Pagtiripon sa Paglilingkod Para sa Hulyo
Semana nin Hulyo 6-12
10 min: Lokal na mga paisi asin angay na Mga Paisi sa An Satong Ministeryo sa Kahadean. Ipakipag-olay an mapag-oolayan na mga punto sa pinakabagong luwas kan mga magasin na magagamit sa paglilingkod sa langtad ngonyan na Sabado asin Domingo.
15 min: “Magtaong Onra sa Kaglalang kan Gabos na Bagay.” Hapot-simbagan. Pukawon an entusiasmo para sa satong pag-alok kan librong Creation ngonyan na bulan. Pag-olayan an manlaenlaen na oportunidad para sa pagpasakamot kan publikasyon, asin espesyalmenteng dagkahon an mga hobenes na darahon iyan sa eskuwelahan. Sa kadaklan na panahon an pagpaheling sana kan libro tama na na maakit an mga kaeskuwela asin maestro. Hapoton an mga nagdadangog para sa iba pang suhestion sa impormal na pagpapasakamot kan libro.
20 min: “Pag-alok kan Librong Creation.” Ipakipag-olay asin idemonstrar an nagkapirang suhestion sa artikulo. Sa sarong demonstrasyon ipaheling kun paano gagamiton an direktang pagdolok sa pagpopoon nin pag-adal. Ipaheling man kun paano an nagkapirang kabtang na sinambit sa parapo 6 magagamit nin epektibo sa paglilingkod sa langtad.
Kanta 225 asin pantapos na pamibi.
Semana nin Hulyo 13-19
10 min: Mga paisi. Andamon nin patienot an duwang regular o auxiliary payunir na magkokomento sa mga introduksion na nanompongan nindang epektibo mientras na nagtatrabaho sa lokal na teritoryo.
20 min: “Have a Self-Sacrificing Spirit!” Pahayag sa artikulo sa Pebrero 1, 1992 na Watchtower, pahina 25-8. Idoon na an pagkakaigwa nin mapagsakripisyo sa sadiring espiritu bakong kun gusto sana kundi Kristianong kahagadan. Dai kita nawawaran paagi sa pagsakripisyo nin materyal na mga bagay asin mga aktibidad sa pag-aling-aling tanganing maghingoa na enoton an intereses kan Kahadean.
15 min: Makikipag-olay an magurang sa nagkapirang arogan na hobenes. Ipakikipag-olay an pangenot na mga punto sa librong Young People Ask, kapitulo 17, “Should I Quit School?” Idoon an pangangaipo sa mga magurang na giyahan an mga hoben sa pagpili nin kurso na makatatabang sainda na makakua nin praktikal na mga kakayahan na makatatabang sainda na ikatogdok an saindang ngapit sa organisasyon nin Dios asin hingoahon an intereses kan Kahadean. Kaipuhan man na magtao nin marahay na halimbawa an mga magurang paagi sa pag-enot kan intereses nin Kahadean asin dai pagtogot sa ano man na bagay na makaolang sa mga pagtiripon asin paglilingkod.
Kanta 61 asin pantapos na pamibi.
Semana nin Hulyo 20-26
10 min: Mga paisi. Sambiton an tampok na kabtang kan nakaaging bulan na report sa paglilingkod, na ikinokomparar iyan sa report kan Pilipinas kan Marso na itinao sa An Satong Ministeryo sa Kahadean na ini. Itao an report sa kuwenta. Komendaran an kongregasyon para sa ginibo sa paglilingkod sa langtad asin sa matinaong pagsuportar sa kongregasyon sa pinansial.
20 min: “Makikakabtang daw Kamo sa Impormal na Pagpapatotoo Ngonyan na Bulan?” Ipakipag-olay asin idemonstrar an mga punto sa artikulo. Idoon an katotoohan na kita mga Saksi ni Jehova sa gabos na panahon, kaya boot niato na humanap nin mga oportunidad na makatao nin pagpapatotoo. Andamon nin patienot an duwang halipot na eksperyensia kun saen an mga indibiduwal naggibo nin impormal na pagpapatotoo na may marahay na mga resulta o kun saen an saro sa kongregasyon nagin interesado sa katotoohan bilang resulta nin impormal na pagpapatotoo.
