Ikonektar an mga Tract sa Ibang Babasahon
1 Sa gabos na magasin na ipinupublikar ngonyan, an Torrengbantayan asin Awake! an solamenteng makatatabang sa sinserong mga parabasa na manompongan an dalan pasiring sa buhay na daing katapusan. Sa pakikipag-olay nindo sa mga tawo durante sa Mayo, ipaheling sainda an pinakabagong mga magasin o saro sa mga brochure kan Sosyedad. An iba tibaad sa enot magpaheling nin kadikit na interes. Sa siring na mga kamugtakan, enot puwede nindong ipakipag-olay an saro o duwang punto sa tract; dangan kun an kagharong nagpapaheling nin dugang pang interes, ikonektar an tract sa magasin o brochure na itinatampok nindo.
2 Puwede nindong sabihon:
◼ “An kadaklan na tawo maoyon na sa kinaban ngonyan, igwa nin mas dakol na problema kisa solusyon. Aram daw nindo na an dakol sa satuyang pinakagrabeng problema ihinula sa Biblia?” Dangan puwede nindong buksan an pahina 4 asin 5 kan tract na An Kinaban daw na Ini Magdadanay? asin ipakipag-olay an nagkapirang problema.
3 Kun itinatampok nindo an Mayo 1 na Torrengbantayan asin an kagharong nagpapaheling nin interes sa binasa nindo sa tract, puwede nindong buksan an artikulong “Kaligtasan sa Kapahayagan ni Jesu-Cristo” asin ipaliwanag kun paano madali nang resolberan ni Jesu-Cristo an gabos na problema nin tawo. O, kun ginagamit an luwas na Mayo 15 puwede nindong gamiton an artikulong “Gurano Kamasasarigan an mga Prediksion sa Biblia?”
4 Kun itinatampok an Mayo 8 na “Awake!,” puwede nindong gamiton an introduksion na itinao sa parapo 2 kan artikulong ini dangan idugang:
◼ “Dakol an naghohorophorop kun baga an pagtitinabangan nin relihiyon asin siensia puwedeng iyo an magin solusyon.” Dangan basahon an angay na punto sa artikulong “Religion and Science—A Poor Mix.”
5 Kun itinatampok an brochure na “Uya!,” puwede kamong gumamit nin laen na pag-atubang:
◼ “Dakol na tawo an naghohorophorop kun ano an nangyayari sa sato kun kita magadan. An iba nagsasabi na nagduduman kita magsalang sa langit o sa impierno; an iba dai segurado. Nakapakokosog liwat sa boot an simbag kan Biblia.” Dangan puwede nindong ipakipag-olay an mga kabtang kan tract na What Hope for Dead Loved Ones? Puwede nindong ipadagos paagi sa pagbukas sa pahina 16 asin 17 kan brochure kun an kagharong nagpapaheling nin interes.
6 Kadakol kan nagkaigwa nin kapangganahan sa paggamit kan tract na Life in a Peaceful New World. Puwede nindong hapoton an kagharong kun maoogma siang mamuhay sa irarom nin mga kamugtakan na ipinaheheling sa tract. Pakasimbag nia, ipaliwanag kun paano maabot an siring katoninong na bagong kinaban. Dangan gamiton an Mayo 1 na Torrengbantayan sa paagi na isinuherir sa parapo 3 kan artikulong ini.
7 Kun kamo bagohan na parahayag, daing duwa-duwa na aapresyaron nindo an simpleng pag-atubang. Taano ta dai kumua nin suplay kan tract na An Kinaban daw na Ini Magdadanay? asin sunodon an mga suhestion na itinao sa enotan sa parapo 2?
8 Dakulang onra na darahon an mensahe nin kaligtasan sa harong nin mga tawo. Sa satuyang paghanap sa ‘mga maninigo,’ gamiton logod niato sa marahay an satong mga tract asin ikonektar iyan sa iba pang babasahon kun nanonompongan an interes.—Mat. 10:13.