Kun Ano an Sasabihon Manongod sa mga Magasin

An Torrengbantayan Mar. 15

“An kadaklan sa sato nagkaigwa na nin mamondong eksperyensia na magadanan nin namomotan. Pamilyar daw kamo sa nakakarangang panugang ini? [Basahon an Gibo 24:15. Dangan pasimbagon.] Pero, dakol an nag-iisip-isip, Sairisay an bubuhayon liwat? Noarin iyan mangyayari? Saen iyan mangyayari? Itinatao kan magasin na ini an simbag kan Biblia sa mga hapot na iyan.”

Awake! Mar.

“Dakol na tawo an naniniwala na si Jesus an Dios. Interesante nanggad, an disipulo ni Jesus na si Pedro ipinamidbid sia bilang Aki nin Dios. [Basahon an Mateo 16:16.] Sa paghona daw nindo posible na si Jesus parehong Dios asin Aki nin Dios? [Pasimbagon.] Sinisiyasat kan artikulo digdi sa pahina 12-13 an hapot na ini, na itinatao an punto de vista kan Biblia.”

An Torrengbantayan Abr. 1

“An bantog na sinabing ini nagtatampok kan kahalagahan nin paglaog sa isip kan kaaraman manongod sa Dios. [Basahon an Mateo 4:4.] Pero, dakol na tawo an nasasakitan na saboton an Tataramon nin Dios. Totoo man daw iyan sa saindo? [Pasimbagon.] An magasin na ini nagtatao nin praktikal na mga suhestion na makakatabang sa saindo na masabotan an Biblia.”

Awake! Abr.

“Dakol na tawo an nagmamaigot na magkaigwa nin kaogmahan, alagad dikit sana an garo baga nakakanompong kaiyan. Sa paghona daw nindo makakatabang sa mga tawo na magkaigwa nin mas maogmang buhay an arin man sa mga bagay na nakalista digdi? [Ipaheling an kahon sa pahina 9. Dangan basahon an saro sa sitadong mga teksto.] Tinotokar kan isyung ini nin Awake! an basado sa Bibliang resipe para sa tunay na kaogmahan.”