Pagtiripon na Matabang Sato na Gumibo nin Disipulo
SEMANA NIN OKTUBRE 8-14
10 min: Lokal na mga paisi asin Mga Paisi sa An Satong Ministeryo sa Kahadean. Sangkap daw Kamo Para sa Langtad? Isabi an mga kaipuhan sa bag para sa paglilingkod, kaiba an Biblia, Reasoning From the Scriptures, an pulyetong Good News for All Nations, tract, lapis, presenteng alok asin mga magasin, house-to-house record, asin iba pa. An pagigin nasangkapan sa isip nagkakaipo nin pagrepaso sa mga puntong itatampok sa literatura. Saro pa, arangon an banal na espiritu asin an tabang sa pakanompong sa mga arog-karnero.—Fil. 4:6, 7.
20 min: “Magmaigot sa Pagpalakop kan Mensahe kan Kahadean.” Hapot-simbagan. Pakatapos na mapag-olayan an parapo 7, idemonstrar kun paano iaalok an suskripsion arog kan isinusuherir sa parapo. Gamiton an Topikong Mapag-oolayan. Itampok an pangangaipo na magin maigot sa paglilingkod sa langtad.
15 min: Kakaolayon kan saro sa kamagurangan an pirang arogan na hobenes. Pag-olayan an mayor na mga punto sa librong Young People Ask, kapitulo 17, “Should I Quit School?” Idoon an pangangaipo na giyahan nin mga magurang an saindang mga aki sa pagpili nin kurikulum na matabang sainda na itogdok an saindang ngapit kaiba kan organisasyon nin Dios asin magmaigot sa intereses kan Kahadean.
Kanta 225 asin pantapos na pamibi.
SEMANA NIN OKTUBRE 15-21
10 min: Lokal na mga paisi. Report sa kuwenta asin mga surat sa pagpasalamat sa donasyon. Tawan nin komendasyon an kongregasyon sa pagsuportar sa pankinaban na gibohon.—Tal. 3:9.
20 min: “Magin Alisto sa Pagpopoon nin Pag-adal sa Biblia.” Hapot-simbagan. Tumao nin impormasyon sa kun pira an inaadalan kan kongregasyon. Sa parapo 5, ipaheling kun paano mapoponan an pag-adal sa enot na pagsongko. Idemonstrar an direktang pagdolok, na ginagamit an saro sa mga introduksion sa librong Reasoning, pahina 12 sa temang “Home Bible Study.”
15 min: “We Appreciate the Older Ones!” Pahayag kan saro sa kamagurangan, basado sa impormasyon sa Pebrero 1, 1986, Watchtower, pahina 28-9. Iaplikar sa lokal. Nangorognang puwedeng komentohan an pag-iba sa sainda sa langtad, na nagluluwayluway para sa sainda.—Job 15:10; Tal. 16:31; 1 Tim. 5:1, 2.
Kanta 116 asin pantapos na pamibi.
SEMANA NIN OKTUBRE 22-28
10 min: Lokal na mga paisi. Teokratikong mga Bareta. Ipagirumdom an mga areglo sa paglilingkod sa langtad, na dinadagka an pagsuportar sa paghuhulit kun banggi.
20 min: “Pag-apresyar sa Satong mga Payunir.” Ipakikipag-olay kan paraataman sa paglilingkod an impormasyon sa duwa o tolong payunir. Paluwason an nasa boot kan mga payunir sa kun paano ninda napakosog an iba, asin pakomentohon sinda sa kun ano an nangorognang nakapakosog sa sainda sa lokal. Tawan nin komendasyon an kongregasyon para sa pagsuportar sa mga payunir.
15 min: “Kun Kamo Nagtotokdo, Taruson an Puso.” Pahayag na nagpapaliwanag kan apat na mayor na punto sa Marso 1, 1985, Torrengbantayan, pahina 19-23 (Watchtower, Agosto 1, 1984). Tabangan an mga presente na masabotan an pangangaipo na mangenot sa progresibong mga pag-adal sa Biblia. Komentohan man an kun noarin ipopondo an daing bungang mga pag-adal.
Kanta 121 asin pantapos na pamibi.
SEMANA NIN OKT. 29–NOB. 4
8 min: Lokal na mga paisi. Isadol an pagwaras nin magasin sa Sabado. Duwang haralipot na demonstrasyon, an saro may ipinaheling na interes, an saro naman mayo nin interes sa mga magasin an kagharong pero nagustong basahon an tract. Sa may interes, puwedeng itokdo kan parahayag sa tawo an sinasabi manongod sa lakop sa kinaban na pagtotokdo kan Biblia sa pahina 2 kan An Torrengbantayan o pahina 4 kan Magmata!. An orolay tibaad magbukas kan dalan sa pag-alok nin daing bayad na pag-adal sa Biblia.
15 min: “Pag-aatubang kan Maogmang Bareta—Paagi sa Librong God’s Word.” Hapot-simbagan. Sa pag-oolay sa parapo 4, idemonstrar an isinusuherir na pag-aalok kan librong God’s Word. Kun pinag-oolayan an parapo 5 kan artikulo, ipademonstrar sa payunir an paggamit kan enot na parapo sa pahina 5 sa pag-alok kan libro sa komersial na teritoryo o sa paghuhulit sa tinampo.
22 min: “Umatender sa ‘Malinig na Tataramon’ na Pandistritong Kombension”—Kabtang Uno. Orolay kaiba an mga presente sa parapo 1-15 asin halipot na repaso sa “Mga Pagirumdom sa Pandistritong Kombension.”
Kanta 65 asin pantapos na pamibi.
SEMANA NIN NOBYEMBRE 5-11
10 min: Lokal na mga paisi. Iiba an mga areglo para sa paglilingkod sa langtad sa Sabado asin Domingo. Tumao nin mga suhestion sa kun arin na mga artikulo sa bagong mga magasin an tibaad magustohan nin mga tawo sa lokal na teritoryo.
10 min: Mga Bendisyon sa Pag-aplikar kan Satong Nanonodan. Ipasaysay an inandam nin marhay na mga eksperyensia sa kun paano iinaplikar an mga nanodan asin an mga bendisyon na nag-abot sa mga tawong nag-aplikar kaiyan. Sadolon an gabos na magin alistong iaplikar an mga nanonodan sa mga asamblea, semanal na mga pagtiripon asin sa mga publikasyon kan Sosyedad.
25 min: “Umatender sa ‘Malinig na Tataramon’ na Pandistritong Kombension”—Kabtang Dos. Ipakipag-olay sa mga presente an parapo 16 sagkod 29 kan suplemento. Idoon an mga prinsipyo sa Kasuratan na maninigong gumiya sa satong gawe sa mga kombension. Isadol sa mga tugang na repasohon an suplemento sa mga inaadalan sa Biblia asin tabangan sinda na gumibo nin mga areglo na makaatender.
Kanta 127 asin pantapos na pamibi.