Pagtiripon sa Paglilingkod Para sa Disyembre
PASABOT: An Satong Ministeryo sa Kahadean maiskedyul nin Pagtiripon sa Paglilingkod para sa Disyembre asin Enero. An mga kongregasyon puedeng gumibo nin mga pagliliwat kun kaipuhan tanganing makaatender sa “Pagtubod sa Tataramon nin Dios” na Pandistritong Kombension dangan sa 30 minutong repaso kan mga tampok kan programa sa Pagtiripon sa Paglilingkod sa masunod na semana. An repaso sa kada aldaw kan programa kan pandistritong kombension maninigong patienot na iasignar sa duwa o tolong kualipikadong tugang na lalaki na makakokonsentrar sa lataw na mga punto. An iinandam na marhay na repasong ini makatatabang sa kongregasyon na magirumdoman an pangenot na mga punto para sa personal na aplikasyon asin magagamit sa langtad. An komento kan mga nagdadangog asin an isinaysay na mga eksperyensia maninigong halipot asin direkta sa punto.
Semana nin Disyembre 1-7
10 min: Lokal na mga paisi. Piniling mga paisi sa An Satong Ministeryo sa Kahadean.
15 min: “Magtaram Dapit ki Jehova Aroaldaw.” Hapot-simbagan. Kun kinokobrehan an parapo 4, iiba an mga komento sa School Guidebook, study 16, parapo 14-16.
20 min: “An Biblia—Giya nin Dios Para sa Gabos na Tawo.” Ipinakikipag-olay nin sarong magurang sa kongregasyon an artikulo kaiba an mga dahelan kun taano an gabos ta maninigong mamotibar na siyasaton an Biblia. Interbiohon sa halipot an duwang parahayag kun paano ninda inandam na gamiton an isinuherir na mga pag-atubang sa parapo 3, 5, asin 7. Idemonstrar an saro kaini para sa enot na pagdalaw asin an saro para sa pagdalaw liwat.
Kanta 165 asin pantapos na pamibi.
Semana nin Disyembre 8-14
10 min: Lokal na mga paisi. Report sa kuenta.
20 min: Taano ta Dapat na Isumbong an Maraot? Pahayag nin sarong magurang sa kongregasyon basado sa Agosto 15, 1997 An Torrengbantayan, pahina 26-30.
15 min: “Hinihidaw Kamo!” Pakikipag-olay sa mga nagdadangog na pinangengenotan nin sarong magurang sa kongregasyon. Sambiton an promedyo kan bilang nin mga nag-aatender sa mga pagtiripon sa kongregasyon. Agdahon an nagkapira na isaysay an mga dahelan kun taano ta sinda narerepreskohan paagi sa pagigin magkairiba sa mga pagtiripon.
Kanta 172 asin pantapos na pamibi.
Semana nin Disyembre 15-21
15 min: Lokal na mga paisi. Magtao nin mga suhestion kun paano masimbag sa mataktikang paagi sa kinabanon na mga pataratara sa kapiestahan. Isabi an mga areglo sa espesyal na paglilingkod sa langtad para sa Disyembre 25 asin Enero 1. Repasohon an “Bagong Programa sa Pansirkitong Asamblea.” Helingon an pahina 4.
10 min: Lokal na mga pangangaipo.
20 min: “Kita Maninigong Magin mga Paratokdo, Bako Sanang mga Parahulit.” Hapot-simbagan. Kun kinokobrehan an parapo 11, basahon an School Guidebook, study 15, parapo 11.
Kanta 174 asin pantapos na pamibi.
Semana nin Disyembre 22-28
8 min: Lokal na mga paisi.
17 min: “An Teokratikong Paadalan sa Pagmiministro Para sa 1998.” Pahayag kan paraataman sa paadalan. Repasohon an mga paagi na an gabos puedeng makinabang nin mas lubos sa paadalan durante kan maabot na taon. Mag-enkaminar na sundan an bagong “Suplementong Iskedyul sa Babasahon sa Biblia” serosemana.
20 min: Ihulit an Maogmang Bareta sa Gabos na Lugar. Pag-orolay kaiba an mga nagdadangog sa librong Our Ministry, pahina 92-7, na ginagamit an mga hapot na ini: (1) Taano an paggamit kan satong mga babasahon ta epektibo sa pagpalakop kan maogmang bareta? Taano ta maninigo kitang mag-alok nin mga babasahon sa lambang oportunidad? Taano ta mahalagang sambiton an areglo sa kontribusyon? (2) Taano ta maninigo na perming nasa isip niato na magpatotoo sa impormal? Ano an nagkapirang paagi nin impormal na pagpatotoo? (Agdahon an nagkapira na isaysay an saindang mga eksperyensia sa impormal na pagpatotoo.) (3) Taano ta maninigong magmaigot an kongregasyon na makobrehan na marhay an teritoryong iinasignar sa sainda? Kun bastante an teritoryo, ano an bentaha nin pagkaigwa nin personal na teritoryo? (4) Paano kita nakikinabang sa mga areglo para sa paghuhulit bilang grupo? Paano niato puedeng planohon an satong pagpapatotoo tanganing siertohon na ginagamit niato an satong panahon sa pinakamarahay na paagi?
Kanta 222 asin pantapos na pamibi.
Semana nin Dis. 29–Ene. 4
10 min: Lokal na mga paisi. Ipagirumdom sa gabos na itao an saindang report sa paglilingkod sa langtad.
15 min: Repasohon an Alok Para sa Enero. Ipaheling an mas daan na mga libro na bastanteng nakaistak sa kongregasyon, asin sambiton an interesanteng mapag-oolayan na mga punto na magigin kapakipakinabang sa pag-andam nin mga pag-atubang. Iiba an sarong demonstrasyon. Maninigo niatong ipadagos an satong mga paghihingoa na makapoon nin mga pag-adal magsalang sa brosyur na Kahagadan o sa librong Kaaraman.
20 min: “Kun Paano Mapagdadanay an Kagayagayahan sa Bilog na Panahon na Paglilingkod.” Pahayag nin sarong magurang sa kongregasyon basado sa artikulo sa Setyembre 15, 1997 An Torrengbantayan, pahina 21-24.
Kanta 215 asin pantapos na pamibi.