Iskedyul sa Pagtiripon sa Paglilingkod
PASABOT: Poon sa luwas na ini kan An Satong Ministeryo sa Kahadean, magigin kaiba sa Iskedyul sa Pagtiripon sa Paglilingkod an outline para sa enot na Pagtiripon sa Paglilingkod sa masunod na bulan. Ginibo an pagliliwat na ini tanganing maremedyohan an posibleng atrasadong pag-abot kan An Satong Ministeryo sa Kahadean sa mga kongregasyon. Siring man, nag-iskedyul kami nin pagtiripon sa paglilingkod para sa kada semana durante kan panahon nin kombension, kaya nagkakaipong gumibo nin pagliliwat sa lokal an mga kongregasyon tangani na matawan nin lugar an pag-atender sa “Makahulang Tataramon nin Dios” na Pandistritong Kombension dangan an 30 minutos na repaso kan mga tampok na kabtang sa programa sa Pagtiripon sa Paglilingkod sa masunod na semana. An kada aldaw na pagrepaso kan programa kan kombension maninigong iasignar nin patienot sa tolong kualipikadong tugang na lalaki, na makonsentrar sa lataw na mga punto na nanodan sa kombension.
Semana nin Disyembre 6
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “Arogon an Dai Pagpaorog ni Jehova.” Hapot-simbagan. Ipaliwanag an kahulogan kan dai pagpaorog, kun paano iyan ipinaheheling ni Jehova, asin kun paano niato ikapaheheling ini sa satong ministeryo.—Helingon an Insight, Tomo 1, pahina 1192, parapo 4-7.
20 min: “Bako daw na Nadangog na Niato Iyan Kaidto?” Pahayag asin pakipag-olay sa mga nagdadangog. Imbitaran an mga nagdadangog na magkomento kun paano an pag-otro nakatabang sa sainda na mas lubos na masabotan asin mapahalagahan an katotoohan.—Helingon an The Watchtower na Hulyo 15, 1995, pahina 21-2, asin An Torrengbantayan na Agosto 15, 1993, pahina 13-14, parapo 10-12.
Kanta 218 asin pantapos na pamibi.
Semana nin Disyembre 13
10 min: Lokal na mga paisi. Report sa kuenta. Magtao nin mga suhestion kun paano mataktikang masimbag sa mga pataratara kan kapiestahan. Kun an kongregasyon igwang istak kan librong Greatest Man o Dakulang Paratokdo, ipaheling kun paano iyan magagamit nin epektibo sa ministeryo durante kan kapiestahan nin Navidad.
15 min: “An Teokratikong Paadalan sa Pagmiministro Para sa 2000.” Pahayag kan paraataman sa Teokratikong Paadalan sa Pagmiministro. Repasohon an minasunod na mga pagbabago sa iskedyul para sa bagong taon. An Asignasyon Num. 3 basado sa “Bible Topics for Discussion” na makukua sa New World Translation o sa suplemento kan Oktubre kan An Satong Ministeryo sa Kahadean. An Asignasyon Num. 4 padagos na kokobrehan an mga personahe sa Biblia hale sa Insight on the Scriptures asin durante kan huring tolong bulan kan taon iyan basado sa “Bible Topics for Discussion.” Kun igwa nin senyal nin numero (#) bago an asignasyon, mas marahay na tugang na lalaki an gumibo kaiyan.
20 min: “Ano an Sasabihon Nindo sa Sarong Ateista?” Hapot-simbagan. Magkaigwa nin saro o duwang halipot na demonstrasyon. Para sa dugang na impormasyon, helingon an librong Reasoning, pahina 145-51, asin Mankind’s Search for God, kapitulo 14.
Kanta 220 asin pantapos na pamibi.
Semana nin Disyembre 20
10 min: Lokal na mga paisi.
15 min: Pagsimbag sa mga Tibaad Habong Makipag-olay. Pakipag-olay sa mga nagdadangog asin mga demonstrasyon. Basahon an “Comments” sa pahina 15-16 kan librong Reasoning. Pumili nin duwa o tolong “conversation stoppers” sa pahina 16-20, o gumamit nin iba pa na parateng nanunuparan sa saindong teritoryo. Idemonstrar sa halipot an nagkapira kaiyan. Imbitaran an mga nagdadangog na isaysay an mga simbag na ginamit ninda na may marahay na mga resulta.
