An Satong Pribilehiyo na Magtugdok Asin Magmentenar nin mga Lugar Para sa Tunay na Pagsamba

Matrabaho asin magastos an pagtugdok kaidto kan templo kan Israel. Dawa siring, maigot iyan na sinuportaran kan mga Israelita. (1Cr 29:2-9; 2Cr 6:7, 8) Kan maitugdok na an templo, mahihiling sa kalidad kan pagmentenar diyan kan mga Israelita kun baga makusog an espirituwalidad ninda o bako. (2Ha 22:3-6; 2Cr 28:24; 29:3) Sa ngunyan, dakul na panahon asin kusog an ginagamit kan mga Kristiyano sa pagtugdok, paglinig, asin pagmentenar nin mga Kingdom Hall asin Assembly Hall. Alagad, an siring kaining pagtrabaho kaiba ni Jehova sarong dakulang pribilehiyo asin kabtang iyan kan satong sagradong paglilingkod.—Sal 127:1; Kap 7:15.

MAKAKATABANG KITA PAAGI SA . . .

• 

  Paglinig asin pagpakarhay kan mga bagay-bagay sa Kingdom Hall pagkatapos kan kada pagtiripon. Kun limitado an saimong magigibo, tabi na bayaan na malinig asin areglado an palibot kan tukawan mo.

• 

  Pakikikabtang sa regular na paglinig asin pagmentenar kan Kingdom Hall. Mas maugma asin mas magian an trabaho pag dakul an nagtatarabangan.—lv 92-93 ¶18.

• 

  Pinansiyal na suporta. Dawa an donasyon na “duwang sadit na sinsilyo na hababaon an kantidad” nakakapaugma ki Jehova basta itinao nin hali sa puso.—Mar 12:41-44, NW.

• 

  Pagboluntaryo para tumabang sa pagtugdok asin pagpakarhay nin teokratikong mga pasilidad kun itinutugot kan saimong kamugtakan. Dai man kaipuhan na may eksperyensiya ka na sa pagtugdok.