PAMUMUHAY BILANG KRISTIYANO
Mga Hoben—Dai Pagpahaluyon an Paglaog sa “Dakulang Pinto”
Pag hoben pa, pagmati ta garo daing katapusan an pagigin hoben ta asin dai maabot an ‘maraot na mga aldaw’ na dara kan paggurang sa kinaban ni Satanas. (Par 12:1) Kun ika sarong hoben, puwede mo daw isipon na dakul ka man nin panahon para mag-abot nin espirituwal na mga pasuhan arog kan bilog na panahon na pagmiministeryo?
‘An pagkanurungod’ o dai inaasahan na mga pangyayari minaabot sa gabos, pati sa mga hoben. (Par 9:11) ‘Dai sato nin nakakaaram kun ano an mangyayari sa aga.’ (Sant 4:14) Kaya kun dai man kinakaipuhan, dai mag-atraso sa pag-abot kan espirituwal na mga pasuhan. Maglaog sa “dakulang pinto para sa gibuhon” mantang bukas pa iyan sa saindo. (1Co 16:9, NW) Dai lamang kamo mabasol.
Mga posibleng espirituwal na pasuhan:
Paghuhulit sa ibang lengguwahe
Paglilingkod bilang payunir
Pagklase sa teokratikong mga paadalan
Paglilingkod sa pagtugdok
Paglilingkod sa Bethel
Pansirkitong gibuhon