Pagtiripon na Matabang Sato na Gumibo nin Disipulo
SEMANA NIN HULYO 8-14
10 min: Lokal na mga paisi asin Mga Paisi sa An Satong Ministeryo sa Kahadean.
20 min: “Mapusong Ipaabot an Imbitasyon na ‘Madia!’” Hapot-simbagan na pag-orolay asin mga demonstrasyon. Kobrehan an materyal sa artikulo, na itinatampok an pag-aplikar kan taonan na teksto, an Kapahayagan 22:17. Iatubang an duwang haralipot na demonstrasyon tanganing isuherir an mga paagi kan presenteng alok na brochure sa lokal na teritoryo.
15 min: “Puwede daw Kamong Magin Regular Payunir Magpoon sa Setyembre?” Entusiastikong pahayag nin sarong magurang sa artikulo. Interbiohon an saro o duwa na nag-auxiliary payunir sa taon na ini asin nagpaplanong magpoon sa regular na pagpayunir o kun dai pahiwason an saindang ministeryo sa masunod na taon nin paglilingkod. An mga boot na pumoon sa regular na pagpayunir sa Setyembre maninigong isumitir an mga aplikasyon sa Agosto 1.
Kanta 100 asin pantapos na pamibi.
SEMANA NIN HULYO 15-21
10 min: Lokal na mga paisi. Report sa kuwenta. Basahon an kapahayagan nin pagpahalaga kan Sosyedad sa itinaong pinansial na tabang.
20 min: “Pagpaheling nin Personal na Interes sa Iba.” Hapot-simbagan. Konsideraron kaiba kan kongregasyon kun ano an gigibohon sa lokal tanganing iaplikar an impormasyon.
15 min: Pag-orolay sa “Hapot” na pangengenotan kan paraataman sa paadalan.
Kanta 177 asin pantapos na pamibi.
SEMANA NIN HULYO 22-28
10 min: Lokal na mga paisi. Itampok an saro o duwang punto hale sa bagong mga magasin.
20 min: “Pag-aatubang kan Maogmang Bareta—Dara an mga Magasin sa Parateng Kinokobrehan na Teritoryo.” Hapot-simbagan. Kun kinokonsiderar an parapo 3, magkaigwa nin nag-andam nin marhay na hoben na ginagamit an bagong magasin tanganing idemonstrar kun paano an hoben na mga parahayag makikipag-olay sa mga kagharong asin iatubang an literatura. Puwedeng sabihon: “Marahay na aga. Ako si ______. Napadigdi ako tanganing darahon saindo an nagkapirang mahalagang impormasyon manongod sa [itao an tema o titulo.] Naogma ako sa puntong ini. [Ipaheling an espisipikong punto o ipaliwanag an ilustrasyon.] Iyan nakatabang sako [isaysay kun paano kamo nakinabang], asin sa paghona ko ikaoogma man nindo iyan. Iwawalat ko an mga magasin saindo sa dikit na kontribusyon.”
15 min: “Put God First in Your Family Life!” Pahayag basado sa The Watchtower, na Mayo 15, 1991, pahina 4-7.
Kanta 216 asin pantapos na pamibi.
SEMANA NIN HUL. 29–AG. 4
10 min: Lokal na mga paisi. Teokratikong mga Bareta.
20 min: “Kun Paano Makikinabang an Pamilya sa Index.” Hapot-simbagan na pagkobre sa materyal. Kun kinokonsiderar an parapo 2, ipademonstrar sa mag-agom an paggamit kan Index, na sinisitar an manlaenlaen na subtitulo na nakaiinteres sa irarom kan pangenot na titulong “Marriage.”
15 min: Lokal na pangangaipo o An Kahalagahan kan Impormal na Pagpatotoo. Interbiohon an duwa o tolong parahayag na inako an katotoohan paagi sa impormal na pagpatotoo. Pakosogon an kongregasyon na magin alisto sa mga oportunidad na magpatotoo nin impormal.
Kanta 14 asin pantapos na pamibi.
SEMANA NIN AGOSTO 5-11
10 min: Lokal na mga paisi, iiba an mga areglo sa paglilingkod sa langtad.
20 min: Mag-andam nin Marhay sa Ministeryo sa Langtad. Pahayag nin magurang na epektibo sa paglilingkod sa langtad. Pag-olayan an Efeso 6:18, 19, na nagpapaheling na hinagad ni Pablo sa mga tugang na mamibi tanganing itao saiya an kakayahan na magtaram. Kaipuhan kitang mamibi man para sa sato asin sa lambang saro. Pag-olayan an pangangaipo na mag-iskedyul nin panahon para sa pag-andam, kapwa bilang mga indibiduwal asin bilang grupo nin pamilya. (1 Cor. 14:40) An iba may sesyon sa pagpraktis kaiba an mga bagohan. Dangan, mantang naghuhulit kaiba ninda sa langtad, pinag-oolayan ninda an manlaenlaen na situwasyon na naeksperyensiahan. (sg p. 39, par. 3) Gamiton an librong Reasoning tanganing pag-olayan an mga introduksion na angay sa lokal na teritoryo asin an mga paagi sa pag-atubang sa mga pagtumang. Kun may kasakitan kamo sa ibang kabtang kan ministeryo, iareglo na maghulit kaiba an eksperyensiadong mga parahayag asin mga payunir na nag-ako nin tabang.
15 min: Pahayag sa “Can You Be Happy With Much to Do?” hale sa Mayo 15, 1991 na Watchtower, pahina 28-30.
Kanta 72 asin pantapos na pamibi.