15 min: Pahayag basado sa artikulo na “Young People Ask . . . Why Should I Study Hard in School?” sa Abril 8, 1992 na luwas kan Awake! Kaipuhan na idoon kan pahayag na ini na an pag-adal sa eskuwelahan bako sanang tanganing makagraduwar o makakua nin halangkaw na mga marka kundi ibinubugtak kaiyan an marahay na pundasyon para sa buhay sa ngapit asin nagtotokdo nin marahay na mga ugale na makatatabang sato sa bilog na panahon na paglilingkod.
Kanta 154 asin pantapos na pamibi.
Semana nin Hulyo 27–Agosto 2
5 min: Mga paisi. Teokratikong mga Bareta. Sa pagkobre kan mga detalye, ikomparar an presenteng report sa impormasyon sa sangang iyan para sa 1986 na taon nin paglilingkod, na makukua sa taonan na report nin paglilingkod sa 1987 Yearbook.
20 min: “Pagpapayunir—Kapahayagan nin Pagkamoot.” Hapot-simbagan. Pakatapos na pag-olayan an parapo 3 asin 4, interbiohon an tolong regular payunir (o mga parahayag na nag-o-auxiliary payunir nin regular o sa panapanahon), na iiniiba, kun igwa, an sarong hoben na regular payunir na nagpayunir tolos pakatapos na mag-eskuwela. Hapoton kun paano ninda iinareglo an mga gibo-gibo tanganing makapayunir, ano an nagpahiro saindang gibohon iyan, anong mga pagsasakripisyo sa materyal an ginibo ninda, asin anong mga bendisyon an naako ninda mientras na naglilingkod bilang mga regular payunir.
20 min: “Pagbabalik na May Pasohan na Makapoon nin Pag-adal sa Biblia.” Pag-orolay asin mga demonstrasyon. Idemonstrar an isinuherir na pag-orolay sa Biblia sa parapo 3. Gamiton an parapo 10-12 sa pahina 238-9 kan librong Creation bilang basihan para sa pagpopoon nin pag-adal sa Biblia. Idoon an kahalagahan kan pagbugtak nin pundasyon sa enot na pagsongko paagi sa pagpalataw nin hapot na sisimbagon sa saindong pagdalaw liwat, na ginigibong pasil an pagpopoon nin pagdalaw liwat.
Kanta 135 asin pantapos na pamibi.
Semana nin Agosto 3-9
10 min: Mga paisi. Magkaigwa nin duwang halipot na demonstrasyon na ipinaheheling kun paano magkakaigwa nin Makakasuratan na pag-orolay kun iinaalok an mga brochure sa paglilingkod sa langtad ngonyan na Sabado asin Domingo. Ianunsiar sa kongregasyon kun arin na mga brochure an makukua sa lokal na magagamit kun ginagamit iyan sa alok sa Agosto asin Setyembre.
15 min: “Apostolic Succession.” An paraataman sa paglilingkod iibahan an sarong payunir sa paggibo nin pagdalaw liwat sa saro na nagpalataw nin hapot na: “Bako daw na an papa kasalihid ni apostol Pedro?” Ibasar an pag-orolay sa librong Reasoning, pahina 37 sagkod sa enot na tema sa pahina 39.
20 min: Lokal na mga pangangaipo. Puwedeng repasohon an mga punto sa programa sa huring pansirkitong asamblea o espesyal na aldaw na asamblea na ikaaaplikar sa lokal. O, an kuwalipikadong magurang puwedeng tumao nin pahayag sa temang, “Exhorting on the Basis of Love” basado sa artikulo sa Abril 15, 1992 na luwas kan The Watchtower, pahina 23-5.
Kanta 167 asin pantapos na pamibi.