Epektibong Enot na mga Pagdalaw
1 An pagpopoon nin pakikipag-olay sa ministeryo tibaad nakaaangat nanggad ta an mga tawo sibot-sibot sa saindang sadiring mga gibohon o igwa nin depinidong mga opinyon dapit sa saindang relihiyon. Ano an puwede niatong isaisip na makatatabang sato na makagibo nin epektibong enot na pagdalaw?
2 Kun iinaalok an Mayo 1 luwas na may artikulong “An Taon na Nakapakubhan sa Kinaban,” puwede nindong sabihon:
◼ “Kadakol kan naghahapot kun taano ta mas maraot an mga kamugtakan ngonyan kisa kan panahon kan saindang apoon. Itinatao kan Biblia an simbag digdi sa Kapahayagan 12:12. [Basahon asin komentohan.] Ipinaheheling kan ebidensia na kita nabubuhay na sa huring mga aldaw poon kan 1914. Boot daw nindong basahon an nagkapira sa ebidensia sa luwas na ini kan An Torrengbantayan?”
3 Puwede nindong iintrodusir an Mayo 15, 1992 na “Watchtower” paagi sa pagtatampok kan hula sa Biblia, na sinasabi:
◼ “Parate na an mga tawo boot na maaraman kun ano an mangyayari sa ngapit, bako daw? Alagad aram daw nindo na solamente an Biblia an nagtatao nin tamang mga hula na perming naootob? Bilang halimbawa ining saro na naheling niatong naotob sa Lucas 21:10, 11. [Basahon asin komentohan.] Sa magasin na ini igwa nin lista nin mga hula sa Biblia na naotob na.” Ipaheling an tsart sa “Bible Prophecies Fulfilled.”
4 An ibang parahayag ginamit an mga tract tanganing makapoon nin mga pag-adal sa Biblia sa enot na pagdalaw.
Kun iinaalok an tract na “Life in a Peaceful New World,” puwede nindong sabihon:
◼ “Mga boluntaryo kami na kataed nindo. Togotan nindo akong itao an tract na ini saindo, na nagpapamidbid kan klase kan samong gibohon. Sa paghona daw nindo magigin pang arog kaiyan an kinaban?” Pakatapos na makakua nin simbag, puwede nindong ipakipag-olay sa tawo an enot na pirang parapo, na itinatampok an Mateo 6:9, 10 asin Salmo 37:29.
5 Isipon nin maingat kun paano nindo iiintrodusir an saindong sadiri. Itinao an ekselenteng mga suhestion sa librong Reasoning sa pahina 9-15. An ekspertong paggamit sa mga introduksion na ini makatatabang na magin epektibo an saindong enot na mga pagdalaw.