Pagtiripon sa Paglilingkod Para sa Abril
Semana nin Abril 6-12
5 min: Lokal na mga paisi. Iilustrar kun paano an espisipikong mga artikulo sa presenteng mga magasin puwedeng gamiton sa pagwaras nin magasin sa Sabado. Isuherir man an mga puntong ipakikipag-olay kun nag-aalok nin suskripsion sa Domingo.
15 min: “Mga Pag-aatubang na Nakakukua nin Simbag.” Pag-oolay nin eksperyensiadong magurang asin duwa o tolong payunir o parahayag. Konsideraron an laen-laen na pagdolok na puwedeng magin praktikal sa lokal na teritoryo. Iareglo na magkaigwa nin sarong presentasyon na ididemonstrar kan duwang miembro sa grupo.
15 min: “An Pinakaimportanteng Aldaw sa 1992.” Hapot-simbagan sa artikulo. Entusiastikong presentasyon na dinadagka an kongregasyon na mamatean an espiritu kan pinakaimportanteng aldaw kan taon. Itampok an kahalagahan kan paggibo nin marahay na mga areglo na makultibar an ipinaheling na interes kan mga tawo na nag-atender sa kaenot-enote sa Memorial. Dagkahon an gabos na parahayag na magin alisto na taratarahon an mga bagohan na ini tanganing maalokan sinda nin pag-aadal sa Biblia kun dai pa nin nagkokondukta sainda. Magkaigwa nin halipot na demonstrasyon kun paano magibo nin makiamigong pagdolok sa siring na nag-atender sa Memorial.
10 min: “Padagos na Gibohon Ini sa Paggirumdom sa Sako.” Pahayag kan nangengenot na paraataman na may partisipasyon an mga nagdadangog. Iiba an materyal sa kahon.
Kanta 15 asin pantapos na pamibi.
Semana nin Abril 13-19
10 min: Lokal na mga paisi asin Mga Paisi sa An Satong Ministeryo sa Kahadean. Dagkahon an mga nagpaplano na mag-auxiliary payunir sa Mayo na kumua nin aplikasyon asin itao tolos iyan. An mga gigibohon an saindang pagtiripon sa paglilingkod bago an Biyernes kaipuhan na itao an ultimong mga detalye nin areglo para sa Memorial kaiba an pagdagka na mag-imbitar nin pinakadakol na posibleng mag-atender.
15 min: “Ipaaram an mga Ginibo ni Jehova.” Hapot-simbagan. Mainit na dagkahon an gabos na makikooperar sa paggibo sa Abril asin Mayo na espesyal na mga bulan nin aktibidad. Interbiohon an saro o duwa na nag-auxiliary payunir ngonyan na bulan asin hapoton sinda kun ano na an saindang namamatean sa saindang gibohon. Pilion idtong nagkaigwa nin marahay na mga resulta sa paglilingkod.
20 min: “Kultibaron an Interes na Daing Pag-atraso.” Hapot-simbagan.
Kanta 19 asin pantapos na pamibi.
Semana nin Abril 20-26
10 min: Lokal na mga paisi. Report sa kuwenta. Iiba an pasasalamat kan Sosyedad sa mga donasyon. Komendaran an mga tugang huli sa pagsunod sa prinsipyo sa Deuteronomio 16:17. Kun igwa nin mga parahayag na dai pa nakaluluwas sa paglilingkod sa bulan na ini, kaipuhan an espesyal na paghihingoa na tabangan sindang makikabtang bago matapos an Abril.
20 min: “Ano an Sasabihon Ko Tanganing Mapukaw an Dugang Pang Interes?” Ipresentar an duwa o tolong inandam nin marhay na demonstrasyon. Pakatapos kan kada saro, hapoton an mga nagdadangog kun taano sa paghona ninda ta magigin epektibo an presentasyon sa pagpapaoswag kan interes nin kagharong.
15 min: “Magdanay na Makosog sa Espirituwal, Malinig Para sa Paglilingkod ki Jehova.” Hapot-simbagan sa parapo 1-7 kan suplemento poon sa pahina 3. Kun pinag-oolayan an parapo 3, sambiton an lokal na nag-atender sa Memorial kan Abril 17 asin analisaron kun paano an kadakol na interesado matatabangan na makaasosyar nin regular asin makuwalipikar bilang mga parahayag kan maogmang bareta sa umaaboton.
Kanta 123 asin pantapos na pamibi.
Semana nin Abr. 27–Mayo 3
10 min: Lokal na mga paisi. Teokratikong mga Bareta. Pinakahuring pagdagka na konsideraron an auxiliary payunir na paglilingkod sa Mayo. Pagirumdomon an gabos na itao tolos-tolos an mga report sa Abril sa katapusan kan bulan tanganing an report kan kongregasyon ikapadara sa Sosyedad dai malihis sa Mayo 6.
15 min: “Magdanay na Makosog sa Espirituwal, Malinig Para sa Paglilingkod ki Jehova.” Hapot-simbagan na pagkonsiderar sa parapo 8-11 kan suplemento kan An Satong Ministeryo sa Kahadean. Idoon an koneksion kan pagigin makosog sa espirituwal asin pagdadanay na malinig tanganing paglingkodan si Jehova, na ginagamit an tolong punto sa parapo 11. Iaplikar sa lokal.
20 min: Pahayag basado sa artikulo sa Watchtower na Nobyembre 1, 1991, “Do You Appreciate Jehovah’s Earthly Organization?” Parigonon an pagtubod asin kompiansa kan kongregasyon sa organisasyon.
Kanta 213 asin pantapos na pamibi.