Pagtiripon sa Paglilingkod Para sa Pebrero
Semana nin Pebrero 5-11
10 min: Lokal na mga paisi. Piniling Mga Paisi sa An Satong Ministeryo sa Kahadean. Teokratikong mga Bareta.
15 min: “Itinatampok kan Bagong Libro an Kaaraman nin Dios.” Hapot-simbagan.
20 min: “Kapahayagan—Sarong Liabe sa Tunay na Kaogmahan.” Pag-olayan an isinuherir na mga pag-atubang, asin magkaigwa nin saro o duwang demonstrasyon.
Kanta 14 asin pantapos na pamibi.
Semana nin Pebrero 12-18
10 min: Lokal na mga paisi. Report sa kuenta. Pagirumdomon an gabos manongod sa miting sa Pebrero 18 kaiba kan gabos na nagpaplanong mag-auxiliary payunir ngonyan na tig-init.
15 min: “Mag-andam Para sa Aktibidad na Pagmamagasin sa Abril.” Basahon an duwang parapo na artikulo, asin sabihon kun ano an gigibohon kan lokal na kongregasyon tangani na magibo an Abril na espesyal na bulan para sa pagwaras nin magasin.
20 min: “Paano Ko Mapahihinanyog an Kagharong?” Hapot-simbagan. Magkaigwa nin duwang parahayag na mag-oolay kun paano ninda pagmamaigotan na ikapaheling an orog pang init kun nakikipag-olay sa mga pinto, na ginagamit an nagkapira sa mga suhestion na itinao sa School Guidebook, pahina 165-7, parapo 10-21.
Kanta 133 asin pantapos na pamibi.
Semana nin Pebrero 19-25
10 min: Lokal na mga paisi.
15 min: Pahayag nin sarong magurang sa kongregasyon dapit sa “Magmaan sa Pagpakangmatanos sa Sadiri,” basado sa artikulo sa Oktubre 15, 1995 Torrengbantayan, pahina 25-7.
20 min: “Tabangan Sindang Makasabot.” Repasohon an isinuherir na mga pag-atubang para sa paggibo nin mga pagdalaw liwat. Idemonstrar an saro o duwang pag-atubang. Tumao nin mga suhestion sa kun paano makapatatalubo nin interes sagkod sa punto na puede nang ponan an pag-adal sa Biblia sa librong Kaaraman na Minagiya Pasiring sa Buhay na Daing Katapusan.
Kanta 53 asin pantapos na pamibi.
Semana nin Peb. 26–Mar. 3
7 min: Lokal na mga paisi.
10 min: “Makinabang sa Teokratikong Paadalan sa Pagmiministro Para sa 1996—Kabtang 2.” Pahayag kan paraataman sa paadalan. Idoon an pangangaipo na basahon an Tataramon nin Dios aroaldaw.
13 min: Pag-andam nin Nakaaakit na mga Pag-atubang. Pag-oolayan kan grupo nin tolo o apat na parahayag an mga pakinabang sa pagtatampok nin sarong bagay na interesante sa saindong teritoryo. Halimbawa, lokal na mga bareta dapit sa mga paghihingoa na paoswagon an kamugtakan sa pagbuhay; nagdadakol na problema nin mag-agom, delingkuenteng mga aki, o mga kadepisilan sa paghanap nin trabaho. Sambiton an nagkapirang bareta sa presente sa saindong komunidad asin ipaliwanag kun paano iyan puedeng magamit sa pagpoon nin mga pag-orolay.
15 min: Pag-alok kan Librong Kaaraman na Minagiya Pasiring sa Buhay na Daing Katapusan Durante kan Marso. Idoon an nagkapirang interesanteng tampok na kabtang kan libro na magagamit sa pagpoon nin mga pag-orolay: (1) Darahon an atension sa nakapupukaw na mga ilustrasyon, siring baga kan mga ipinaheheling sa pahina 4-5, 86, 124-5, 188-9. (2) Ipaliwanag kun paano an mga hapot sa pagrepaso sa poro kan mga kapitulo puedeng magamit sa pagpoon nin mga pag-orolay. Hapoton an kagharong kun boot niang maaraman an mga simbag. Pumili nin nagkapirang hapot sa mga nalilista sa pahina 11, 22, 61, 149. (3) Helingon an kahon sa pahina 102, asin magtao nin mga suhestion na nagpapaheling kun paano magagamit an “Nagkapirang Bagay na Nagpapamidbid kan Huring mga Aldaw” tangani na mapukaw an interes. (4) Idoon kun paano an libro espesyalmenteng dinesenyo para sa pagkondukta nin progresibong mga pag-adal. Halipot an mga kapitulo, pasil saboton an materyal, sitado an mapuersang mga teksto, asin nakasentro an mga hapot sa pangenot na mga punto. Dagkahon an gabos na ialok an libro na may pasohan na makapoon nin mga pag-adal.
Kanta 151 asin pantapos na pamibi.