Iskedyul sa Pagtiripon sa Paglilingkod
Semana nin Marso 11
13 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8, magkaigwa nin duwang demonstrasyon kun paano iaatubang an Marso 15 na Torrengbantayan asin an Marso 22 na Awake! Sa kada demonstrasyon, ipaheling an magkalaen na paagi sa pagsimbag sa pampapondo sa orolay na, “Dai ako interesado.”—Helingon an librong Reasoning, pahina 16.
12 min: Pagdadanay sa Satong Kristianong Neutralidad. Pahayag nin sarong may kakayahan na magurang sa kongregasyon. An pagpaheling nin patriotismo orog na nagin lakop sa eskuelahan asin sa pinagtatrabawohan. An dakol na nag-eenkaminar kaini ginigibo iyan bilang paagi ninda na pangganahan an kahaditan asin kamondoan huli sa nasyonal na mga trahedya. Minsan ngani kita napupurisaw sa satong naheheling sa kinaban, nasasabotan niato an mas dakulang isyu nin unibersal na soberaniya asin nararanga kan mensahe kan Kahadean. Kun nagpapaliwanag sa iba sa mataktikang paagi kun taano ta dai kita nakikiayon sa nasyonalistikong mga aktibidad, maninigong ihiras man niato an karangahan asin paglaom na nanompongan niato sa Tataramon nin Dios. An brosyur na Jehovah’s Witnesses and Education, pahina 20-4, sa irarom kan subtemang “The Flag Salute,” ipinaliliwanag an dahelan kun taano ta dai kita nakikikabtang sa patriotikong mga seremonya. Ipakipag-olay an mga tampok, asin enkaminaron an mga magurang na maingat na repasohon an impormasyon na ini kaiba kan saindang mga aki. Isaysay an mga eksperyensia na manonompongan sa pahina 20 kan brosyur asin sa pahina 31 kan Enero 8, 1996 na Awake!
20 min: “Magin Mayaman sa Marahay na mga Gibo.”a Itatao kan paraataman sa paglilingkod. Ipakipag-olay kun paano puedeng gamiton an inimprentang mga imbitasyon sa pinakaepektibong paagi. Agdahon an mga parahayag na isaysay kun paano ninda nahimong mapaatender sa Memorial kan nakaaging taon an saindang mga paryente, kataed, mga estudyante sa Biblia, asin iba pang interesado. Enkaminaron an gabos na puede na mag-auxiliary payunir sa Abril.
Kanta 82 asin pantapos na pamibi.
Semana nin Marso 18
10 min: Lokal na mga paisi. Report sa kuenta. Ipakipag-olay an “Mga Pagirumdom sa Memorial.” Enkaminaron an gabos na sundan an iskedyul nin pagbasa sa Biblia para sa Memorial sa Marso 23-28.
15 min: “Magayagayang Kasaro ni Jehova Asin kan Saiyang Aki.” Sarong nakamomotibar na sono sa Kasuratan na pahayag nin sarong magurang sa kongregasyon. Enkaminaron an gabos na gumibo nin ekstrang paghihingoa poon ngonyan sagkod na umabot an Marso 28 na imbitaran an pinakadakol na mapupuede na mag-atender sa Memorial kaiba niato.
20 min: Paano Kamo Pinakikinabang kan Yearbook? Pahayag asin pakikipag-olay sa mga nagdadangog. Enot, itampok an mayor na mga punto sa “A Letter From the Governing Body,” sa pahina 3-5. Dangan, hagadon sa mga nagdadangog na isaysay an mga bareta asin eksperyensia sa Yearbook na nanompongan nindang nangorognang nakaparirigon nin boot asin nakapakokosog sa pagtubod. (Kun mayo pa an bagong Yearbook, puedeng gamiton sa kabtang na ini an mga punto na hale sa 2001 Yearbook.)
Kanta 45 asin pantapos na pamibi.
Semana nin Marso 25
15 min: Lokal na mga paisi. Ipaliwanag na bako pang huring marhay na isumitir an aplikasyon sa pag-auxiliary payunir sa Abril. Ginagamit an mga suhestion sa pahina 8, ipademonstrar sa sarong magurang sa kongregasyon kun paano iaatubang an Abril 1 Torrengbantayan asin ipaheheling nin sarong hoben kun paano iaatubang an Marso 8 Awake!
10 min: “Iinaan an mga Suskripsion.” Pahayag kan Paraataman sa Paglilingkod, na iniimpormaran an gabos na asosyado sa kongregasyon na kuanon an saindang mga magasin sa kongregasyon imbes na paagi sa suskripsion. Enkaminaron an pag-establisar nin mga ruta nin magasin para sa mga nasa teritoryo niato na gustong regular na makaresibi nin mga magasin.
20 min: Gamiton an Librong Reasoning sa Pagtao nin Pamparigon sa Boot. Pakipag-olay sa mga nagdadangog. An gabos nangangaipo nin mamomoton na pamparigon sa boot sa panapanahon. Kun siring, maninigong mamatean ta gabos an pangangaipo na “magtaram na may pagranga” sa iba. (1 Tes. 5:14) Ginagamit an librong Reasoning, agdahon an mga nagdadangog na sabihon kun anong pamparigon sa boot na sono sa Kasuratan an puedeng ihiras ninda sa sarong nag-aagi nin saro sa mga kasakitan na sinabi sa pahina 117-21. Isuherir na an balang saro maghingoang manranga nin sarong tawo noarin man may maglataw na pangangaipo.—Gal. 6:10.
Kanta 131 asin pantapos na pamibi.
Semana nin Abril 1
7 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Marso.
18 min: “Galagang Pinapastoran kan ‘Balaog na mga Lalaki’ an Aripompon nin Dios.” Pahayag nin sarong magurang sa kongregasyon. Ipakipag-olay an mga sitadong teksto. Ipaheling kun paanong puedeng magbunga nin nakaparirigon na mga eksperyensia an pagpapastor sa inaktibo asin sa pagtabang sa herelangon na gibohon an kaya ninda.
20 min: “Dugangan an Saindong Kagayagayahan sa Paghuhulit.”b Sa pakipag-olay kan parapo 5, idemonstrar an saro o duwang halimbawa kun paano kita puedeng magsadiring boot na dolokon an sarong tawo tanganing magpatotoo nin halipot.
Kanta 15 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.