Kun Ano an Sasabihon Manongod sa mga Magasin

An Torrengbantayan Okt.-Dis.

“Minimidbid nin mga eksperto an kahalagahan kan papel nin ama sa buhay pampamilya. Ano sa paghona nindo an nakakakontribwir sa pagigin marahay na ama? [Pasimbagon.] Idinoon ni Jesus kun paano nakatabang sa saiya an halimbawa kan saiyang Ama. [Basahon an Juan 5:19.] Itinatampok kan artikulong ini an anom na mahalagang aspekto kan papel nin ama.” Itampok an artikulo na nagpoon sa pahina 18.

Awake! Okt.

“An mga tawo na manlaenlaen an relihion magkakontra an mga pagmansay manongod sa tunay na naturalesa nin Dios. Alagad paano daw Sia ilinadawan kan Aki nin Dios? Mangnoha an mga tataramon ni Jesus sa Juan 4:24. [Basahon.] Sa duwang pahina sana, ipinepresentar kan artikulong ini an punto de vista kan Biblia manongod sa hapot na, ‘Ano an naturalesa nin Dios?’” Itampok an artikulo sa pahina 24 asin 25.

The Watchtower Nob. 1

“Dai napag-ooyon nin dakol na tawo an paniniwala ninda sa sarong mamomoton na Dios asin an katokdoan na daing sagkod na pagpasakit. Ano an opinyon nindo? [Pasimbagon.] Malinaw na itinotokdo kan Biblia na an Dios mayo nin maraot na intension asin bakong benggatibo. [Basahon an Ezequiel 18:23.] Maaapresyar nindo an sono sa Kasuratan na pangangatanosan na iprinesentar sa magasin na ini.”

Awake! Nob.

“Parateng iinaasosyar nin mga tawo an kapangganahan sa kabantogan, kayamanan, o kapangyarihan. Paano daw nindo tatawan nin kahulogan an kapangganahan? [Pasimbagon.] Mangnoha kun ano an minagiya pasiring sa kapangganahan segun sa Biblia. [Basahon an Salmo 1:1-3.] Tinotokar kan artikulong ini an anom na liabe sa kapangganahan.” Itampok an artikulo na nagpoon sa pahina 6.