Hapot
● Bago maaprobaran para sa bautismo, gurano maninigong makikabtang sa ministeryo sa langtad an sarong dai pa bautisadong parahayag?
An saro na nakuwalipikar bilang dai pa bautisadong parahayag nakapagpaheling na kan saiyang makosog na kamawotan na magin saro sa mga Saksi ni Jehova. (Sal. 110:3) Liniwat na nia an saiyang kaisipan, gawe asin pamumuhay. Sia regular na nakikiasosyar sa banwaan ni Jehova sa mga pagtiripon kan kongregasyon asin asamblea. (Heb. 10:24, 25) Posible na sia napahiro man sa puso na magkomento sa mga pagtiripon, asin tibaad nagpalista na sa Teokratikong Paadalan sa Pagmiministro.—Sal. 40:9, 10; om p. 73.
Oras na ipaheling nin sarong inaadalan sa Biblia na tunay niang inaapresyar an halaga kan mensahe kan Kahadean, puwede na siang magkapribilehiyo na makikabtang sa ministeryo sa harong-harong. (Mat. 24:14; 28:19, 20; om p. 111) Sa bagay na ini, kapwa an parahayag na nangengenot sa pag-adal asin an kamagurangan kaipuhan na siertohon na an bilog na pamumuhay kan inaadalan kaoyon sa Kristianong mga prinsipyo. Maninigo na sia may tunay na kamawotan na makikabtang sa paghuhulit asin paggibo nin mga disipulo.—Gal. 6:6; w88 11/15 p. 17; om p. 98-9, 174.
Dai man kaipuhan na mahaloy na gayo poon na an sarong inaadalan sa Biblia makuwalipikar bilang parahayag sagkod na sia makapabautismo sa tubig. Mantang kulang pa sia nin eksperyensia sa ministeryo sa publiko, maninigo na sia tawan nin igong panahon na ipaheling na sia determinado na regular asin maigot na makikabtang sa ministeryo sa langtad.—Sal. 40:8; Roma 10:9, 10, 14, 15.
Sa oras na an tawo andam nang pabautismo, posible nanggad na sia regular nang nagdadara kan maogmang bareta sa iba, na labi sa saro o duwang oras an ginagamit sa langtad kada bulan. (w84 6/1 p. 8 par. 2) Siyempre, an personal na kamugtakan kan kada saro na naghahagad nin bautismo maninigong repasohon. An kamagurangan magigiyahan kan itinaong giya sa pahina 174 kan librong Our Ministry: “Sa saindong mamomoton na tabang, an mga nabautismohan mapakokosog asin matatabangan na lumaog sa Kristianong ministeryo, na andam nin igo tanganing magibo an importanteng asignasyon na iyan.”—Mat. 16:24; Juan 4:34; 1 Ped. 2:21.