Pagtiripon sa Paglilingkod Para sa Marso
Semana nin Marso 2-8
8 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “Padagos na Gibohon Nindo Ini sa Paggirumdom sa Sako.” Pahayag nin sarong magurang sa kongregasyon. Komentohan sa halipot an librong Our Ministry, pahina 80-1, na idinodoon an kahalagahan nin pag-atender sa Memorial.
22 min: “Itadom sa Iba an Paglaom na Buhay na Daing Katapusan.” Pag-orolay sa artikulo kaiba kan mga nagdadangog. Ipaliwanag sa halipot kun paano an mga hapot magagamit nin epektibo sa pagpadagos nin pag-orolay. Magtao nin nagkapirang halimbawa kapwa nin mga hapot na naggigiya asin hapot sa punto de vista na puedeng gamiton sa pag-atubang. (Helingon an School Guidebook, pahina 51-2, parapo 10-12.) Ipademonstrar sa sarong may kakayahan na parahayag an saro sa isinuherir na enot na mga pag-atubang kaiba an pagdalaw liwat, na ipinaheheling an pinoponan na pag-adal sa Biblia.
Kanta 88 asin pantapos na pamibi.
Semana nin Marso 9-15
8 min: Lokal na mga paisi. Report sa kuenta.
15 min: Makinabang nin Lubos sa 1998 Yearbook. Rinerepaso kan ama sa saiyang pamilya an pahina 3-6, 31 na itinatampok an teokratikong mga nagibo sa bilog na kinaban kan nakaaging taon. (Kun mayo pang Yearbook, gamiton an mga kabilangan hale sa tsart sa Enero 1, 1998 Torrengbantayan.) Konsideraron an mga pakinabang na nakakamtan kan pamilya gikan sa iribang pagbasa asin pag-orolay sa aroaldaw na teksto asin mga kabtang kan Yearbook sa mga panahon nin pagkakan, na determinadong padagos na gibohon iyan sa bilog na taon.
22 min: “Gigibohon daw Niato Giraray Iyan?” (Parapo 1-11) Hapot-simbagan. Isaysay an tampok na mga kabtang kan nakaaging taon na kampanya na mag-auxiliary payunir, na ibinareta sa 1998 Yearbook. Sambiton an kabilangan nin nag-auxiliary payunir sa lokal durante kan peryodong iyan. Ipakipag-olay an personal na mga pakinabang na nakukua tolos niato sa pagpapayunir, asin ipaheling kun paano an dagdag na paghihingoang ini nakakokontribwir sa pag-oswag kan kongregasyon. Itao an mga areglo sa paglilingkod na ipinaplano sa lokal sa Abril asin Mayo tangani na matabangan an dakol pa na magpayunir. Puedeng kumua nin aplikasyon an mga parahayag pakatapos kan pagtiripon.
Kanta 195 asin pantapos na pamibi.
Semana nin Marso 16-22
8 min: Lokal na mga paisi. Imbitaran an gabos na interesado na umatender sa espesyal na pahayag-publiko sa Marso 29. An pahayag may temang “Kun Taano ta Makapagtitiwala Kamo sa Biblia.”
15 min: Lokal na mga pangangaipo.
22 min: “Gigibohon daw Niato Giraray Iyan?” (Parapo 12-19) Hapot-simbagan. Repasohon an mga kualipikasyon na itinao sa librong Our Ministry, pahina 113-14. Ipaliwanag kun paano an pag-auxiliary payunir iinaandam an saro para sa paglilingkod bilang regular payunir. Imbitaran an nagkapira na nag-auxiliary payunir kan nakaaging taon na isaysay kun paano ninda iinareglo an saindang iskedyul tanganing maabot an kahagadan na 60 oras. Arin na sampol nin iskedyul na nasa huring pahina kan suplemento an nagin pinakaepektibo para sa sainda? Sagkod na itinotogot nin oras, isaysay an mga eksperyensia sa 1987 Yearbook, pahina 48-9, 245-6. Enkaminaron an mga parahayag na kumua nin aplikasyon pakatapos kan pagtiripon.
