Hapot

● Kun an sarong parahayag minabalyo sa ibang lugar, ano an maninigong gibohon tanganing makatabang sa pagbalyo sa bagong kongregasyon?

Pag-abot nin sarong parahayag sa ibang kongregasyon, an sekretaryo kan kongregasyon maninigong hagadon sa parahayag an ngaran kan dati niang kongregasyon asin an ngaran saka adres kan sekretaryo kan kongregasyon na iyan. Dangan maninigo niang suratan an sekretaryo, na hinahagad an Publisher Record card asin an sarong surat nin pag-introdusir. An sekretaryo na nakaresibi kan kahagadan na ini maninigong sumimbag tolos.​—Helingon an Organized to Accomplish Our Ministry, pahina 104-5.

An parahayag na nagpaplanong bumalyo makatatabang paagi sa pagsierto na nasa saiya an tamang ngaran kan kongregasyon na saiyang babayaan asin an ngaran saka adres kan sekretaryo. Dangan, pag-abot nia sa bagong kongregasyon, an impormasyon na ini puwedeng itao sa sekretaryo duman tangani na makasurat tolos sia. An mga report sa paglilingkod na itinao sa bagong kongregasyon puwedeng sarayon sagkod na maresibi an record card. Dangan an aktibidad kan parahayag puwede nang ibugtak sa record card asin iiba sa masunod na bulanan na report kan kongregasyon.

Sa nagkapirang kaso tibaad aram na kan parahayag an ngaran asin adres kan sekretaryo sa kongregasyon na saiyang babalyohan. Kun siring, dai na kaipuhan na halaton kan kamagurangan an kahagadan. An rekord kan aktibidad kan parahayag asin an surat nin pag-introdusir puwedeng ipadara tolos sa korreo sa sekretaryo kan kongregasyon na pakikiasosyaran kan parahayag.