Iskedyul sa Pagtiripon sa Paglilingkod
Semana nin Pebrero 11
10 min: Lokal na mga paisi. Ginagamit an mga suhestion na nasa pahina 8 o iba pang presentasyon na angay sa saindong teritoryo, idemonstrar kun paano iaalok an Watchtower na Pebrero 1 asin an Awake! na Pebrero.
15 min: Makakapaglingkod daw Kamo Kun Saen Mas Dakula an Pangangaipo? Pahayag asin pakikipag-olay sa mga nagdadangog basado sa Torrengbantayan na Hulyo 15, 2003, pahina 20. Iiba an mga komento sa librong Organisado, pahina 111, parapo 1, sagkod pahina 112, parapo 1. Interbiohon nin halipot an siisay man na nagbalyo kun saen mas dakula an pangangaipo. Anong mga problema an napaatubang sa sainda, asin paano ninda napangganahan iyan? Anong mga bendisyon an nakamtan ninda?
20 min: Tabangan an mga Bagohan na Umoswag Bilang mga Ministro. Kasunod nin introduksion na mayo pang sarong minuto, magkaigwa nin hapot-simbagan na pagtokar sa Torrengbantayan na Disyembre 1, 2005, pahina 31, na ginagamit an itinaong mga hapot na nasa pinag-aadalan. Pakatapos na pag-olayan an parapo 18, magkaigwa nin sarong demonstrasyon na an kagharong nagkokontra sa sarong bagohan na parahayag na naghuhulit kaiba nin eksperyensiadong parahayag. Bakong epektibo an simbag kan bagohan na parahayag, asin tinapos kan kagharong an pag-oolay. Pakahale ninda, an eksperyensiadong parahayag mamomoton na matao nin komendasyon sa mas bagohan para sa paghihingoa kaini dangan ipapaheling sa saiya kun paano nia puedeng magamit sa ngapit an librong Reasoning tanganing simbagon an siring kaiyan na posibleng pagkontra.
Semana nin Pebrero 18
10 min: Lokal na mga paisi. Piniling Mga Paisi sa An Satong Ministeryo sa Kahadean.
10 min: Lokal na mga pangangaipo.
25 min: “Sarong Patotoo sa Pagtubod!”a Papangenotan kan paraataman sa paglilingkod. Taposon paagi sa positibong pagrepaso sa nagibo kan kongregasyon durante kan nakaaging taon nin paglilingkod.
Semana nin Pebrero 25
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Pebrero. Basahon an report sa kuenta asin mga pasasalamat sa donasyon. Idemonstrar kun paano gagamiton an imbitasyon sa Memorial sa pag-imbitar sa sarong kapamilya o kataed.
20 min: “May Pagpahalagang Paggirumdom sa Pantubos.”b Kun may oras pa, imbitaran an mga nagdadangog na komentohan an sitadong mga teksto.
15 min: Mag-andam sa Pag-alok kan Bagong mga Magasin. Pakikipag-olay sa mga nagdadangog. Pakatapos na magtao nin halipot na sumaryo kan Watchtower na Marso 1 asin Awake! na Marso, hapoton an mga nagdadangog kun arin na mga artikulo an puedeng magustohan kan mga tawo sa teritoryo asin kun taano. Imbitaran an mga nagdadangog na magsambit nin espesipikong mga punto sa mga artikulo na pinaplano nindang itampok. Ano an puedeng ihapot tanganing makapoon nin pag-oolay? Arin na teksto sa artikulo an puedeng basahon sa panahon na iyan? Ginagamit an mga suhestion, idemonstrar kun paano iaalok an Watchtower na Marso 1 asin an Awake! na Marso.
Semana nin Marso 3
10 min: Lokal na mga paisi. Repasohon an pangenot na mga punto sa kahon na “Mga Pagirumdom sa Memorial.”
20 min: Makakapoon daw Kamo sa Marso nin Pag-adal sa Biblia? Pakikipag-olay sa mga nagdadangog. Sa Marso iaalok niato an librong Itinotokdo kan Biblia na may pasohan na makapoon nin mga pag-adal sa Biblia. Repasohon an nagkapira sa marahayon na mga kabtang kan libro. Pag-olayan kun paano iyan puedeng ipresentar kun minadalaw liwat sa saro na nagpaheling nin interes kan iwalat niato sa saiya an imbitasyon sa Memorial, kun minadalaw liwat sa napasakamotan nin magasin, asin kun inaalok iyan sa ministeryong pagharongharong pakalihis nin Marso 22. (Helingon an km 4/07 p. 4; km 3/06 p. 1, par. 3; km 1/06 p. 3-6.) Idemonstrar an saro o duwang presentasyon.
15 min: Gamiton an Biblia Kun Sinisimbag an mga Hapot. Pahayag asin pakikipag-olay sa mga nagdadangog basado sa librong Paadalan sa Pagmiministro, pahina 143-4. Iiba an sarong halipot na demonstrasyon nin sarong parahayag na hinahapot dapit sa sarong bagay na parateng nadadangog sa lokal na teritoryo dangan ginagamit an Biblia sa pagsimbag.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.