Gamiton an mga Tract sa Pag-introdusir kan Librong Greatest Man
1 Durante sa bulan nin Hulyo, gagamiton nin dakol na parahayag an mga tract tanganing pukawon an interes sa librong The Greatest Man Who Ever Lived. An minasunod na mga suhestion magagamit sa paggibo kaini.
2 An Kinaban daw na Ini Magdadanay? An mga tract nagtatabang na maakit an atension kan mga kagharong huli ta ini nagpapaliwanag sa mga tema na personal na nakaaapekto sa sainda.
Halimbawa, puwede nindong sabihon an arog kaini:
◼ “Sa pakikipag-olay sa mga tawo, narisa mi na dakol an nagpapahayag kan saindang paghadit dapit sa . . . [pumili nin presenteng pangyayari sa mga bareta]. Huli sa mga kamugtakan sa kinaban, may mga nag-iisip-isip pa ngani kun an kinaban na ini magdadanay? Ano an saboot nindo dapit dian? [Pasimbagon an kagharong.] May nabasa akong nakapakokosog sa tract na ini na boot kong ihiras sa saimo. [Iabot sa kagharong an tract na An Kinaban daw na Ini Magdadanay? mantang kapot-kapot nindo an sarong kaparehong tract.] Mangnoha kun paano ihinula ni Jesus na . . . ” Basahon sa sarong parapo sa pahina 4 o 5 an paliwanag dapit sa pangyayari na nasambit sa introduksion nindo. Dangan basahon an dugang na impormasyon dapit sa hula ni Jesus sa kapitulo 111 kan librong Greatest Man. Bago maghale, siertohon na magpalataw nin hapot sa sarong tema na mapag-oorolayan sa pagbuwelta nindo.
3 Life in a Peaceful New World: Ano an kahulogan sa saindo kan pamumuhay sa sarong matoninong na bagong kinaban? Sa kadaklan, iniisip nin mga tawo an kawiliwiling tanawon nin magayonon na mga salog asin matoninong na mga kababan, na may magagayon na hayop na iribang namumuhay nin matoninong. Idtong mga naghahadit sa presenteng mga kamugtakan sa kinaban puwedeng makamate na nakararangang marhay an paglaom sa matoninong na bagong kinaban.
4 Andam daw kamong mag-alok nin sarong bagay na nakararanga asin nakaoogma sa saindong kataraed, saindong katrabaho, asin idtong nanonompongan nindo sa pagharongharong?
Sa paggamit kan tract na “Life in a Peaceful New World,” puwede nindong sabihon an arog kaini:
◼ Sa paghona daw nindo posible pa para sa mga tawo na mabuhay nin matoninong siring sa ipinaheheling sa tutob kaining tract? [Pasimbagon an kagharong.] Helinga tabi an ultimong mga tataramon sa primerong parapo sa pahina 2. Ini naghahapot sa Bicol: ‘Pero pangatorogan sana daw, o pantasiya, na tumubod na an mga kamugtakan na ini mangyayari pa sa kinaban?’ [Dangan basahon an sunod na parapo sa tract.] Iyan na kotasyon dapit sa bagong kalangitan asin sarong bagong daga hale sa Biblia, sa 2 Pedro 3:13. Kun puwede nindong kuanon an saindong Biblia, puwede tang basahon an Salmo 104:5 tanganing orog pang manodan an dapit sa ngapit kan daga.” Kun an indibiduwal nagpapaheling nin interes, buksan an librong Greatest Man, sa kapitulo 133.
5 An dugang pang mga pagdalaw liwat kakaipuhanon sa ‘pagbaribi’ kan banhi na ikinatanom. (1 Cor. 3:6, 7) An minasunod na artikulo nagsusuherir kun paano an pag-adal puwedeng maponan sa librong Greatest Man.