Kun Ano an Sasabihon Manongod sa mga Magasin

The Watchtower Setyembre 1

“Kun beses an mga tawo naggigibo nin maraot na mga bagay huli sa napasalang kaigotan sa relihion. Ano sa paghona nindo an nagpapangyari na sinda nadadaya nanggad? [Pasimbagon.] Mangnoha an pagdagka kan Biblia. [Basahon an 1 Juan 4:1.] Ipinapaliwanag kan artikulong ini kun taano ta an satong mga paniniwala mahalagang ikomparar sa sinasabi kan Tataramon nin Dios.” Itampok an artikulo na nagpopoon sa pahina 10.

Awake! Setyembre

Basahon an Mateo 5:39. Dangan magsabi: “Sa paghona daw nindo an boot sabihon ni Jesus iyo na magtios na sana kita na daing girong kun ginigibohan nin maraot? [Pasimbagon.] Ipinapaheling kan artikulong ini an sinasabi kan Biblia manongod sa pagdepensa sa sadiri asin paghagad nin legal na proteksion.” Itampok an artikulo na nagpopoon sa pahina 10.

An Torrengbantayan Oktubre-Disyembre

“Sa bilog na kinaban, namimibi an mga tawo ano man an relihion ninda. Sa paghona daw nindo talagang dinadangog asin sinisimbag nin Dios an mga pamibi? [Pasimbagon.] Dinadagka kita kan Biblia na mamibi. [Basahon an Filipos 4:6, 7.] Itinatao kan magasin na ini an simbag kan Biblia sa pitong bagay na parateng ihinahapot manongod sa pamibi.”

Awake! Oktubre

“Parate niatong nadadangog an manongod sa mga tawong trinaydor kan saindang agom, kan mga politiko, asin kan iba pa. Sa paghona daw nindo mas nagigin masakit na makanompong nin mapagtitiwalaan na mga tawo? [Pasimbagon.] Dakol an naniniwala na naootob na an tekstong ini. [Basahon an 2 Timoteo 3:1-5.] Ipinapaliwanag kan magasin na ini kun saen puede pang manompongan an mapagtitiwalaan na mga tawo.”