Pagtiripon sa Paglilingkod Para sa Oktubre
Semana nin Oktubre 4
10 min: Lokal na mga paisi. Piniling Mga Paisi sa An Satong Ministeryo sa Kahadean. Pag-olayan an magagamit na mga punto sa pinakabagong mga luwas kan An Torrengbantayan asin Awake! asin ipaheling kun paano ini magagamit sa pag-alok nin mga magasin sa katapusan kan semana. Enkaminaron an gabos na ialok an suskripsion kun angay, espesyalmente sa mga pagdalaw liwat o mga ruta nin magasin.
17 min: “An Kalinigan Nagtataong Onra ki Jehova.” Hapot-simbagan na pangengenotan nin sarong magurang. Taposon paagi sa sarong halipot na pahayag na rinerepaso an hatol na itinao sa Watchtower na Hunyo 1, 1989, pahina 15-20, na iinaaplikar an mga punto na angay sa lokal na kongregasyon.
18 min: Magin Mapag-isip sa mga Magasin! Isabi an total na bilang kan mga magasin na ikinapasakamot kan kongregasyon kan nakaaging bulan. Gurano ini kadakol kun ikokomparar sa bilang na naresibi hale sa Sosyedad? Kun dakula an diperensia, ano an dapat na gibohon? Pakomentohon an mga nagdadangog dapit sa mga minasunod: (1) An kada parahayag maninigo na magpedido nin igo alagad rasonableng suplay. (2) Mansayon an kada Sabado na Aldaw nin Pagmamagasin. (3) Iareglo an saindong personal na iskedyul sa paglilingkod na iiniiba an pirang aktibidad na pagmamagasin kada bulan. (4) Iplano an paggibo nin dakol na impormal na pagpapatotoo na ginagamit an mga magasin tanganing makapoon nin pag-orolay. (5) Darahon an espesyal na mga artikulo sa mga negosyante asin mga propesyonal na posibleng magkainteres kaiyan. (6) Magkaigwa nin tamang rekord kan mga naipasakamot, asin gumibo nin ruta sa magasin, na regular na binabalikan dara an pinakabagong mga isyu. (7) Gamiton nin marahay an mga lumang kopya nin magasin tanganing dai matipon. Girumdomon na an materyal sa haloy nang mga luwas bago pa sagkod ngonyan asin kapakipakinabang sa mga nanonompongan niato sa ministeryo, kaya maninigo na nungka kitang magin negatibo sa pag-alok kaiyan. Ipaheling an bagong mga magasin, asin itampok an mga artikulo na posibleng makapukaw nin interes. Hagadon sa sarong nasa edad na asin sarong hoben na idemonstrar kan kada saro an halipot na pag-atubang kan magasin.—Helingon an suplemento kan Enero 1996 na An Satong Ministeryo sa Kahadean.
Kanta 105 asin pantapos na pamibi.
Semana nin Oktubre 11
10 min: Lokal na mga paisi. Report sa kuenta.
15 min: Lokal na mga pangangaipo.
20 min: “Kun Paano Makakukua nin Orog Pang Kagayagayahan sa mga Pagtiripon.” Hapot-simbagan. Magtao nin espesipikong mga halimbawa kun paano kita makapaheheling nin konsiderasyon asin makaparirigon nin boot sa lambang saro sa mga pagtiripon. Agdahon an mga nagdadangog na magtao nin halimbawa na hale sa sadiri nindang mga eksperyensia.
Kanta 152 asin pantapos na pamibi.
Semana nin Oktubre 18
10 min: Lokal na mga paisi asin mga eksperyensia sa paglilingkod sa langtad.
13 min: “Mabalyo daw Kamo?” Sarong nakaparirigon sa boot na pahayag kan sekretaryo. Kun manompongan nin mga parahayag na kaipuhan nindang bumalyo sa ibang kongregasyon, importante na mapakarhay sinda sa bagong mga kamugtakan ninda tanganing malikayan an ano man na espirituwal na mga kaolangan. Idoon na kaipuhan na ipaaram sa kamagurangan an manongod sa siring na mga plano nin mas amay pa kun posible asin hagadon an saindang tabang sa pagkomunikar sa bagong kongregasyon. Ini nangorognang mahalaga kun mabalyo sa ibang nasyon huli ta dakol na tugang niato an nagkaigwa nin mamondong mga eksperyensia dahelan sa pagkapasuway sa teokratikong asosasyon sa dai kabisadong lugar.
22 min: “Ano an Sasabihon Nindo sa Sarong Judio?” Hapot-simbagan. Ipaliwanag an pagkakalaen kan Ortodokso, Repormado, asin Konserbatibong Judaismo. (Helingon an Mankind’s Search for God, pahina 226-7.) Isabi an mga kabtang kun saen posible kitang makagibo nin puntong mapagkakaoyonan kun nakikipag-olay sa sarong Judio. Idemonstrar an inandam na marhay na pag-atubang. Para sa dugang pang impormasyon manongod sa Judaismo, helingon an librong Reasoning, pahina 22-3 asin Mankind’s Search for God, kapitulo 9.
Kanta 142 asin pantapos na pamibi.
Semana nin Oktubre 25
15 min: Lokal na mga paisi. Tabangan an gabos na iandam an pag-alok kan brosyur na Kahagadan o kan librong Kaaraman sa Nobyembre. Ipaliwanag kun paano an pag-andam nin pag-atubang na nakasentro sa hapot na, “Sinisimbag daw nin Dios an mga Pamibi?” Gamiton an mga punto sa leksion 7 sa brosyur o sa kapitulo 16, parapo 12-14, sa libro. Idemonstrar an sarong simpleng pag-atubang na iiniiba an sarong teksto.
15 min: Paghanap nin mga Simbag sa mga Hapot sa Biblia. An sarong ministeryal na lingkod dinolok nin parahayag na nakanupar nin interesadong tawo na igwa nin hapot sa Biblia. Imbes na itao an simbag, ipinaliliwanag kan ministeryal na lingkod kun paano hahanapon iyan. Enot, rinerepaso nia an mga suhestion na makukua sa School Guidebook, leksion 7, parapo 8-9. Dangan, magkaibanan na sinisiyasat ninda an sarong hapot na parateng ibinabangon sa lokal na teritoryo. Hineheling ninda an espesipikong mga reperensia na may labot sa tema asin hinahanap an nakakokombensir na mga punto na naglilinaw kan pundamental na rason para sa simbag kan Biblia. Enkaminaron an mga nagdadangog na gibohon an siring kaining kapakipakinabang na pag-adal tanganing siyasaton an mga hapot sa Biblia.
15 min: Mga Pasohan na Puede Niatong Ibugtak. Pahayag asin pag-orolay na kaiba an mga nagdadangog. Repasohon an praktikal na mga pasohan na sinabi sa kahon sa pahina 11 kan Marso 15, 1997 Torrengbantayan. Iiba an pag-enkaminar na makikabtang sa paglilingkod bilang auxiliary o regular payunir. Ipaliwanag kun paano kita personal na makikinabang kun maaabot niato an mga pasohan na ini. Imbitaran an mga nagdadangog na isaysay an mga kagayagayahan na naeksperyensiahan kan maabot ninda an nagkapirang teokratikong pasohan.
Kanta 151 asin pantapos na pamibi.