10 min: 20 min: Maninigo daw Akong Mag-ako nin Trabaho na May Labot sa Relihiosong Organisasyon? Pahayag nin sarong magurang sa kongregasyon, basado sa Torrengbantayan na Abril 15, 1999, pahina 28-30. May mga indibiduwal na nag-ako nin siring na trabaho asin kan huri nadiskobre ninda na an saindang ginigibo bakong kaoyon kan mga prinsipyo sa Biblia. Repasohon an mga hapot na kaipuhan niatong konsideraron kun nagdedesisyon manongod sa pagkaigwa nin sekular na trabaho na may nagkapirang koneksion sa relihion. Enkaminaron an gabos na pagmaigotan na gumawe sa paagi na masesegurado an pagkaigwa nin marahay na kamugtakan sa atubangan ni Jehova.—2 Cor. 6:3, 4, 14-18.
Kanta 109 asin pantapos na pamibi.
Semana nin Disyembre 27
10 min: Lokal na mga paisi asin “Bagong Programa sa Pansirkitong Asamblea.” Pagirumdomon an gabos na itao an report nin paglilingkod sa langtad para sa Disyembre.
15 min: Lokal na mga pangangaipo.
20 min: Pag-alok kan Haloy Nang mga Libro Durante kan Enero. Pahayag asin mga demonstrasyon. Ipaheling an librong Nagkakasararo sa Pagsamba o duwa o tolong haloy nang 192-pahinas na libro, na ipinublikar bago 1986, na nasa istak kan kongregasyon, asin enkaminaron an mga parahayag na kumua nin nagkapira para sa ministeryo sa langtad. (Kun mayo, ipakipag-olay an kasalidang alok sa Enero na yaon sa Mga Paisi sa pahina 7.) Ipaliwanag kun taano an haloy nang mga publikasyon na ini ta epektibo pa sagkod ngonyan sa pagkultibar nin interes sa Biblia. Sa kada libro itampok an mapag-oolayan na mga punto asin ilustrasyon na magagamit sa pagpoon nin mga pakikipag-olay. Idemonstrar an saro o duwang pag-atubang.
Kanta 224 asin pantapos na pamibi.
Semana nin Enero 3
8 min: Lokal na mga paisi. Repasohon an “Bagong Programa sa Espesyal na Aldaw nin Asamblea.”
12 min: Aramon Kun Paano Matao nin Simbag. (Col. 4:6) Pahayag asin pakipag-olay sa mga nagdadangog. An librong Reasoning sarong marahayon na pantabang sa pagbukas kan dalan tangani na ihiras sa iba an katotoohan sa Biblia. Kun sinasayumahan kan kagharong an saro sa satong mga tinutubod, tibaad puede niatong gamiton an kabtang na “If Someone Says—” na yaon sa poro kan kabtang na nagpapaliwanag sa paniniwalang iyan. Ipakipag-olay an mga komento dapit sa Biblia na sinambit sa pahina 64-8, asin estudyaran kun taano an isinuherir na mga simbag ta puedeng magin epektibo.
25 min: “Madonong na Gamiton an Satong mga Babasahon.” Pinangengenotan kan Paraataman sa Paglilingkod an hapot-simbagan na pagkobre kan artikulo sa suplemento. Kun pinag-oolayan an parapo 3 sagkod 5, magkaigwa nin saro o duwang demonstrasyon kun paano ipaliliwanag sa mga kagharong an areglo sa donasyon. Idoon na dawa ngani an mga babasahon ididistribwir na daing hinahagad na depinidong kantidad, alagad ta dakula an gastos sa paggibo asin pagwaras. An siring na paggibo nin mga babasahon kabtang kan pambilog na kinaban na gibohon asin kun siring kaipuhan niato gabos na akoon an satong indibiduwal na paninimbagan na suportaran iyan nin bilog na puso paagi sa satong mga kontribusyon.
Kanta 56 asin pantapos na pamibi.