Paghihigos sa Pag-otob kan Kabotan nin Dios
1 Nakakokontento nanggad an may katuyohan na paghihigos na nagbubunga kan minamawot na mga resulta. (Ecl. 3:13) Anong gibohon ngonyan an nagtatao kan pinakadakulang kaogmahan ngonyan asin sa ngapit? Saro sana an simbag—an pag-otob kan kabotan nin Dios. An mga dahelan digdi lubos na ipaliliwanag paagi sa mga pahayag, demonstrasyon, asin eksperyensia sa programa kan satong espesyal na aldaw nin asamblea para sa 1992 na taon nin paglilingkod. An tema kan programa “Paghihigos sa Pag-otob kan Kabotan nin Dios.”—Efe. 6:6; 1 Tim. 4:10.
2 Dakol ngonyan an dai kontento huli sa pagkaigwa nin trabaho na dai ninda gusto. Kabaliktaran, an pag-otob sa kabotan ni Jehova sa pag-arog ki Cristo nagtatao nin katuyohan sa satong buhay asin nagpapangyari sato na magibo pati an satong sekular na mga trabaho na may positibong punto-de-vista. Ano an kalabot sa paghihigos sa pag-otob sa kabotan nin Dios? Mapadapit sa paghuhulit asin pagtotokdo, gurano kahalaga na kuyogon an mga paggiya asin suhestion na itinatao kan organisasyon ni Jehova? Ano an pambihirang mga oportunidad para sa mga hobenes na nagkokonsentrar sa pag-otob kan kabotan nin Dios?
3 An mga hapot na ini sisimbagon kan programa, na igwa kan duwang pangenot na pahayag na “Kabotan daw nin Dios an Nagpapalakaw sa Saindong Buhay?” asin “An Katuyohan Niato sa Buhay—Pag-otob sa Kabotan nin Dios.” Iplano na ngonyan na umatender asin lubos na kamtan an espesyal na programang ini.