Hapot

● Gurano kaparate maninigong magkaigwa nin asignasyon an mga estudyante sa Teokratikong Paadalan sa Pagmiministro?

An sarong pangenot na katuyohan kan Teokratikong Paadalan sa Pagmiministro iyo an pagpaoswag sa mga nagpapahayag sa publiko. Sa rason na iyan, an iskedyul nag-aasignar kan kadaklan na pahayag sa mga tugang na lalaki.

Minsan siring, an saro pang mahalagang katuyohan iyo an pagpatood sa gabos na magin epektibong mga parahulit asin paratokdo sa ministeryo. Sa rason na ini, angay para sa mga tugang na babae na magpalista man.

Tanganing makinabang nin lubos sa paadalan, isinusuherir na an mga nagpalista maninigong magkaigwa nin kisuerra sarong asignasyon kada tolong bulan. Kun itinotogot kan lokal na mga kamugtakan, an mga tugang na lalaki puwedeng tawan nin dugang na asignasyon. Dai kaipuhan para sa mga magurang na regular na tinatawan nin pahayag na nagtotokdo asin mga tampok na kabtang kan Biblia na asignaran man kan mga pahayag kan estudyante.

Sa haros kabangang siglo, an Teokratikong Paadalan sa Pagmiministro nakatabang sa minilyon na magkaigwa nin espirituwal na pag-oswag asin manodan kun paano ipahahayag nin mas marahay an saindang sadiri sa pag-aatubang kan mensahe kan Kahadean. An gabos pinakokosog na gamiton nin lubos an makangangalas na probisyon na ini hale ki Jehova Dios. An maninigo niatong katuyohan iyo an ikaatubang an satong sadiri na inooyonan nin Dios, mga paragibo na “mayo nin maninigong ikasopog, na ginagamit an tataramon kan katotoohan sa tamang paagi.”​—2 Tim. 2:15.