Magigin Espesyal na Bulan daw an Abril Para Saindo?
1 Parate niatong inaapod an mga bulan nin Marso asin Abril na panahon nin Memorial. Mantang an selebrasyon kan Memorial perming ginigibo sa panahon na ini kan taon, napahihiro an banwaan ni Jehova na dugangan an saindang pakikakabtang sa ministeryo sa langtad bilang mga auxiliary payunir. Asin kadakol sa nakikabtang sa Marso asin Abril an parateng ikinapadadagos an saindang pag-auxiliary payunir sagkod sa Mayo, nangorogna ta ini bakasyon pa sa eskuwelahan.
2 Taano ta dai umatender sa miting sa Pebrero 14 kaiba kan mga nagpaplanong mag-auxiliary payunir sa saindong kongregasyon? Dadagkahon kamo kaini na horophoropon iyan nin odok sa boot, nangorogna kun maheling nindo na kadakol pang iba an nagpaplanong mag-auxiliary payunir. Kun nagpaplano kamong makikabtang sa Marso, maninigo na itao na tolos nindo an saindong aplikasyon pakatapos kan pagtiripon na ini.
3 Minsan an mga dai nakapagpayunir puwedeng gibohon an Marso asin Abril na espesyal na bulan paagi sa pagdugang sa saindang ministeryo sa langtad. Siertong kadakol pa kan gigibohon. Tibaad puwedeng imbitaran kan mga parahayag asin payunir sa kongregasyon an bagong dai pa bautisadong mga parahayag na makiiba sainda sa langtad. Kaipuhan an ekstrang paghihingoa na imbitaran an gabos na interesado sa Memorial sa Abril 6.
4 Kan nakaaging taon nagkaigwa kita nin 7,554 auxiliary payunir kan Marso, 17,009 kan Abril, asin 10,950 kan Mayo. Kadakol kan naponan na bagong pag-adal sa Biblia bilang resulta kan nadugangan na aktibidad na ini. Paagi sa bendisyon ni Jehova sa saindong dinugangan na paghihingoa ngonyan na taon, tibaad kamo man makapoon nin bagong pag-adal sa Biblia asin kun siring magigin espesyal na bulan para saindo an Abril.—Sal. 34:8; Tal. 10:22.