Pag-otob kan Satong Ministeryo sa Kahadean sa Langtad
1 Paagi sa ekspertong pagkapot sa katotoohan, kaya niatong itumba “an mga pangangatanosan asin lambang halangkaw na bagay na pinatitindog tumang sa kaaraman nin Dios.” (2 Cor. 10:5) An Watch Tower Publications Index ginibo tanganing tabangan kita sa bagay na ini.
2 An pangenot na titulo kan mga reperensia sa satong gibong paghuhulit “Field Ministry.” Yaon na gabos dian, pati an satong personal na kaisipan, mga introduksion, pakapanggana sa mga pagtumang, pagdalaw liwat, asin pag-adal sa Biblia. Boot daw nindong iilustrar an sarong punto paagi sa mga duwang magagayon na eksperyensia? Tibaad manompongan nindo an saindong kaipuhan sa irarom kan titulong “Experiences.”
3 May nagreklamo daw na an Biblia nagkakakontrahan, tibaad sinisitar an espisipikong mga bersikulo na garo baga magkakontra? Sa irarom kan “Bible Authenticity,” an mga subtitulong “contradictions” asin “harmony” nagtotokdo sa mga paliwanag sa pagtumang na ini. Sa irarom kan subtitulong “scriptures harmonized,” maheheling nindo an lista nin mga bersikulo na garo mga magkakontra asin an mga reperensia na nagpapaliwanag kaiyan nin malinaw.
4 Sa parate kaipuhan niatong itumba an mga pangangatanosan manongod sa Trinidad, impiernong may kalayo, asin inmortalidad kan kalag. May pangenot na mga titulo para sa kada saro kaini. Sa irarom kan “Trinity” asin “Immortality of the Soul,” maheheling nindo an subtitulong “scriptures misapplied to support.” Itotokdo kamo kaini sa mga pagpaliwanag sa indibiduwal na mga teksto. Igwa man nin arog kaiyan sa irarom kan “Hell,” na may subtitulong “scriptures misinterpreted.”
5 Boot daw nindong makapoon nin pag-adal sa Biblia? O igwa daw kamo nin pag-adal na dai nag-ooswag? Sa irarom kan titulong “Bible studies” yaon an mga subtitulong “starting,” “assisting—,” asin “teaching,” na kada saro may mga reperensia na makatatabang saindong makanompong nin asin mangenot sa maoswag na mga pag-adal sa Biblia. Tanganing matabangan kamong maaraman kun noarin an pinakamarahay na panahon na iontok an pag-adal, helingon an subtitulong “terminating unfruitful” asin “discontinuing.”
6 Boot daw nindong pagmaigotan na maabot an dugang pang mga pribilehiyo sa ministeryo sa langtad? An mga titulong “Full-Time Ministry,” “Auxiliary Pioneers,” “Pioneers,” “Missionaries,” asin “Serving Where Need Is Greater” itinotokdo kamo sa paliwanag kun paano maaabot an siring na mga pasohan asin sa mga eksperyensia nin mga guminibo na kaiyan.
7 An pag-otob sa satong pan-Kahadean na ministeryo sa langtad nagtatao nin dakulang satispaksion. (Juan 4:34) An Index makatatabang saindo mantang kamo nakikikabtang sa magayagayang gibohon na ini.