Pagtiripon sa Paglilingkod Para sa Setyembre
Semana nin Setyembre 7-13
10 min: Lokal na mga paisi. Piniling Mga Paisi sa An Satong Ministeryo sa Kahadean. Repasohon an kahon na “Sarong Suhestion.”
15 min: “Makagigibo Kita nin Orog Pang mga Gibo.” Hapot-simbagan. Enkaminaron an gabos na magbugtak nin rasonableng mga pasohan para sa bagong taon na ini nin paglilingkod asin magmaigot na magibo iyan.—Helingon an Our Ministry, pahina 116-18.
20 min: “An mga Payunir Nagtatabang sa Iba.” Ipinaliliwanag nin sarong magurang sa kongregasyon na dugang pa sa pagsasanay na itinatao sa Teokratikong Paadalan sa Pagmiministro, may ginibong mga areglo para sa mga payunir na personal na tabangan an iba sa ministeryo. Nagpapalataw sia nin mga hapot basado sa artikulo asin naghahagad nin mga komento sa mga nagdadangog, nangorogna sa mga payunir asin parahayag na nakikabtang na sa programa. Konsideraron kun paano makakamtan an pinakamarahay na mga resulta gikan dian. Puedeng isaysay kan mga payunir kun paano sinda naogma asin nakinabang sa pakikikabtang sa pagtabang sa iba. Puedeng iestorya kan mga parahayag na natabangan kun gurano ninda kainaapresyar an mamomoton na probisyon na ini asin sambiton an mga punto na nakatabang sa sainda na makamtan an orog na kapangganahan asin kagayagayahan sa ministeryo.
Kanta 172 asin pantapos na pamibi.
Semana nin Setyembre 14-20
10 min: Lokal na mga paisi. Report sa kuenta.
15 min: Ano an Kahagadan sa Sato nin Dios? Pahayag. Poponan niatong pag-adalan an brosyur na ini sa masunod na semana sa pag-adal sa libro. Enkaminaron an gabos na mag-andam nin patienot asin atenderan an gabos na sesyon tanganing magin pamilyar sa brosyur asin makanood kun paano iyan ipakikipag-adal sa iba. Basahon an parapo sa irarom kan “Kun Paano Gagamiton an Pulyetong Ini.” Gamiton an materyal sa Enero 15, 1997 Torrengbantayan, pahina 16-17, tangani na idoon an importansia nin pagtotokdo paagi sa mga hapot, teksto, asin ilustrasyon sa brosyur. An mga konduktor sa pag-adal sa libro maninigong magtao nin marahay na halimbawa sa mga nagkokondukta nin mga pag-adal sa Biblia sa harong, paagi sa dai pagparataram nin kadakol asin dai pagdagdag nin dai kinakaipuhan na mga detalye.—Helingon an An Satong Ministeryo sa Kahadean, Hunyo 1996, pahina 3, parapo 5.
20 min: Kumusta Kita kan Nakaaging Taon? Rinerepaso kan sekretaryo asin paraataman sa paglilingkod an report nin paglilingkod kan kongregasyon asin bilang nin mga nag-atender sa mga pagtiripon kan nakaaging taon. Isinasabi ninda an nakaparirigon sa boot na mga aspekto kan report asin nagkokonsentrar sa mga kabtang na puede pang paoswagon. Nagkaigwa daw nin 100 porsientong partisipasyon sa paglilingkod kan Agosto? Sabihon kun sa anong mga pasohan makonsentrar an kamagurangan sa maabot na mga bulan, kaiba an pagtabang sa gabos na magin regular na mga parahayag. Isabi an angay na mga punto hale sa nakaaging report kan paraataman sa sirkito.
Kanta 144 asin pantapos na pamibi.
Semana nin Setyembre 21-27
10 min: Lokal na mga paisi. Teokratikong mga Bareta.
15 min: Lokal na mga pangangaipo.
20 min: “Midbidon an Saindong mga Tugang.” Hapot-simbagan. Iiba an mga komento sa Oktubre 1, 1998 Watchtower, pahina 10-11. Enkaminaron an gabos na magsadiring boot na makamidbid nin orog pa an lambang saro.
Kanta 34 asin pantapos na pamibi.
Semana nin Set. 28–Okt. 4
12 min: Lokal na mga paisi. Pagirumdomon an mga parahayag na itao an saindang mga report nin paglilingkod para sa Setyembre. Enkaminaron an gabos na magplano na gumibo nin orog pang pagharongharong sa Oktubre tangani na madugangan an pagdistribwir nin magasin. Helingon an Oktubre 1996 na An Satong Ministeryo sa Kahadean, pahina 8, para sa mga suhestion kun paano aandamon an mga pag-atubang. Idemonstrar an pag-alok kan bagong mga magasin. Kumua nin suplay nin mga magasin para sa aktibidad sa Sabado asin Domingo.
20 min: “Mga Paraataman na Nangengenot—An Paraataman sa Paglilingkod.” Pahayag kan paraataman sa paglilingkod. Pakatapos na repasohon an saiyang mga paninimbagan, ipinaliliwanag nia an espesipikong mga paagi na an kongregasyon makapakikikooperar tanganing madugangan an hiwas asin pagigin epektibo kan ministeryo sa lokal.
13 min: Ano an Kaipuhan Tanganing Magin Marahay na Parahayag kan Kongregasyon? Pahayag, na may pakikikabtang an mga nagdadangog. Dai kaipuhan na magkaigwa nin nakalalabing mga abilidad o talento; imbes, minamawot na marhay na kita gabos magkaigwa nin gikan sa boot na aktitud na nagpapabanaag nin pagkamoot, kapakumbabaan, kaigotan, asin pag-apresyar. Agdahon an mga nagdadangog na magtao nin mga rason kun taano ta kawiliwili an mga minasunod: (1) maogmang aktitud, (2) regular na pag-atender asin pagpartisipar sa mga pagtiripon, (3) pagigin andam na akoon asin otobon an mga asignasyon, (4) pakikikooperar sa kamagurangan asin sa mga areglo na ginibo para sa kongregasyon, (5) sinserong interes sa pagtabang sa iba, asin (6) regular na pakikikabtang sa paglilingkod sa langtad asin pagreport tolos-tolos kada bulan.
Kanta 25 asin pantapos na pamibi.