Ipaaram an mga Ginibo ni Jehova
1 “Ipaaram nindo sa mga banwaan an saiyang mga ginibo. Sambiton nindo na an saiyang ngaran halangkaw . . . , huli ta sia naggibo nin mga bagay na daing kaagid.” (Isa. 12:4, 5) Paano kamo masimbag sa pangapodan na ini? Kun hinohorophorop niato an mga ginibo ni Jehova sato bilang bawaan asin bilang indibiduwal, dai daw napahihiro an satong mga puso na magtaram sa iba? Mga 73 na taon na an nakaagi, pinalibre ni Jehova an saiyang banwaan hale sa pagkaoripon sa Babilonya. Magpoon kan 1919 an tunay na pagsamba inestablisar nin marigon asin nakalakop na ngonyan sa bilog na parte kan daga, sa hiwas na mas dakula kisa kan linalaoman niato. Bilang indibiduwal, makagigibo daw kamo nin orog pa tanganing ipaaram an saiyang mga ginibo asin pahalangkawon an saiyang ngaran?
2 Nagpapagirumdom an panahon kan Memorial nin sarong banal na gibo na mapasasalamatan niato nin daing sagkod. An mga bulan nin Abril asin Mayo espesyalmenteng angay na panahon na ipaheling ki Jehova an satong apresasyon paagi sa paglaog bilang auxiliary payunir.
3 Parate na an mga areglo nagigibo nin marahay kun an mga grupo nin parahayag naglalaog bilang auxiliary payunir. Puwedeng gumibo nin marahay na iskedyul tanganing an gabos igwa nin makaiba, asin an mga tugang na babae na may saradit na aki puwedeng mag-areglo tanganing makapagtinabangan an kada saro. Paagi sa marahay na pagpaplano, dakol an nakaheling na bako man na gayong depisil na aboton an 60 oras na kahagadan. Ini nangangahulogan nin paggamit nin promedyong 2 oras sana kada aldaw o 15 oras kada semana sa ministeryo. An ibang auxiliary payunir nagpapatotoo nin saro o duwang oras bago o pakatapos kan saindang sekular na trabaho asin nagkakaigwa nin mas halabang mga panahon nin paglilingkod sa Sabado asin Domingo.
4 Minsan ngani dai kamo makapag-auxiliary payunir, puwede nindong dagdagan an saindong aktibidad sa paglilingkod sa langtad. Siring man, paagi sa pagtabang sa pamasahe o paggibo na kaiba an mga nagpapayunir, kamo magigin nakapagpapakosog sa sainda. Ano man an magigibo niato tanganing ipaaram an mga ginibo ni Jehova dai makalilihis na dai maheling kan satong mapag-apresyar na Dios.—Mal. 3:16.