Pagtiripon sa Paglilingkod Para sa Abril
Semana nin Abril 7-13
12 min: Lokal na mga paisi asin Mga Paisi sa An Satong Ministeryo sa Kahadean. Sambiton an mapag-oolayan na mga punto sa bagong mga magasin.
15 min: “Mga Kadaklan an Idinadagdag.” Hapot-simbagan. Repasohon an mga suhestion sa Agosto 15, 1993 na Torrengbantayan, pahina 12-17.
18 min: “Tabangan na Makasabot an mga Daing Kabatidan.” Hapot-simbagan. Repasohon an mga tampok na kabtang kan brosyur na Kahagadan: pinasimpleng paagi nin pag-adal, napapanahon na mga hapot, magayon na mga ilustrasyon, bastanteng Makakasuratan na mga reperensia. Idoon an pasohan na makapoon nin mga pag-adal na pag-abot nin panahon magiya pasiring sa librong Kaaraman. Ipademonstrar sa sarong may kakayahan na parahayag kun paano mapoon nin pag-adal, na ginagamit an pagdolok na sinumaryo sa parapo 4. Enkaminaron an gabos na magurang sa kongregasyon na ipakipag-adal an brosyur sa saindang sadit na mga aki.
Kanta 130 asin pantapos na pamibi.
Semana nin Abril 14-20
10 min: Lokal na mga paisi. Report sa kuenta. Isaysay an lokal na mga eksperyensia manongod sa pagpasakamot kan brosyur na Kahagadan o pagpoon nin mga pag-adal sa Biblia na ginagamit iyan.
15 min: “Paggiya sa mga Estudyante Pasiring sa Organisasyon na Nasa Likod kan Satong Ngaran.” (Parapo 1-6) Hapot-simbagan. Basahon an parapo 5-6 asin an sitadong mga teksto.
20 min: “Tokdoan an Iba kan Kahagadan nin Dios.” Orolay kaiba kan mga nagdadangog sa parapo 1-4. Ipademonstrar an mga pag-atubang sa parapo 5, na ginagamit an apat na laen-laen na kamugtakan—sa tinampo, sa harong, sa lugar nin negosyo, asin sa parke. Pagirumdomon an gabos na kumua nin mga brosyur asin magasin para sa paglilingkod sa langtad bago humale ngonyan sa Kingdom Hall.
Kanta 126 asin pantapos na pamibi.
Semana nin Abril 21-27
15 min: Lokal na mga paisi. Ipaliwanag na bako pang gayong huri na magsumitir nin aplikasyon sa pag-auxiliary payunir sa Mayo. Pag-olayan an mga punto sa “Hapot.”
15 min: “Paggiya sa mga Estudyante Pasiring sa Organisasyon na Nasa Likod kan Satong Ngaran.” (Parapo 7-14) Hapot-simbagan. Ipademonstrar sa sarong may kakayahan na paratokdo kun paano magkakaigwa nin maboot na odok sa pusong pakipag-olay sa sarong estudyante manongod kan pangangaipo na umatender sa mga pagtiripon.
15 min: Pahayag nin sarong magurang sa kongregasyon sa artikulong “Ikabalde Niato an Maraot” sa Torrengbantayan na Enero 1, 1997, pahina 26-9. Ipaheling kun paanong an sarong tawo maski ngani pinatawad na ni Jehova asin kan saiyang organisasyon, sia tibaad kaipuhan pang magtios kan mga resulta kan saiyang nakaaging gawe-gawe.
Kanta 128 asin pantapos na pamibi.
Semana nin Abr. 28–Mayo 4
15 min: Lokal na mga paisi. Pagirumdomon an gabos na itao na an saindang mga report nin paglilingkod sa langtad sa Abril. Ianunsiar an mga ngaran kan ma-auxiliary payunir sa Mayo. Durante kan Mayo maninigong gumibo nin espesyal na paghihingoa na kultibaron an mga napasakamotan nin brosyur na may pasohan na makapoon nin mga pag-adal. Isuherir sa halipot an mga paagi na mataktika niatong mahahagad an ngaran asin adres nin mga tawo na napatototoohan niato nin impormal. Imbitaran an mga nagdadangog na magtao nin mga suhestion na nagin epektibo para sa sainda.
15 min: “Taano ta Ginigibo Ninda Iyan?” Ipinakikipag-olay nin sarong magurang sa kongregasyon an artikulo sa duwa o tolong regular payunir. (Kun mayo, gamiton an mga parateng nagpapalista bilang auxiliary payunir.) Iiba an mga tampok na kabtang sa artikulong, “An mga Payunir Nagtatao Asin Nag-aako nin mga Bendisyon,” sa Enero 15, 1994 Torrengbantayan. Hagadon na ipaliwanag kan kada saro kun taano sia ta naglaog sa paglilingkod bilang payunir. Ipasaysay sa sainda an mga eksperyensia na nagpapaheling kun paano sinda binendisyonan sa paggibo kaiyan.
15 min: Lokal na mga pangangaipo. Puedeng gamiton kan kamagurangan an oras na ini na iatubang an impormasyon manongod sa espesipikong lokal na mga pangangaipo.
Kanta 129 asin pantapos na pamibi.