Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Agosto 29, 2005. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Hulyo 4 sagkod Agosto 29, 2005. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Kun ihinihiras sa iba an satong paglaom, paano niato puedeng ‘ipaaram sa gabos na tawo an satong pagkarasonable,’ asin taano ini ta importante? (Fil. 4:5; Sant. 3:17) [be p. 251 par. 1-3, kahon]
2. Paano makakatabang sa sato na magin mapanggana sa pakiiba sa iba kun aram niato kun noarin mapahunod? [be p. 253 par. 1-2]
3. Taano ta mahalaga an ekspertong paggamit nin mga hapot kun tinatabangan niato an iba na mangatanosan manongod sa sarong bagay? [be p. 253 par. 3-4]
4. Anong mga bagay an maninigong konsideraron tanganing magin nakakabensir an sarong pag-atubang? [be p. 255 par. 1-4, kahon; p. 256 par. 1, kahon]
5. Ano an maninigo niatong girumdomon kun magdesisyon kitang gumamit nin nagpapatunay na ebidensia na masuportar sa pagkarasonable kan Kasuratan? [be p. 256 par. 3-5, kahon]
ASIGNASYON NUM. 1
6. Anong malinaw na ebidensia an nagpapatotoo sa pagigin totoo sa kasaysayan ni Jesus? [w03 6/15 p. 4-7]
7. Paano ‘nagliligtas sa sainda an ngoso kan mga tanos,’ asin paano ‘nagdadanay’ an harong kan mga matanos? (Tal. 12:6, 7) [w03-E 1/15 p. 30 par. 1-3]
8. Mantang an Biblia dai isinurat sa pormang mga reglamento, paano niato ‘masasabotan kun ano an kabotan ni Jehova’? (Efe. 5:17) [w03 12/1 p. 21 par. 3–p. 22 par. 3]
9. Anong mga prinsipyo sa Biblia na kun iaaplikar makakatabang sa saro na makayanan an kadukhaan o bakong paborableng kamugtakan sa pagbuhay? [w03 8/1 p. 5 par. 2-5]
10. Paano maninigong makaapektar sa sato an halimbawa ni Jehova sa bulaos na pagtatao? (Mat. 10:8) [w03 8/1 p. 20-2]
SEMANAL NA BABASAHON SA BIBLIA
11. Ano an kahulogan kan duwang harigi na nginaranan Jaquin asin Booz sa palaog kan templo na itinogdok ni Salomon? (1 Ha. 7:15-22)
12. Kaoyon daw kan Ley ni Moises an pagregalo ni Salomon nin 20 siudad sa daga nin Galilea ki Hadeng Hiram nin Tiro? (1 Ha. 9:10-13)
13. Anong leksion an manonodan niato sa kasumbikalan nin “sarong tawo nin Dios”? (1 Ha. 13:1-25)
14. Sa anong paagi na ipinaheling ni Hadeng Asa kan Juda an saiyang kosog nin boot, asin ano an manonodan niato sa halimbawa nia? (1 Ha. 15:11-13)
15. Paano ipinapaheling kan pangyayari may koneksion ki Hadeng Acab asin Nabot an peligro nin pagkaherak sa sadiri? (1 Ha. 21:1-16)