The Bible—Mankind’s Oldest Modern Book
1 Mantang an Biblia Tataramon nin Dios, makakasarig kita na iyan nagtatao nin epektibong mga simbag sa mga problema sa modernong aldaw. Asin an organisasyon ni Jehova nagtatao nin praktikal na tabang na manompongan an mga simbag na iyan sa mga publikasyon siring man sa mga video. Kun siring, naoogma kaming ianunsiar na an Ingles na bersion kan The Bible—Mankind’s Oldest Modern Book, an ikaduwa sa tolong video na nagpapaheling kan pagkapasabong kan Biblia, makukua na ngonyan sa Pilipinas. Kuwarenta minutos an lawig kaiyan.
2 Siring kan enot na video sa seryeng ini, ining ikaduwa nagtotogdok man nin pagsarig sa Biblia bilang sarong giya nin Dios. Naggagamit iyan nin mga retrato na kinua sa mga nasyon sa Biblia asin sa mga museo sa bilog na kinaban tanganing tabangan kita na marealisar kun paano prineserbar ni Jehova an Biblia sa bilog na mga siglo sagkod sa satong aldaw. Maheheling nindo kun paano napagdanay an pagkaeksakto kan Biblia sa ibong kan paorootrong pagkopya asin pagtradusir. Maheheling nindo kun paano iyan prineserbar sa atubang nin makuring pagtumang. Maheheling man nindo an buhay na patotoo kun paano binago kan Biblia an buhay nin mga tawo para sa ikararahay.
3 An video na ini makakatabang para sa pag-orolay kan pamilya sa Biblia asin para sa mga estudyante sa Biblia—arog kan naenot. Segurado kita na bebendisyonan ni Jehova an paggamit kaiyan. Puwede na iyan pedidohon ngonyan paagi sa saindong departamento nin literatura sa kongregasyon siring kan sinambit sa Mga Paisi. An video na Jehovah’s Witnesses—The Organization Behind the Name makukua na giraray ngonyan. An mga video na ini magagamit sana sa mga VHS recorder asin dai magagamit sa mga Betamax recorder.