Pagtiripon sa Paglilingkod Para sa Agosto
Semana nin Agosto 10-16
10 min: Angay na Mga Paisi sa An Satong Ministeryo sa Kahadean asin ano man na lokal na paisi. Itampok man an duwang espisipikong puntong mapag-oolayan na puwedeng gamiton kun iinaatubang an pinakahuring luwas kan An Torrengbantayan.
20 min: “Itampok an mga Brochure Tanganing Ikahiras an Saindong Paglaom sa Kahadean.” Hapot-simbagan; mga demonstrasyon. Paaramon an kongregasyon dapit sa istak nin mga brochure na makukua, asin humagad nin mga komento hale sa mga nagdadangog manongod sa mga brochure na espesyalmenteng angay para sa lokal na teritoryo. Kun pinag-oolayan an parapo 9, idemonstrar kun paano ikaaalok an angay na brochure sa impormal na pakikipag-olay sa kataed, sa kaiba sa trabaho, o saen man. Mantang itinotogot nin panahon, magkaigwa nin patienot pang iinasignar na mga parahayag na mag-eestorya nin mga eksperyensia ninda sa paggamit kan mga brochure. Mainit na dagkahon an mga tugang na magkaigwa nin lubos na pakihihiras sa pag-aalok kan mga brochure sa Agosto.
15 min: Pambilog na Panahon na Paglilingkod—Sarong Marahay na Oportunidad na Maglakaw Kaiba nin Dios. (Miq. 6:8) An kuwalipikadong magurang o ministeryal na lingkod, mas marahay kun saro na nasa pambilog na panahon na paglilingkod, itatao an nakapakokosog na pahayag sa pagpapayunir. Puwedeng gamiton an eksperyensia kan sarong tugang na babae sa Italia sa artikulong “My Quest for Stardom as a Dancer” sa Hunyo 22, 1992 na Awake! tanganing makadagka sa pagpapayunir. Interbiohon an saro o duwang payunir tanganing kuanon an praktikal na mga suhestion na makatatabang sa mga parahayag sa kongregasyon na odok sa boot na maghorophorop dapit sa pagpapayunir. Marahay na panahon na pumoon sa bagong taon nin paglilingkod. An mga mapoon sa Setyembre 1, 1992, puwedeng makuwalipikar na umatender kan Paadalan sa Paglilingkod Bilang Payunir sa 1993.
Kanta 165 asin pantapos na pamibi.
Semana nin Agosto 17-23
10 min: Lokal na mga paisi. Report sa kuwenta. Teokratikong mga Bareta. Pagirumdomon an kongregasyon manongod sa mga areglo para sa paglilingkod sa langtad.
20 min: “Pagkonektar kan Satong Introduksion sa Literatura.” Halipot na pahayag asin mga demonstrasyon. Iareglo an sarong hoben na parahayag na idemonstrar an Makakasuratan na pag-aatubang na ginagamit an mga suhestion na yaon sa parapo 2. Kun ipinakikipag-olay an Isaias 65:21-23, gamiton an pag-aatubang na sinasabi sa parapo 5. Puwedeng idemonstrar nin saro pang parahayag an pag-alok kan brochure na “Uya!,” na iiniiba an mga suhestion sa parapo 3 asin 4. Sa duwang situwasyon kaipuhan na idoon kan tsirman kun paano an pag-aatubang ikinonektar sa alok na literatura. Sa sarong demonstrasyon ipaheling kun ano an gigibohon kan parahayag kun daing naheheling na partikular na interes sa kagharong. Pagirumdomon an kongregasyon na kumua nin suplay nin mga brochure asin magasin pakatapos kan pagtiripon.
15 min: Mga Hapot Manongod sa Armagedon. Pahayag na kokobrehan an materyal hale sa librong Reasoning, pahina 44-9.
Kanta 137 asin pantapos na pamibi.
Semana nin Agosto 24-30
15 min: Lokal na mga paisi. Ipakipag-olay an report kan kongregasyon sa paglilingkod sa langtad kan Hulyo, na nagtatao nin komendasyon kaiba an kinakaipuhan na pagpapakosog para sa pag-oswag. Itokdo kun paano an paghorophorop sa taonan na teksto kaiba an konteksto nakatatabang sato na manompongan an tunay na kaogmahan mantang kita nakihihiras sa paglilingkod sa langtad asin nakiaasosyar sa kongregasyon. (Roma 12:9-16) Kun itinotogot nin panahon, isuherir an saro o duwang angay na mapag-oolayan na punto para magamit sa paglilingkod sa langtad ngonyan na Sabado asin Domingo.
15 min: “Nag-aalok daw Kamo nin mga Pag-adal sa Biblia?” Hapot-simbagan na sinusundan nin piniling mga eksperyensia na ipinaheheling kun paano an mga pag-aadal sa Biblia mapoponan sa enot na pagsongko o sa pagdalaw liwat.
15 min: Lokal na mga pangangaipo, o interbiohon an tolo o apat na parahayag kun ano an nakaakit sainda sa katotoohan. Puwedeng iiba an ano man na mga kaolangan na kinaipuhan na mapangganahan ninda.
Kanta 184 asin pantapos na pamibi.
Semana nin Ag. 31–Set. 6
10 min: Lokal na mga paisi. “Hapot.” An paraataman sa paglilingkod puwedeng iasignar na kapotan an kabtang na ini.
20 min: “Pagkultibar kan Interes sa Mensahe kan Kahadean.” Pakatapos nin halipot na introduksion, idemonstrar an pagdalaw liwat sa (1) saro na nag-ako nin brochure na Government, (2) saro na nagpaheling nin interes pero dai nag-ako nin literatura, asin (3) saro na nag-ako nin brochure na “Uya!” Sa kada situwasyon ibugtak an pundasyon para sa saro pang pagdalaw liwat.
15 min: Pahayag sa artikulong “Young People Ask . . . Why Do I Have to Be Different?” sa Awake! na Hunyo 8, 1992, pahina 16-18. Kaipuhan na ipanongod ini kan espiker enot sa gabos sa mga hobenes na nag-eeskuwela, na tinatabangan sinda na dai padara sa horot na magin popular sa mga kaeskuwela kundi ipaheling paagi sa saindang marahay na gawe kun paano an sarong tunay na Kristiano minahiro, sa siring inaakit an mga may matanos na kamugtakan nin puso. Pero palatawon man na an pinag-olayan na mga prinsipyo minaaplikar sa gabos na Kristiano, bako sanang sa mga hobenes.
Kanta 157 asin pantapos na pamibi.