Kun Ano an Sasabihon Manongod sa mga Magasin

An Torrengbantayan Dis. 15

“Dakol an nahahadit huli ta grabe na kakomersial an pasko asin bagong taon. Sa paghona daw nindo nawara na an pokus kaiyan? [Pasimbagon.] Ipinapaliwanag kan magasin na ini kun paano nagbago an mga kostumbre sa pasko asin bagong taon sa pag-agi nin panahon. Tinotokar man kaiyan kun paano niato tunay na matatawan nin onra an Dios asin si Cristo.” Basahon an Juan 17:3.

Awake! Dis. 22

“Mga 85 taon na an nakaagi, sarong epidemya an guminadan nin mas dakol na tawo sa laog nin 24 semana kisa sa ginadan nin AIDS sa laog nin 24 taon. Inaapod iyan nin nagkapira na pinakagrabeng epidemya sa kasaysayan. Nabaretaan na daw nindo an dapit sa trangkaso Española? [Pasimbagon.] Tinotokar kan magasin na ini kun baga puede giraray na mangyari an siring kaiyan. Nagtatao man iyan nin dahelan para sa paglaom.” Basahon an Isaias 33:24.

An Torrengbantayan Ene. 1

“May kakayahan an mga tawo na gumibo nin dakol na karahayan, pero parate sindang naggigibo nin dai ikaladawan na maraot na mga bagay. Napaghorophorop na daw nindo kun taano? [Pasimbagon.] Itinatao kan magasin na ini an simbag kan Biblia. Ipinapaliwanag man kaiyan kun paano sa katapustapusi dadaogon kan karahayan an karatan.” Basahon an Roma 16:20.

Awake! Ene.

“Napaghorophorop na daw nindo kun ano an magigin kamugtakan kan kinaban pakalihis nin 20 o 30 taon? [Pasimbagon. Dangan basahon an Salmo 119:105.] An Biblia nagtatao nin liwanag dapit sa umaaboton tangani na marisa niato kun ano an nakatagama sa ngapit. Sinisiyasat kan magasin na ini an mga hula na nagpapaheling kun haen na kita ngonyan sa sulog nin panahon asin kun taano ta malalaoman niato an sarong maogmang ngapit.”