Pagtiripon sa Paglilingkod Para sa Pebrero
Semana nin Pebrero 8-14
15 min: Lokal na mga paisi asin Mga Paisi sa An Satong Ministeryo sa Kahadean. Iiba man an pag-orolay sa artikulo sa pahina 3, “Mga Paradara nin Liwanag sa Kataraed.”
20 min: “Ihiras an Tamang Kaaraman sa Pebrero.” Hapot-simbagan. Idemonstrar an paggamit kan bagong tract tanganing iintrodusir an pag-alok kan librong Mabuhay Sagkod Lamang, arog kan isinusuherir sa parapo 2 asin 3.
10 min: “Magigin Espesyal na Bulan daw an Abril Para Saindo?” Pahayag sa artikulo kan paraataman sa paglilingkod. Idoon an pag-atender sa miting sa Domingo, Pebrero 14 kaiba an mga nagpaplanong mag-auxiliary payunir asin palaadon an entusiasmo para sa pag-o-auxiliary payunir durante kan masunod na mga bulan.
Kanta 139 asin pantapos na pamibi.
Semana nin Pebrero 15-21
10 min: Lokal na mga paisi.
20 min: “Madonong na Paggamit kan Kinakaipuhan na mga Instrumento.” Pakatapos kan halipot na introduksion kan tsirman, magkakaigwa nin duwang demonstrasyon na basado sa materyal na itinao sa parapo 2 sagkod 5. Sa konklusyon kan enot na demonstrasyon, manunuga an parahayag na mabalik tanganing simbagon an hapot na, Taano daw ta tinotogotan nin Dios an kasakitan? Sa konklusyon kan ikaduwang demonstrasyon, poponan an pag-adal sa Biblia sa harong paagi sa angay na tract.
15 min: Kun Taano ta Dai Kita Nagsiselebrar nin Kompleanyo. Pag-oolay nin magurang sa kongregasyon asin ilong tin-edyer na lalaki na marahay na halimbawa. Dinolok kan aking lalaki an magurang tanganing humagad nin tabang na maatubang an pangigipit kan saiyang mga kaedad na umatender sa sarong parti nin kompleanyo. Aram nia na iyan sala pero boot nia na ikapaliwanag iyan nin malinaw sa iba. Rirepasohon kan magurang sa aki an impormasyon sa pahina 30-1 kan Setyembre 1, 1992 na Watchtower asin pahina 68-70 kan librong Reasoning.
Kanta 151 asin pantapos na pamibi.
Semana nin Pebrero 22-28
10 min: Lokal na mga paisi. Basahon an report sa kuwenta asin mga pasasalamat kan Sosyedad sa mga donasyon.
20 min: “Paggamit kan Librong Mabuhay Sagkod Lamang sa mga Pagdalaw Liwat.” Hapot-simbagan. Dangan magkaigwa nin duwang demonstrasyon kan isinuherir na mga pag-aatubang sa parapo 3 sagkod 5.
15 min: Kun Taano an mga Kristiano ta Naglilikay sa Dugo. Pahayag kan sarong magurang basado sa kahulogan asin enot na tolong subtema kan “Blood” sa librong Reasoning, pahina 70-2.
Kanta 177 asin pantapos na pamibi.
Semana nin Marso 1-7
5 min: Lokal na mga paisi.
15 min: Pag-alok kan Librong Revelation sa Marso. Pag-orolay sa mapag-oolayan na mga punto asin isinuherir na mga pag-aatubang na puwedeng gamiton sa paglilingkod sa langtad. Puwedeng isuherir an paggamit kan 2 Pedro 3:13 asin Kapahayagan 21:4 kaiba an ilustrasyon asin mga punto sa pahina 302 asin 303 kan librong Revelation. Ipademonstrar ini sa may kakayahan na payunir o parahayag.
15 min: “Puwede daw Kamong Maglingkod ki Jehova Bilang Payunir?” Pag-orolay kaiba an mga nagdadangog. Interbiohon an sarong hoben na regular payunir o sarong parahayag na nagpayunir kan hoben pa. Idoon kun paano an mga magurang asin iba pa puwedeng mapakosog an mga hobenes na aboton an saindang pasohan na pagpapayunir. Planohon na ngonyan na mag-auxiliary payunir sa Abril.
10 min: Pahayag sa temang “Papagdanayon an Tamang Punto-de-Vista sa Pag-aling-aling,” basado sa Nobyembre 8, 1992 na Awake!, pahina 3-10.
Kanta 160 asin pantapos na pamibi.