Sampol na mga Presentasyon
Sa pagpuon nin mga pag-adal sa Bibliya sa inot na Sabado nin Hulyo
“Haros gabos na nakaulay mi gustong magin matuninong an kinaban. Pero, igwa pa man giraray nin mga giyera. Sa hiling nindo, taano ta dipisilon magkaigwa nin katuninungan sa kinaban?” Pasimbagon. Dangan ipahiling an likod kan An Torrengbantayan na Hulyo-Agosto, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat tanganing pag-ulayan an sunod na hapot.
Pasabot: An presentasyon na ini dapat idemonstrar sa pagtiripon bago maglingkod sa Hulyo 6.
An Torrengbantayan Hulyo-Agosto
“May halipot kaming pagdalaw sa lugar nindo. Ipinapakipag-ulay mi an manungod sa sarong lakop na problema. An kadaklan na tawo nag-agi na nin diskriminasyon. Sa paghuna nindo, igwa daw nin lugar sa kinaban na mayo nin diskriminasyon? [Pasimbagon.] Hilinga kun ano an paghiling nin Diyos sa gabos na tawo. [Basahon an Guibo 10:34.] Tinutukar kan magasin na ini kun paano biyong tatapuson nin Diyos an diskriminasyon.”
Awake! Hulyo
“Nagdadalaw kami para ipakipag-ulay an dapit sa sarong nakakahadit na problema—an inhustisya. May mga nagpoprotesta para labanan iyan. Sa paghuna nindo, mapanggana daw sinda sa paggibo nin mga pagbabago? [Pasimbagon.] Hilinga an sinasabi kan Bibliya na magtatao nin tunay na pagbabago sa daga. [Basahon an Mateo 6:9, 10.] Sinisimbag kan magasin na ini an hapot na, Pagprotesta daw an solusyon?”
Maogmang Bareta Hale sa Dios!
“Dinadalaw mi an mga pamilya sa lugar nindo para ipaabot an nakakaparigon sa buot na mensahe sa Bibliya. Dakul sa nakaulay mi an nag-iisip kun taano ta tinutugutan nin sarong mamumuton na Diyos an grabeng kasakitan sa kinaban. Sa paghuna nindo, an kasakitan daw kabtang kan orihinal na katuyuhan nin Diyos para sa daga?” Pasimbagon. Dangan buksan an Leksiyon 5, asin basahon saka pag-ulayan an inot na duwang parapo pati na an mga teksto na nakaitaliko. Ialok an brosyur, asin iareglo an pagdalaw liwat tanganing pag-ulayan an sunod na hapot na naka-bold.