Pagtiripon sa Paglilingkod Para sa Pebrero
Semana nin Pebrero 1
10 min: Lokal na mga paisi. Piniling Mga Paisi sa An Satong Ministeryo sa Kahadean. Pagirumdomon an gabos na itao an report nin paglilingkod sa langtad para sa Enero.
17 min: “Ialok an Librong Kaogmahan nin Pamilya sa mga Tawo Ano Man an Edad.” Ipinakikipag-olay nin sarong magurang sa kongregasyon an artikulo sa duwa o tolong may kakayahan na parahayag. Magkonsentrar sa pasohan na pagtabang sa iba na marealisar na an sekreto sa kaogmahan nin pamilya yaon sa pagsunod sa hatol kan Biblia. (Helingon an Kaogmahan nin Pamilya, pahina 9-12.) Idemonstrar an saro sa isinuherir na mga pag-atubang. Ipaheling kun paano iaareglo an sarong pagdalaw liwat.
18 min: “‘Isolog an Bagong Personalidad.’” Pahayag, na inaanalisar an Efeso 4:20-24. (Helingon an Marso 1, 1993 na Torrengbantayan, pahina 14-18, parapo 4-17.) Ipaliwanag kun paano niato hinuhuba an daan na personalidad asin isinosolog an bago.
Kanta 4 asin pantapos na pamibi.
Semana nin Pebrero 8
10 min: Lokal na mga paisi. Report sa kuenta.
15 min: Lokal na mga pangangaipo.
20 min: “Nakinabang Kita sa ‘Sa Dios na Dalan nin Buhay’ na mga Kombension.” Hapot-simbagan. Ipaheling an bagong libro asin brosyur, asin isabi an mga paagi kun paano niato magagamit an mga ini sa ministeryo. Halimbawa, igwa nin 40 ilustrasyon sa bagong brosyur siring man mga kotasyon na maheheling sa kapinonan kan kada kabtang, na magagamit tangani na mapukaw an interes nin mga tawo. Ipaheling kun paano an huring kabtang puedeng itampok kun iinaalok an pag-adal sa Biblia sa harong. Sa librong Creator, an Kapitulo 10 nagtatao nin nakakokontentong simbag sa ihinahapot nin dakol na tawo: “Kun may pagmakolog an Kaglalang, taano ta grabe an pagdusa?”
Kanta 173 asin pantapos na pamibi.
Semana nin Pebrero 15
10 min: Lokal na mga paisi. Teokratikong mga Bareta.
18 min: Paano Kita Nakikinabang sa Pagpalista sa Teokratikong Paadalan sa Pagmiministro? Pakipag-olay sa mga nagdadangog na pangengenotan kan paraataman sa paadalan. An pagsasanay sa pagpahayag sa publiko bako sana an katuyohan kan paadalan. May iba pang mga paagi na dian direkta kitang nakikinabang. (Helingon an School Guidebook, pahina 12-13.) Nakanonood kita kun paano mas marahay na makikikomunikar sa ibang tawo. Tinotokdoan kita na magtaram na may pagkaklaro, marahay na tindog, asin kompiansa sa sadiri. Kita nagigin orog na eksperto sa pagsimbag sa mga hapot dapit sa satong mga pinaniniwalaan asin sa pagpaliwanag kan satong basado sa Bibliang mga desisyon. Nadudugangan an satong kaaraman sa Biblia, na tinatabangan kita na magin orog na epektibo sa pagpapatotoo sa iba. Nakanonood kitang rekonoseron an satong mga pagkukulang asin akoon an konseho, na an resulta kita orog na nagkakaigwa nin marahay na boot sa satong relasyon sa iba. An pagsasanay sa kabilogan na itinatao kan paadalan nakatatabang sa sato na magdanay na “biyong kualipikado” bilang mga ministro nin Dios.—2 Cor. 3:5, 6.
10 min: “Kun Paano Nakikikooperar an mga Miembro kan Pamilya Para sa Lubos na Pakikikabtang—Sa Pag-adal sa Biblia.” Pag-orolay nin sarong pamilya. Inaanalisar ninda kun paano ninda iinaaplikar an mga suhestion manongod sa pampamilyang pagbasa asin pag-adal sa Biblia na makukua sa Mayo 15, 1996 na Torrengbantayan, pahina 14-15, asin sa Oktubre 15, 1992 na Watchtower, pahina 16-17.
Kanta 57 asin pantapos na pamibi.
Semana nin Pebrero 22
10 min: Lokal na mga paisi.
15 min: Sinisiyasat daw Nindo an Kasuratan Aroaldaw? Pahayag asin pag-orolay kaiba kan mga nagdadangog. Kada taon itinatao kan Sosyedad an pulyetong Pagsiyasat sa Kasuratan Aroaldaw. Kamo daw bilang indibiduwal o bilang sarong pamilya ginagamit na marahay an publikasyon na ini? Ipaliwanag an kapakipakinabang na mga dahelan kun taano ta maninigo niatong pag-olayan an teksto para sa kada aldaw. Ipakipag-olay an mga komento sa introduksion kan Pagsiyasat sa Kasuratan Aroaldaw—1999, pahina 3-4. Agdahon an mga parahayag na isaysay an espesyal na paghihingoa na ginigibo ninda tangani na fiel na makonsiderar an pan-aroaldaw na teksto asin mga komento bilang mga indibiduwal asin pamilya.
20 min: Kun Paano Makanonompong nin Kagayagayahan sa Paggibo nin mga Disipulo. Pahayag basado sa Pebrero 15, 1996 na Torrengbantayan, pahina 19-22.
Kanta 91 asin pantapos na pamibi.