Pagtiripon sa Paglilingkod Para sa Enero
Semana nin Enero 6-12
10 min: Lokal na mga paisi asin Mga Paisi sa An Satong Ministeryo sa Kahadean.
20 min: “Kualipikado Asin Andam na Tokdoan an Iba.” (Parapo 1-6) Komentohan sa halipot an parapo 1-2, dangan ipademonstrar sa duwang magkapadis na parahayag asin kagharong an mga pag-atubang sa parapo 3-6, na ipinaheheling kan kada magkapadis kun paano magibo nin enot na pagsongko asin pagdalaw liwat.
15 min: “Talaga daw na Kaipuhan Nindong Humagad nin Tawad?” Pahayag sa artikulo sa Setyembre 15, 1996 na Torrengbantayan, pahina 22-4.
Kanta 14 asin pantapos na pamibi.
Semana nin Enero 13-19
10 min: Lokal na mga paisi. Report sa kuenta. Repasohon man an artikulo na, “Bagong Programa sa Espesyal na Aldaw nin Asamblea.”
17 min: “Kualipikado Asin Andam na Tokdoan an Iba.” (Parapo 7-9) Ipademonstrar sa eksperyensiadong parahayag an mga pag-atubang sa parapo 7-8. Minsan ngani ibang mga publikasyon an enot na iinaalok, maninigo niatong hingoahon na pag-abot nin panahon makapagkondukta nin mga pag-adal sa librong Kaaraman.
18 min: Panahon Nang Bagohon an Advance Medical Directive/Release Card. Ipinaliliwanag nin sarong kualipikadong magurang sa kongregasyon an importansia nin kompletong pagllenar sa kard asin pagdara kaiyan sa gabos na panahon. An dokumentong ini nagtataram para sa saindo kun dai kamo makapagtaram para sa saindong sadiri kun may emerhensia. (Ikomparar an Talinhaga 22:3.) Kaipuhan na magllenar nin bagong kard kada taon tangani na makatao nin bagong kapahayagan manongod sa pagsayuma sa dugo. Pakatapos kan pagtiripon, an gabos na bautisadong parahayag tatawan nin Advance Medical Directive/Release card, asin an mga may minor de edad na mga aki na dai pa bautisado maresibi nin Identity Card para sa kada aki. Ipaliwanag na an mga kard na ini dai lellenaran sa pagtiripon. Maninigo iyan na llenaran sa harong alagad DAI pipirmahan. An pagpirma, pagtestigo, asin pagpetsa sa gabos na kard gigibohon pakatapos kan masunod na Pag-adal sa Libro kan Kongregasyon, sa pagdirehir kan konduktor sa pag-adal sa libro. Sisiertohon nia na makaresibi nin kard an gabos na asignado sa saiyang grupo. An mga mapirma bilang testigo maninigong aktuwal na maheling na pinipirmahan kan kagsadiri kan kard an dokumento.
Kanta 15 asin pantapos na pamibi.
Semana nin Enero 20-26
10 min: Lokal na mga paisi.
15 min: “An Gabos na Klase nin Tawo Maliligtas.” Hapot-simbagan.
20 min: “‘Pagsustento sa Kairiba sa Harong.’” Pahayag basado sa artikulo sa Oktubre 1, 1996 na Torrengbantayan, pahina 29-31.
Kanta 23 asin pantapos na pamibi.
Semana nin Ene. 27–Peb. 2
15 min: Lokal na mga paisi. Repasohon an “Hapot.”
15 min: “Satong ‘Ihinuhulit an Tataramon.’” Hapot-simbagan.
15 min: Repasohon an Alok sa Pebrero. Itokdo an interesanteng mga kabtang kan librong Creation, siring baga kan: (1) Nakakukua nin atension na tema kan mga kapitulo, (2) makolor na mga ilustrasyon, (3) mga kahon na nagtotokdo asin mga tsart, asin (4) nakapupukaw na nasusurat na mga hapot. Kaoyon sa sinusundan na kabtang nin pagtiripon, parigonon an boot sa paggamit nin piniling marhay na teksto sa pag-atubang. Magkaigwa nin saro o duwang demonstrasyon nin pag-atubang.
Kanta 26 asin pantapos na pamibi.