An Pankahadean na Paadalan sa Pagmiministro Nagtatao nin Teokratikong Edukasyon

Nagsasaabaga an mga magurang nin magabat na paninimbagan. Poon kan 1959, ginibo an mga areglo para sa espesyal na kursong pagsasanay tanganing tabangan sinda na atamanon an magabat na asignasyon na ini. Inimbitaran an ministeryal na mga lingkod na mag-atender sa enot na pangyayari kan 1984.

Poon na gibohon an huring paadalan kan 1989, ginatos na kongregasyon an naporma asin rinibong tugang na lalaki an ibinugtak bilang mga magurang asin ministeryal na lingkod. Siring man, ginibo an organisasyonal na mga pagliliwat. Kaya, an Namamahalang Grupo inareglo na an gabos na magurang asin ministeryal na lingkod sa kongregasyon umatender sa Pankahadean na Paadalan sa Pagmiministro sa Hunyo sa taon na ini. An mga nagbibiyaheng paraataman an mangengenot sa pagtotokdo sa kada sirkito. Makikinabang an gabos na kongregasyon mantang iinaaplikar kan mga magurang asin ministeryal na lingkod an saindang nanodan hale sa paadalan.