawayan; asin si Solomon na saiyang aki an nagsalida sa saiya bilang hadi.+ 29 Kun manungod sa mga nangyari sa buhay ni Hading David, puon sa kapinunan sagkod sa katapusan, nakasurat iyan sa mga isinurat* ni Samuel na tagasabot,* ni Natan+ na propeta, asin ni Gad+ na bisyonaryo, 30 kaiba an mga nangyari sa bilog na panahon kan saiyang paghadi, an pambihira niyang mga gibo, asin an mga pangyayari may koneksiyon sa saiya asin sa Israel saka sa gabos na nakapalibot na kahadian.