Pagtiripon sa Paglilingkod Para sa Setyembre
Semana nin Setyembre 6
10 min: Lokal na mga paisi asin Mga Paisi sa An Satong Ministeryo sa Kahadean. Iiba an “Makahulang Tataramon nin Dios na Pandistritong mga Kombension.”
17 min: “Kamo daw Naglilingkod na May Katuyohan?” Hapot-simbagan. Iiba an mga komento sa librong Our Ministry, pahina 88-9.
18 min: “Mga Magurang—Magpaheling nin Marahay na Halimbawa sa Saindong mga Aki.” Pag-oolay sa artikulo kan duwang tugang na lalaki na mga magurang. Sinda interesado na protehiran an saindang mga aki sa negatibong mga gawe-gawe na puedeng makaimpluwensia sa sainda sa eskuelahan, paagi sa telebisyon, asin paagi sa bakong Saksing mga paryente patin iba pa. Pinag-oolayan kan duwang tugang an daing galang na mga ugale, kinabanon na pagtaram asin pag-alinyar, patin nakararaot na pag-aling-aling. Pakatapos na horophoropon an pangangaipo na magpaheling nin marahay na halimbawa, pinag-oolayan ninda an mga paagi kun paano magkakaigwa nin orog na entusiasmo para sa pampamilyang pag-adal, sa mga pagtiripon sa kongregasyon, asin sa paglilingkod sa langtad.—Helingon an Hulyo 1, 1999 Torrengbantayan, pahina 8-22, asin Setyembre 22, 1991 Awake!, pahina 8-9.
Kanta 101 asin pantapos na pamibi.
Semana nin Setyembre 13
10 min: Lokal na mga paisi. Report sa kuenta.
15 min: Kumusta an Nagibo ta kan Nakaaging Taon? Pahayag kan Paraataman sa Paglilingkod. Repasohon an tampok na mga punto sa report kan kongregasyon para sa 1999 taon nin paglilingkod. Magtao nin komendasyon sa pag-oswag na nagibo. Espesyalmenteng magkonsentrar sa bilang nin mga nag-aatender sa mga pagtiripon asin pag-adal sa Biblia. Sambiton an praktikal na mga pasohan para sa masunod na taon.
20 min: “Ano an Sasabihon Nindo sa Sarong Hindu?” Hapot-simbagan. Ipaheling kun paano ibabagay an isinuherir na mga pag-atubang sa pagpatotoo sa mga tawo ano man an relihion. Idemonstrar an inandam na marhay na pag-atubang kun nagpapatotoo sa sarong Hindu. Para sa dugang pang impormasyon manongod sa Hinduismo, helingon an librong Reasoning, pahina 22 asin Mankind’s Search for God, kapitulo 5.
Kanta 140 asin pantapos na pamibi.
Semana nin Setyembre 20
12 min: Lokal na mga paisi.
15 min: Lokal na mga pangangaipo.
18 min: Gamiton nin Marahay an Librong Creator. Pahayag asin mga demonstrasyon. An Abril 1999 na An Satong Ministeryo sa Kahadean nagpaliwanag na an librong Creator puedeng ialok sa ano man na oras na may manuparan kitang mga tawo na (1) dai nagtutubod sa Dios o (2) nagtutubod sa Dios alagad mayo nin totoong ideya dapit sa kun siisay sia o ano an saiyang mga kualidad asin katuyohan. An mga hapot asin komento sa likod na tutob puedeng gamiton tanganing pukawon an interes sa pagbasa kan libro. O an pahina 152 puedeng gamiton nin epektibo. An sarong parahayag puedeng maghapot: “Saen ta puedeng makua an pinakamarahay na sadol sa kun paano reresolberan an pinakanakariribaraw na mga problema niato?” Puedeng ipaheling nia sa tawong iyan kun paano inomaw kan bantog na mga eksperto an Sermon sa Bukid ni Jesus, papilion sia nin saro sa pitong itinampok na mga punto na nakapukaw na marhay sa saiyang interes, dangan basahon an pira sa sitadong mga bersikulo. Idemonstrar an duwang suhestion na ini.
Kanta 175 asin pantapos na pamibi.
Semana nin Setyembre 27
15 min: Lokal na mga paisi. Repasohon an pira sa mga suhestion sa Oktubre 1996 na An Satong Ministeryo sa Kahadean, pahina 8, sa kun paano mag-andam nin mga pag-atubang kan magasin na magagamit sa kampanya sa Oktubre. Idemonstrar sa halipot an saro o duwang pag-atubang.
15 min: “Hapot.” Pahayag nin sarong magurang sa kongregasyon.
15 min: “An Tunay na Pagsamba Naghihiwas sa Sirangan na Europa.” Kokonduktahan nin magurang sa kongregasyon an pag-orolay na hapot-simbagan. Sumitar nin mga eksperyensia o ebidensia nin aumento sa mga nasyon na irinepresentar, siring sa irineport sa nakaagi pa sanang mga Yearbook.
Kanta 87 asin pantapos na pamibi.