Kanta 224 asin pantapos na pamibi.
Semana nin Marso 23-29
10 min: Lokal na mga paisi. Enkaminaron an gabos na ponan nang imbitaran an mga interesado sa Memorial, sa Abril 11. Ipaheling an kopya kan imbitasyon, asin dagkahon an gabos na kumua nin suplay patin ponan nang idistribwir iyan ngonyan na semana. Ianunsiar an mga ngaran kan gabos na ma-auxiliary payunir sa Abril. Ipaliwanag na bako pang huring gayo na isumitir an aplikasyon. Itao an bilog na iskedyul nin mga pagtiripon bago lumuwas para sa paglilingkod na plinano para sa Abril.
20 min: Andamon an mga Bagohan Para sa Paglilingkod sa Langtad. Pahayag asin pag-orolay kaiba kan mga nagdadangog. An mga nagkokondukta nin pag-adal sa librong Kaaraman maninigong konsideraron an pag-andam sa inaadalan ninda na makikabtang sa paglilingkod sa langtad. Idoon an sinasabi sa librong Kaaraman, pahina 105-6, parapo 14, asin pahina 179, parapo 20. Repasohon an prosedimiento sa Nobyembre 15, 1988 Watchtower, pahina 16-17, parapo 7-10, para sa mga bagohan tangani na rekonoseron bilang dai pa bautisadong mga parahayag. Konsideraron an mga suhestion sa Hunyo 1996 na suplemento kan An Satong Ministeryo sa Kahadean, parapo 19, sa pagtabang sa bagong dai pa bautisadong mga parahayag na pumoon sa paglilingkod.
15 min: “Hapot.” Hapot-simbagan. Rinerepaso nin sarong magurang sa kongregasyon an materyal sa librong Our Ministry, pahina 131, parapo 1 asin 2.
Kanta 47 asin pantapos na pamibi.
Semana nin Mar. 30–Abr. 5
12 min: Lokal na mga pangangaipo. Pagirumdomon an gabos na itao an saindang report nin paglilingkod sa langtad para sa Marso. Ipaheling an bagong mga luwas kan mga magasin, isuherir kun arin na mga artikulo an puede nindong itampok kun iinaalok iyan, asin sambiton an nagkapirang espesipikong mapag-oolayan na mga punto. Repasohon an “Mga Pagirumdom sa Memorial,” asin itao an lokal na mga areglo sa Memorial. An gabos maninigong gumibo nin pangultimong mga plano na tabangan an mga inaadalan sa Biblia asin iba pang mga interesado na umatender. Pagirumdomon an gabos na siertohon na sundan an iskedyul nin babasahon sa Biblia para sa Memorial sa Abril 6-11, na itinao sa Pagsiyasat sa Kasuratan Aroaldaw.
13 min: “Mga Aki—Kamo an Samong Kagayagayahan!” Hapot-simbagan. Isaysay an eksperyensia sa Agosto 1, 1987 Watchtower, pahina 25.
20 min: Mga Paagi na Mapaglalabanan an Espirituwal na Pagkapagal. Pinag-oolayan nin duwang magurang sa kongregasyon an kahon sa Hulyo 1, 1987 Torrengbantayan, pahina 17 (w86-E 1/15, p. 19). Para sa kada saro kan “Mga Sintomas nin Pagkapagal,” ipaliwanag basado sa Kasuratan kun paano an saro makikinabang sa katimbang na “Mga Pantabang sa Pakatagal.” Dangan interbiohon an duwang parahayag na magkokomento kun paano an pag-aplikar sa siring na mga punto nakatabang sa sainda na papagdanayon an saindang espirituwal na kosog.
Kanta 140 asin pantapos na pamibi.